جاڭا حابارلار

توڭكەرىس جولىندا ولىمنەن جاسقانباعان جاس قۇربان ـــــ ياڭ چاۋ

    كەلۋ قاينارى: شينجياڭ حالىق راديو ىستانسياسى    2018-05-14 13:35:12  
ياڭ چاۋ، 1904-جىلى 12-ايدا حىنان ولكەسىنىڭ شينشيان اۋدانىندا دۇنيەگە كەلىپ، 5 جاسىندا ۇيىندەگىلەرمەن بىرگە جياڭشي ولكەسىنىڭ دى-ان اۋدانىنا كوشىپ بارادى. 1921-جىلى حىنان شينيۋان ورتا مەكتەبىنە ءوتىپ، ماركسيزم تۋىندىلارىن وقي باستايدى، ءارى ساباقتاستارىنان يۋان يۇيبيڭ، حۋاڭ داۋ، فاڭ جىميندەرمەن «وزگەرىس جاساۋ ۇيىمى» اتتى توڭكەرىستىك ۇيىمدى قۇرادى. 1923-جىلى كۇزدە ياڭ چاۋ نانچاڭداعى دۇڭنان ۋنيۆەرسيتەتىنە قاراستى ورتا مەكتەپكە بارىپ وقيدى، وسى جىلى 10-ايدا جۇڭگو سوتسياليستىك جاستار وداعىنا قابىلدانادى. 12-ايدا، «جۇڭگوعا جاڭالىق جاساۋدىڭ ءبىر جولى-توڭكەرىس» دەگەن ماقالانى جاريالاپ، پرولەتارلىق توڭكەرىستى بارىنشا ۇندەيدى، وسىدان كەيىن، بەيجيڭ ۋنيۆەرسيتەتىندە وقيدى.
1925-جىلى 30-مامىر قوزعالىسى تۋىلعاننان كەيىن، ياڭ چاۋ بەيجيڭ ۋنيۆەرسيتەتى پارتيا ۇيىمنىڭ تىكەلەي باسشىلىعىندا يمپەرياليزمگە قارسى تۇرۋ قوزعالىسىنا بەلسەنە قاتىناسىپ، يۇن داييىڭ، شياۋ چۋ-نۇيمەن تانىسادى، ءارى داڭقپەن جۇڭگو كوممۋنيستىك پارتياسىنا كىرەدى. وسى جىلى ياڭ چاۋ قىستىق دەمالىستان پايدالانىپ جياڭشيعا قايتىپ توڭكەرستىك قيمىلدارمەن شۇعىلدانادى، ءارى وسى جىلى قىستا دى-انداعى ەڭ ەرتە قۇرىلعان جۇمسشى ۇيىمى ــــ دى-ان چايتان جۇمىسشى ۇيىمىن ۇيىمداستىرادى. 1926-جىلى جازدا، پارتيا ۇيىمى ياڭ چاۋدى جياڭشيگە قايتىپ بارىپ قىزمەت ىستەۋگە جىبەرىپ، ج ك پ جياڭشي جەرگىلىكتى كوميتەتىنىڭ مۇشەسىنە تاعايىندايدى. 12-ايدا، ج ك پ دى-ان اۋداندىق ءبىرىنشى رەتكى پارتيا قۇرىلتايى ياڭ چاۋدى اۋداندىق پارتكومنىڭ شۋجيىنە سايلايدى، ول بۇقارنى سولتۇستىككە جورىق ارمياسىنىڭ جورىق جاساۋىنا بەلسەنە سايكەسۋگە باسشىلىق ەتەدى.
1927-جىلى جياڭ جيەشى 12-ءساۋىر توڭكەرىسكە قارسى ساياسي وزگەرىسىن جاساپ، قالىڭ كوممۋنيستەر قاستاندىققا ۇشىرايدى. ياڭ چاۋ دى-ان حالقىنا باسشىلىق ەتىپ باتىل تۇردە جياڭ جيەشىگە قارسى تۇرۋ كۇرەسىن جاسايدى. 1927-جىلى 12-ايدىڭ 23-كۇنى، ياڭ چاۋدى پارتيانىڭ ۋحان ماجىلىسىنە قاتىناسىپ بولىپ جياڭشيگە قايتقان جولىندا گومينداڭ تىڭشىلارى بايقاپ قالادى. جاۋدى باسقا جاققا باستاپ، بىرگە جۇرگەن جاۋىنگەر سەرىكتەرىن قورعاۋ ءۇشىن، ياڭ چاۋ باقىتقا قارسى قولعا تۇسەدى. دۇشپەن ونى اياۋسىز ۇرىپ سوعىپ، قورقىتىپ جانە شىرعالاپ، ونىڭ اۋىزىنان پارتيا ۇيىمىنىڭ قۇپيالىعىن بىلمەك بولادى. ياڭ چاۋ كوممۋنيستەردىڭ ولسەدە باس يمەيتىن، پارتياعا ادال وسكەلەڭ جىگەرىن ايگىلەيدى. دۇشپاندار ەشقانداي امال تابا الماي، 1927-جىلى 12-ايدىڭ 17-كۇنى نەبارى 23 جاستاعى ونى نانچاڭنىڭ دىشىڭمىنىنىڭ سىرتىنداعى شياشا-ودا اتىپ ولتىرەدى.

بەرىپ كەت ورامالىڭدى

دوستار

الىستاعى اق ەركە