جاڭا حابارلار

تۇيە قۇس باعۋدىڭ مايتالمانى-تيە بۋحۋانىڭ كۇرەس جاساۋ جولى

    كەلۋ قاينارى: شينجياڭ حالىق راديو ىستانسياسى    2018-05-14 12:42:27  

ستانسيامىزدىڭ ءتىلشىسى ۋاڭ لىچياۋ مەن قۇتىبي اۋداندىق راديو ستانسياسىنىڭ ءتىلشىسى شۇي شىڭشيۋدىڭ حابارى: جاقىندا، قۇتىبي اۋدانى دافىڭ قالاشىعىنىڭ گاۋچياۋ قىستاعىنداعى «تۇيە قۇس باعۋدىڭ مايتالمانى» تيە بۋحۋا تۇيە قۇس ەكولوگيالىق باقشاسىن قۇرۋ جوباسىن اقىرى قولىنا الدى، ول قۋانىشىن باسا الماي: «تۇيە قۇس مەكەنىن قۇرۋ ارمانىما جاقىنداي تۇستىم»،-دەدى.
5-ايدىڭ 10-كۇنى، قۇتىبي اۋدانى دافىڭ قالاشىعىنىڭ گاۋچياۋ قىستاعىنداعى كىشياڭ تۇيە قۇس باعىمشىلىق ديحاندار كاسىپتىك سەلبەستىك كوپەراتيۆى دۋمانعا شومدى، سەلبەستىك كوپەراتيۆبىنىڭ 20 نەشە مۇشەسى تيە بۋحۋانىڭ تۇيە قۇس باعۋ تەحنيكاسىنا قاتىستى لەكسياسىن مۇقيات تىڭدادى. تيە بۋحۋا بىلاي دەدى: تۇيە قۇس باعۋدىڭ قوسىمشا قۇنى نەداۋىر جوعارى، باعۋ نەداۋىر قولايلى، شەشۋشى ءتۇيىن ـــ ونىڭ تىرشىلىك كورۋ قۋاتى، ورتاعا ۇيلەسىمشىلدىگى ەرەكشە كۇشتى. وڭاي ىندەتكە شالدىقپايدى، ىندەتكە قارسىلىق قۋاتى كۇشتى.
تيە بۋحۋا بيىل 57 جاستا، بۇل كۇندەرى ول تۇيە قۇستىڭ تىرشىلىك ادەتىن بەس ساۋساعىنداي قانىق بىلگەنىمەن، 16 جىلدىڭ الدىندا مۇنىڭ كەرىسى ەدى. 2002-جىلى جۇبايى ەكەۋى قولىنداعى بارىن تۇگەل ساتىپ، التى تۇيە قۇس ساتىپ الىپ، تۇيە قۇستىڭ جۇمىرتقاسىن ساتىپ كىرىسىن ارتتىرماقشى بولدى، ويلاماعان جەردەن ساۋداگەرلەر ونى الجاستىرىپ ساۋداعا سالاتىن قۇس ساتىپ بەرگەندىكتەن، تۇيە قۇستار جۇمىرتقالامايدى، ەشقانداي ءونىمىن كورە المايدى. تيە بۋحۋا: «ساۋداعا سالاتىن تۇيە قۇستىڭ بىرەۋى نەبارى نەشە مىڭ يۋانعا تۇرادى، ال اسىل تۇقىمدى تۇيە قۇستىڭ بىرەۋى نەشە ون مىڭ يۋان، ءبىز بۇل جاعىن ونشالىقتى بىلمەگەن سوڭ، قىرۋار زيان تارتتىق»،-دەدى.
قانشالىق زيان تارتسادا تيە بۋحۋا العان بەتىنەن قايتپادى، ول ماڭىنداعى تۇيە قۇس باعۋعا قىزىعاتىن قىستاق ديحاندارىمەن بىرىگىپ كاسىبىن دامىتىپ، بىرتىندەپ بايۋدىڭ سارا جولعا ءتۇستى. 2010-جىلى ول باستاماشىلىق ەتىپ، باعىمشىلىق سەلبەستىك كوپەراتيۆبىن قۇرىپ، باعىمشىلىق كولەمىن كەڭەيتتى، تيە بۋحۋا تۇيە قۇسقا بالاپان باستىرۋدى ويلاعانىمەن، ءبىراق بالاپان باستىرۋ تەحنيكاسىنان مۇلدە حابارسىز ەدى. سونىمەن ول جان-جاققا شاپقىلاپ تەحنيكا ۇيرەندى. ول: «ەلىمىزدىڭ جەر-جەرىن ارالاپ، تۇيە قۇس باعاتىنداردىڭ بارىنەن اقىل-كەڭەس سۇرادىم، باسقالار بىلگەنىن ايتا قويمادى. شاراسىزدىقتان، تۇيە قۇس باعاتىندارعا بارىپ جۇمىس ىستەدىم. تەحنيكا ۇيرەنۋ ءۇشىن، تۇيە قۇسقا جەم بەرۋ، قوراسىن تازالاۋ، ديزەنفەكسيالاۋ سياقتى بارلىق جۇمىستى ىستەدىم»،-دەدى.
