جاڭا حابارلار

اتۇش قالاسى «ينتەرنەت+ » ساياسات ورايىن مىقتى يگەرىپ، اۋىل-قىستاقتاردىڭ ەلەكتروندى ساۋداسىن دامىتىپ كەدەيلىكتەن قۇتىلدىرۋدان قامال الۋدى جەبەدى

    كەلۋ قاينارى: شينجياڭ حالىق راديو ىستانسياسى    2018-05-14 13:50:31  

ستانسيامىزدىڭ تىلشىلەرى ايبىنعازى راحمان ۇلى مەن سۇن ۋيدىڭ حابارىن تىڭداڭىزدار: پارتيا 19-قۇرىلتايىنىڭ بايانداماسىندا: ينتەرنەت، ءىرى سان-سيفر، جاساندى اقىلدىق يقۋات جانە تۇلعالى شارۋاشىلىقتى ىشكەرىلەي توعىستىرۋ كەرەك،-دەپ اتاپ كورسەتىلدى. 3-توپتاعى مەملەكەت بويىنشا ەلەكتروندى ساۋدانى اۋىل-قىستاققا جەتكىزۋدەگى ۋنيۆەرسال ۇلگى قالاسى بولعان اتۇش قالاسى «ينتەرنەت +» ساياسات ورايىن مىقتى يگەرىپ، اۋىل-قىستاقتاردىڭ ەلەكتروندى ساۋداسىن كەدەيلىكتەن قۇتىلدىرۋدان قامال الۋدى جەبەۋدىڭ جاڭا باستاماسىنا اينالدىردى.
اتۇش قالاسسى قاراجون اۋىلدىق اۋىل-قىستاقتاردىڭ ەلەكتروندى ساۋدا قىزمەت وتەۋ پۋنكتىندەگى شاعىن دۇكەندە ءبىر نەشە كومپيۋتەر، حات باسۋ ماشينكاسى تۇر، تىلشىلەر توراپتا زات ساتىپ الۋ-ساتۋ جاعىنداعى ماسەلەلەردى ۇعىسۋعا كەلگەن، نەمەسە اقى تاپسىرۋعا كەلگەن ديقانداردىڭ كوپ ەكەنىن كوردى. دۇكەن باستىعى گۇلزيرا شۋتور كوپشىلىككە قىزمەت وتەۋمەن قاربالاس ءجۇر، ول تىلشىگە بىلاي دەدى: اۋىل-قىستاقتا توك تولتىرۋ، بەلەت ساتىپ الۋ سياقتىلاردى قامتىعان كەي نارسەلەر تىم قولايسىز. بۇرىن مۇندا تەز جولداما جەتكىزەتىن ءبىر دە ءبىر دۇكەن جوق ەدى، ءبىر سالەمدەمە نەمەسە ءبىر نارسە جولداۋ ءۇشىن ولار 80 دە 100 كيلومەتر جول باساتىن. بارىپ كەلگەن جول كىرەسىنە 70 يۋان كەتەدى، قازىر بىزدە ەلەكتروندى ساۋدا ورنى اشىلعان سوڭ ولارعا وتە قولايلى بولدى.

گۇلزيرا شۋتوردىڭ اۋىل-قىستاق ەلەكتروندى ساۋدا قىزمەت وتەۋ پۋنكتى اتۇش قالاسىنىڭ ەلەكتروندى ساۋدانى اۋىل-قىستاققا جەتكىزۋدەگى ۋنيۆەرسال ۇلگى نىسانىنىڭ شاعىن كارتيناسى. بىلتىر 9-ايدان بەرى، اتۇش قالاسى ىلگەرىندى-كەيىندى ءبىر ەلەكتروندى ساۋدا زات دايىنداۋ قامباسىن، 7 اۋىل دارەجەلى ەلەكتروندى ساۋدا قىزمەت وتەۋ پۋنكتىن قۇرىپ، قىستاق پەن اۋىلدىڭ بازار ينجەنەرياسىندا سالىنعان تىكە تيجارات ەتۋ دۇكەنى، ديحاندار دۇكەنى، پوچتا، قامداۋ-ساتۋ سياقتى نەگىزدىك ابزالدىلىق پەن قىزمەت وتەۋ فۋنكتسياسىنان پايدالانىپ، ءار ءبىر اۋىل-قالاشىق پەن قىستاق دارەجەلى حالىققا قولايلى دۇكەن سەكىلدى ورىنداردان 55 ەلەكتروندى ساۋدا قىزمەت وتەۋ پۋنكتىن قۇرىپ، قىستاق تۇرعىندارىنا توراپتا زات ساتىپ الۋ-ساتۋ، اقى تاپسىرۋ، فينانىستىق قىزمەت وتەۋ، اۋىل-قىستاقتا كاسىپ اشۋ، كۇندەلىكتى تۇرمىس سياقتى ەلەكتروندى ساۋدانىڭ سوڭعى بۋىنىندا قىزمەت وتەدى. گۇلزيرا شۋتور بىلاي دەدى: اۋىل-قىستاقتىڭ ەلەكتروندى ساۋدا قىزمەت وتەۋ تەكشەسى ارقىلى، قىستاق تۇرعىندارى دا وزدەرىنىڭ قولونەر بۇيىمدارى مەن اۋىل شارۋاشىلىق ونىمدەرىن ەلەكتروندى ساۋدا تاسىلىمەن ساتۋىنا بولادى، قاراجون اۋىلىنىڭ بيىل قىرعىزداردىڭ كەستەلى قول ونەر بۇيىمدارىن توراپتا ساتۋ كىرىسىن 300 مىڭ يۋانعا جەتكىزەتىندىگى مەجەلەنىپ وتىر، سول جەردەگى 100 دەي ەگىنشى-مالشى وتباسى وسى ارقىلى كىرىسىن ارتتىراتىن بولدى. ول بىلاي دەدى: پارتيا مەن ۇكىمەتتىڭ بىزگە وسىنداي جاقسى ساياسات شىعارىپ، تاماشا تەكشە ازىرلەپ بەرگەنىنە العىس ايتامىز. وسى ارقىلى ءبىز اناعۇرلىم قۇلشىنىپ، تاماشا ءادىس جانە جوسپارىمىز ارقىلى كەدەي وتباستارىنا كوبىرەك كومەك كورسەتەمىز.

