جاڭا حابارلار

رايونمىز اۋىل-قىستاقتىڭ بەيقۇت ءۇي قۇرىلىسىن جەدەلدەتىپ، ءار ۇلت بۇقاراسىنىڭ تيىمدىلىككە يە بولۋ، باقىتقا كەنەلۋ سەزىمىن ۇزدىكسىز جوعارىلاتتى

    كەلۋ قاينارى: شينجياڭ حالىق راديو ىستانسياسى    2018-05-14 13:08:03  

ستانسيامىزدىڭ جيناق حابارىن تىڭداڭىزدار: بيىل، اۆتونوميالى رايون اۋىل-قىستاقتىڭ بەيقۇت ءۇي قۇرىلىسى بويىنشا 300 مىڭ وتباسىنا ءۇي سالۋ مىندەتىن اتقارۋدى جوسپارلادى، كەزەكتە، رايونمىزدىڭ جەر-جەرى باس شۋجي شي جينپيڭ العا قويعان «حالىق تۇرمىسى قىزمەتىن ويداعىداي مىقتى يگەرۋگە ۇزاق ۋاقىت تاباندى بولىپ، بۇقاراعا وزگەرىستى كورسەتىپ، تيىمدىلىكتەن يگىلىكتەندىرۋ» تالابى بويىنشا، ينجەنەريانى اتقارۋعا عىلمي جەتەكشىلىك ەتىپ، اۋىل-قىستاقتىڭ بەيقۇت ءۇي قۇرىلىسى جانە جاڭاشا اۋىل-قىستاق قۇرىلىسى، قىستاقتى جان-جاقتىلى وڭاۋ، كوركەم اۋىل-قىستاق قۇرىلىسى سياقتىلاردى ورگانيكالى ۇشتاستىرىپ، ءار ۇلت بۇقاراسىنىڭ تيىمدىلىككە يە بولۋ، باقىتقا كەنەلۋ سەزىمىن ۇزدىكسىز جوعارىلاتتى.
تاياۋدا، ءتىلشى قاراقاش اۋدانى ياۋا اۋىلى قوسقورىق قستاعىنىڭ تۇرعىنى ابدۇرەيىم ابدۇراحماننىڭ ۇيىنە بارعاندا، ول جۇمىسشىلارمەن بىرگە جاڭا ءۇيدى سالۋمەن قاربالاس جۇرگەن بولاتىن. ءتىلشى، جاڭادان سالىنعان بەيقۇت ۇيدە سۋ، ەلەكتر، پار تولىق ەكەنىن كوردى. بيىل قاراقاش اۋدانى ديقانداردىڭ قىسقى جىلۋمەن قامدالۋ جاعىنداعى حاۋىپسىزدىك ماسەلەسىن جان-جاقتىلى ويلاستىرىپ، تاعى «تام پەشتى» ادەيى قوسىپ سالىپ بەردى. جاڭا ءۇيىنىڭ بىتۋگە از قالعانىن كورىپ قۋانىشى قوينىنا سيماعان ابدۇرەيىم ابدۇراحمان تىلشىگە بىلاي دەدى: «ۇكىمەت بىزگە جاڭا ءۇي سالىپ بەرىپ، سۋ، ەلەكتر جەتكىزىپ، پار ورناتتى، تاعى تام پەش سالىپ بەردى، سونىمەن بىرگە قالاعا ۇقساس قىستاقتان الاڭ سالىپ، جاسىلداندىرۋ بەلدەۋىن جوندەپ، جولعا اسفاليت جاتقىزدى».
بيىل، قاراقاش اۋدانى بەيقۇت ءۇي سالىپ، حالىققا تيىمدىلىك جەتكىزۋ ينجەنەرياسىن اۋماقتار بويىنشا شوعىرلى جۇرگىزۋدى تىڭعىلىقتى ىلگەرىلەتتى، قازىرگە دەيىن، 7 مىڭ 612 ءۇيدىڭ قۇرىلىسى باستالىپ، 16 مىڭ 301 وتباسىنداعى بۇقارانى 10-ايدىڭ اياعىندا تۇگەلدەي بەيقۇت ۇيگە كوشىرۋدى جوسپارلادى. ءىس جۇزىندىك جاعدايعا ساي قاراقاش اۋدانى ءبىرشاما شەت-شالعاي وڭىرگە، قۇم قويناۋىنا ورنالاسقان كەدەي وتباسىلارىن ءبىر اراعا شوعىرلاندىرىپ، بەيقۇت ءۇيدىڭ ءتۇرلى قوسىمشا قۇرىلعىلارىن ۇزدىكسىز كەمەلدەندىرۋ ارقىلى، قۇرىلىستىڭ ءوزىندىك قۇنىن ۇنەمدەۋمەن بىرگە، قۇرىلىس قارقىنىن اناعۇرلىم جەدەلدەتتى. سونىمەن بىرگە، اۋلا شارۋاشىلىعىن كۇش سالا دامىتىپ، بۇقاراعا ارناپ عىلمي جوبا جاساپ، باعىمشىلىق، ەگىنشىلىك ارقىلى قىستاق تۇرعىندارىن اۋقاتتانۋعا باستادى.