جارىم جىلدا، تيە بۋحۋا تۇيە قۇس باعىمشىلىق تەحنيكاسىنا قاتىستى بارلىق ءبىلىمدى بۇكىلدەي يگەردى. سەلبەستىك كوپەراتيۆبى دە جالاڭ باعىمشىلىقتان دامىپ، شوعىرلى باعۋ، بالاپان باستىرۋ، قولعا ۇيرەتۋ، تۇقىمىن اسىلداندىرۋ ءبىر تۇلعالانعان كاسىپتىك سەلبەستىك كوپەراتيۆبىنە اينالدى. وسىمەن عانا قاناعاتتانىپ قالماعان تيە بۋحۋا تاعى كاسىپ سالالانعان تۇيە قۇس باعىمشىلىق سەرىكتەستىگىن قۇرۋدى العا قويدى، ءبىراق ونىڭ بۇل ويىن القالار كەڭەسى قۇپتامادى. سەلبەستىك كوپەراتيۆبىنىڭ مۇشەسى ۋاڭ حۇڭ: «سول كەزدە بىزگە بۇل وتە قاتەرلى سەزىلگەندىكتەن، ەشقايسىمىزدىڭ قارجى قوسقىمىز كەلمەدى. سونىمەن ول ءوزى امالىن تاۋىپ قارجى توپتاماقشى بولدى، ناتيجەدە قوماقتى قارجىسىن باسقالار الداپ اكەتتى، بارلىعىن ءبىر ءوزى ارقالادى. قازىر سەرىكتەستىك ويداعىداي دامىدى، ءبىز دە وعان ىلەسىپ پايداعا كەنەلدىك، قازىر سىرتقا شىعىپ جاعدايىمىزدى ايتساق باسقالار بىزگە قىزىعاتىن بولدى، ءبىز دە ديقان بولعانىمىزعا ماقتاناتىن بولدى»،-دەدى.
قازىر تيە بۋحۋانىڭ كىشياڭ تۇيە قۇس باعىمشىلىق ديحاندار كاسىپتىك سەلبەستىك كوپەراتيۆبىندە بالاپان باساتىن 80 تۇيە قۇس بار، جىل سوڭىندا قالاتىن تۇيە قۇستىڭ سانى 2 مىڭعا جەتىپ، جىلدىق ءونىم قۇنى 5 ميلليون يۋان اينالاسىندا بولىپ وتىر، سەلبەستىك كوپەراتيۆبى مۇشەسىنىڭ جىلدىق ورتاشا كىرىسى 100 مىڭ يۋان. سەلبەستىك كوپەراتيۆبىنىڭ ونىمدەرى ـــ تۇيە قۇستىڭ ەتى، جۇمىرتقاسى، تەرىسى، قاۋىرىسىنى سىندى ءتورت ءىرى ءونىمدى ءوز ىشىنە الىپ، ارىسى بەيجيڭ، شاڭحاي، شياڭگاڭ سياقتى جەرلەردە، سونداي-اق قازاقستان، قىرعىزستان سياقتى ەلدەردە ساتىلادى. بيىل تيە بۋحۋا تاعى تۇيە قۇس ەكولوگيالىق باقشاسىن قۇرۋدى جوسپارلادى. ول بىلاي دەدى: كۇرەس جاساۋدىڭ ءوزى ءبىر ءتۇرلى باقىت، قينشىلىققا جولىققاندا، قامىققاننان كوزىڭە جاس كەلەدى، ءبىراق تۇيە قۇستىڭ بالاپاندارى جۇمىرتقادان شىققاندا ەرەكشە قۋانامىن. قاريدالار تۇيە قۇستىڭ جۇمىرتقاسىنان جاسالعان قول ونەر بۇيىمدارى مەن ونىمدەرىمىزدى ماقتاعان كەزدە، بويىمدى كۇش-قۋات كەرنەيدى، مىنە بۇل كۇرەسۋدىڭ ناتيجەسى، باقىت سەزىمى.


بەرىپ كەت ورامالىڭدى

دوستار

الىستاعى اق ەركە