ەلەكتروندى ساۋدانىڭ اۋىل-قىستاققا جەتۋىمەن توراپتا زات ساتىپ الۋ تەك قالالىقتاردىڭ عانا ءىسى بولۋدان قالىپ، اۋىل-قىستاق كاسىپورىندارىنىڭ توراپ بازارىن اشتى. اتۇش قالاسى باتىس ءوڭىر چۋانچي ينتەرنەت عىلىم-تەحنيكا شەكتى سەرىكتەستىگىن ەنگىزىپ، جەرگىلىكتى ورىنداعى ءداستۇرلى كاسىپورىندارىنىڭ بۇرىلىس جاساپ دەڭگەيىن جوعارىلاتۋىنا كومەكتەستى. باتىس ءوڭىر چۋانچي ينتەرنەت عىلىم-تەحنيكا شەكتى سەرىكتەستىگنىڭ نىسان جاۋاپتىسى اقبادي دىلمۇرات تىلشىگە بىلاي دەدى: جەرگىلىكتى ورىنداعى كاسىپورىنداردىڭ شاعىن دۇكەن، تاۋباۋ دۇكەنىن اشۋىنا كومەكتەسىپ، 3-جاق ارقىلى ولاردىڭ ءونىمىن تيجارات ەتەمىز. ءبىز جەرگىلىكتى ورىنداعى ەلەكتروندى ساۋدا كاسىپورىندارىنىڭ ەگىنشى-مالشىلاردىڭ ءونىمىن ساتىپ بەرۋىنە كومەكتەسۋگە قۋزايمىز جانە جەتەكشىلىك ەتەمىز. بىلتىر توراپتاعى ساتىلىم كىرىسىمىز 4 ميلليون 800 مىڭ يۋانعا جەتتى، بيىلعى نىسانامىز تاعى دا ەلەكتروندى ساۋدا ارقىلى كەدەيلەردى سۇيەمەلدەۋدى نەگىز ەتىپ، ەلەكتروندى ساۋدا جاعىندا تاربيەلەۋ قىزمەتىن ورىستەتۋ.
كەزەكتە، اتۇش قالاسىندا 12 كاسىپورىن توراپ دۇكەندەرىنە كىرىپ، 10 مىڭ 400 نەشە ادامدى ەلەكتروندى ساۋدا جاعىندا تاربيەلەدى. اتۇش قالاسى ساۋدا جانە ەكونوميكانى ينفورماتسيالاندىرۋ كوميتەتىنىڭ مەڭگەرۋشىسى حى لۋرىن بىلاي دەدى: اۋىل-قىستاقتاردىڭ اۋىل شارۋاشىلىق قوسىمشا ونىمدەرىن ساتۋ جولى بولماعاندىقتان، سىرتقا كوپ شىعارىلمايدى، ەلەكتروندى ساۋدانى اتقارۋداعى نەگىزگى ماقسات ـــ جەرگىلىكتى ورىننىڭ ساپالى اۋىل شارۋاشىلىق قوسىمشا ونىمدەرىن توراپ ارقىلى سىرتقا شىعارۋ جانە ۇگىتتەۋ. كەلەسى قادامدا، شەتكەرى، شالعاي جەرلەردەن 5 پۋنكت جانە دۇكەن قۇرىپ، ولاردىڭ قوي-سيىر ەتىن، قىرعىز ۇلتىنىڭ قولونەر بۇيىمدارىن سىرتقا شىعارىپ ساتىپ، ەلەكتروندى ساۋدانى تولىق جالپىلاستىرىپ، ەلەكتروندى ساۋدا ارقىلى كەدەيلىكتەن قۇتىلدىرۋ نىساناسىنا جەتپەكشىمىز.


بەرىپ كەت ورامالىڭدى

دوستار

الىستاعى اق ەركە