كورشىلەس قوعداي قىستاعىندا، وتكەن جىلى سالىنعان قاز قاتار سالىنعان بۇيقۇت ۇيلەر كوزگە وتتاي باسىلادى. جاڭا ۇيگە كوشىپ كىرگەنىنە ءبىر جىل بولعان امانگۇل اۋلا شارۋاشىلىعىن دامىتۋ ارقىلى كىرىسىن 10 مىڭ يۋاننان اسىردى. ول بىلاي دەدى: «اۋلانى وزگەرتىپ، قوي، سيىر باعىپ، جىلدىق كىرىسىم 10 مىڭ يۋاننان استى، بيىلعى كىرىسىم وتكەن جىلداعىدان كوپ بولۋى مۇمكىن، اۋلاعا كوكونىس ەكتىم».
پارتيا 19-قۇرىلتايىندا بىلاي دەپ اتاپ كورسەتىلدى: «كەدەيلىكتەن قۇتىلدىرۋدان قامال الۋ شايقاسىندا جەڭسكە جەتۋدىڭ تەتىگى-ەرەكشە كەدەي رايونداردىڭ كەدەيلىكتەن قۇتىلدىرۋدان قامال الۋدىڭ شەشۋشى شايقاسىندا جەڭىسكە جەتۋ». بيىل، اۆتونوميالى رايون نازاردى 22 ەرەكشە كەدەي اۋدان، قالاعا شوعىرلاندىرىپ، اۋىل-قىستاقتاعى ارحيۆ تۇرعىزىلىپ، كارتچكا تاراتىلعان، تومەن كىرىستەگى تۇرمىسى قامتاماسىزداندىرىلاتىن وتباسى، اۋىل-قىستاقتاعى بىتىراندى كۇتىمگە الىناتىن ەرەكشە كەدەيلەر، كەدەي مۇگەدەكتەر وتباسى سىندى 4 تۇردەگى ءتۇيىندى وبيەكتىلەر بويىنشا 161 مىڭ 330 وتباسىنىڭ تۇرعىن ءۇي ماسەلەسىن ءتۇيىندى شەشتى. ءۇي سالۋدا پارىقتى قارجى بويىنشا كومەك اقشا بەرۋ ساياساتىن اتقارىپ، ورتالىق ءار وتباسىنا 14 مىڭ يۋان، اۆتونوميالى رايون ءار وتباسىنا 8 مىڭ يۋان كومەك اقشا بەرۋ جانە شينجياڭعا كومەكتەسەتىن ولكە، قالالار ءار وتباسىنا 10 مىڭ يۋان كومەك اقشا بەرۋ نەگىزىندە، شينجياڭعا كومەكتەسەتىن ولكە، قالالار ءار وتباسىنا تاعى حاۋىپتى ۇيلەردى جاقسارتۋ قارجىسىنان 10 مىڭ يۋان قوسىپ بەرىپ، وتباسى سايىن بەرىلگەن كومەك اقشا ولشەمى 42 مىڭ يۋانعا جەتتى.
بەيقۇت ءۇي سالۋ قۇرىلىسىندا، رايونىمىزدىڭ جەر-جەرى اۋىل-قىستاق تۇرعىندارىنىڭ قونىستانۋ ورتاسىن رەتتەۋ-وڭاۋدىڭ 3 جىلدىق ارەكەت جوسپارى مەن اۋىل-قىستاقتى كوركەيتۋ ستراتەگياسىن اتقارۋعا ۇشتاستىرىپ، «تابيعاتقا قۇرمەت ەتۋ، تابيعاتقا سايكەسۋ، تابيعاتتى قورعاۋ» قىزمەت پرينسىبى بويىنشا، ءبىر قىستاقتا ءبىر جوبا، ءبىر وتباسىندا ءبىر جوسپار اتقارۋعا تاباندى بولىپ، ەكولوگيالىق ورتاسى قونىستانۋعا ءجايلى كوركەم اۋىل-قىستاق قۇردى.
اۋات اۋدانى جاڭا ارىق اۋىلىنىڭ قوسقۇدىق قىستاعىندا سالىنىپ جاتقان بەيقۇت ءۇيدىڭ الدىنا ءجۇزىم كاريدورى جاسالدى. اۆتونوميالى رايوندىق مادەنيەت مەڭگەرمەسىنىڭ قوسقۇدىق قىستاعىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اتىرەتىنىڭ ورىنباسار باستىعى انۋار سامەت بىلاي دەدى: «قىستاقتا قازىر 4 مىڭ 700 مەتر ۇزىندىقتا ءجۇزىم كاريدورى بار. ءجۇزىمنەن مۇسسالاس وندىرەمىز، اۋىل-قىستاعىمىزدى كورىكتەندىرگەننەن كەيىن، ساياحاتشىلاردى باۋرايمىز، اۋلا تاعامجايىن اشىپ، اۋىل-قىستاق تۇرمىس سالتىن وزگەرتىپ، ديقانداردىڭ كىرىسىن ارتىرامىز».


بەرىپ كەت ورامالىڭدى

دوستار

الىستاعى اق ەركە