جاڭا حابارلار

حوتان ايماعى روزا گۇل كاسىبىن بار كۇشپەن سۇيەمەلدەپ، ديقانداردىڭ كىرىستەرىن ارتتىرۋىنا كومەكتەستى

    كەلۋ قاينارى: شينجياڭ حالىق راديو ىستانسياسى    2018-05-14 13:58:17  

ستانسيامىز ءتىلشىسى ليۋ چياڭنىڭ حابارىن تىڭداڭىزدار: حوتان ايماعى روزا گۇل كاسىبىن بار كۇشپەن سۇيەمەلدەپ، ديقانداردىڭ اۋقاتتانىپ قۇدىرەتتەنۋىنە مۇمكىندىك جاسادى.
بىرنەشە كۇننەن بەرى، اۆتونوميالى رايوندىق مەملەكەت مەنشىگىندەگى مال-مۇلىكتى باقىلاپ باسقارۋ كوميتەتى سياقتى 10 مەكەمە ورىن كەريا اۋدانىندا «كەريا اۋدانىنىڭ كەدەيلىكتەن قۇتىلدىرۋدان قامال الۋ قىزمەتىن ىلگەرىلەتۋىنە ءتۇيىندى كومەكتەسۋ» ءماجىلىسىن اشىپ، 41 ميلليون يۋاننان استام قارجى قوسىپ، كەريا اۋدانىندا 183 كاسىپ جاعىندا كەدەيلەردى سۇيەمەلدەۋ نىسانىن اتقاراتىن بولدى. مۇنىڭ ءبىرى كەريا اۋداندىق ۇكىمەت پەن شينجياڭ كەريا مەيشۇن بيو تەحنيكا شەكتى سەرىكتەستىگى قول قويعان روزا گۇلىن ساتىپ الۋ سەلبەستىك كەلىسىمى، مۇندا ءار كيلوگرام روزا گۇلى باعاسىنىڭ 170 يۋاننان تومەن بولماۋىنا كەپىلدىك ەتەدى. كەريا اۋداندىق پارتكومنىڭ ورىنباسار شۋجيى شاۋ گاڭ: «مۇنداعى باستى ماقسات، بۇقارانىڭ مۇددەسىن قامتاماسىز ەتۋ. بازار جاعدايى جاقسى كەزدە بۇقارا اناعۇرلىم كوپ تيىمدىلىككە يە بولادى، ال بازار جاعدايى جاقسى بولماعان كەزدە دە ولاردىڭ مۇددەسىنە كەپىلدىك ەتىلەدى، اسىرەسە كەدەي وتباستارىنىڭ كىرىسىنىڭ ورنىقتى ارتۋى قامتاماسىز ەتىلەدى»،-دەدى.

روزا گۇلى كاسىبى ارقىلى كەدەيلىكتەن قۇتىلدىرۋعا كومەكتەسۋ ءۇشىن، كەريا اۋدانى جەرگىلىكتى جاعدايعا قاراي ىستەپ، «تىرەكتى كاسىپورىن + سەلبەستىك ۇيىم + ءوندىرۋ-ۇيرەنۋ-زەرتتەۋ قۇرىلىمى + بازا + ەگىنشى» سىندى اۋىل شارۋاشىلىعىن كاسىپ سالالاندىرىپ دامىتۋ ۇلگىسىن قالىپتاستىردى. كەريا اۋدانى ارال اۋىلىنىڭ تومەن يەتتەباش قىستاعىنىڭ ياڭگۋاڭ ەگىنشىلىك سەلبەستىك كوپەراتيۆى مەيشۇن سەرىكتەستىگىنىڭ كەريا اۋدانىنداعى روزا گۇلىن ساتىپ الاتىن 20 سەرىگىنىڭ ءبىرى. بيىل كاسىپورىن ءبىر مىڭ 500 كيلوگرامدىق تاپسىرىس بەردى، سەلبەستىك كوپەراتيۆىنىڭ مۇشەسى اۋاحان ياقۇپ جونىنەن بۇل بيىلعى كىرىسىنىڭ ارتۋىنا كەپىل بولدى. «ءبىز روزا گۇلىن كوپەراتيۆكە بەرەمىز، كوپەراتيۆ كاسىپورىنعا ساتىپ بەرەدى. ءبىز ساتۋدان الاڭدامايتىن بولدىق. كاسىپورىن تاعى تەحنيك جىبەرىپ، ارام ءشوپ وتاۋ، بۇتاۋ، تىڭايتقىش بەرۋ سياقتى جۇمىستارىمىزعا جەتەكشىلىك ەتەدى، مەن 4 مۋ جەردەگى روزا گۇلىنەن بيىل 15 مىڭ دا 20 مىڭ يۋان كىرىس كىرەدى دەپ مەجەلەپ وتىرمىن».
باس شۋجي شي جينپيڭ: دامۋ كەدەيلىك قالپاعىن لاقتىرىپ تاستاۋدىڭ نەگىزگى ءادىسى. كەدەي وڭىرلەر ءىس جۇزىندىك جاعدايدى شىعار ءتۇيىن ەتىپ، جەرگىلىكتى جاعدايعا قاراي ىستەپ، نە ەگۋ، نە باعۋ، كىرىستى قالاي كىرگزۋ جايلى ايقىن جوسپار جاساپ، بۇقارانىڭ كەدەيلىكتەن قۇتىلۋ جولىن قاراسترۋىنا كومەكتەسۋى كەرەك،-دەگەندى اتاپ كورسەتتى.

كەزەكتە، حوتان ايماعىنىڭ روزا گۇلىن ەككەن جەر كولەمى 65 مىڭ مۋعا تايادى، 100 مىڭنان استام ادام روزا گۇلى كاسىبىنە تىكەلەي ات سالىستى، روزا گۇلى كاسىبىنىڭ جىلدىق ءونىم قۇنى 150 ميلليون يۋانعا جەتتى. «كورىكتى دە حوش ءيىستى» ەرەكشە كاسىپ ەسەپتەلگەن روزا گۇلىنىڭ حوتاندا ەگۋ، ساتىپ الۋ، مانەرلەۋ كاسىپ تىزبەگى قالىپتاستىپ، بۇقارانىڭ كەدەيلىكتەن ارىلىپ، كىرىسىن ارتتىرۋىنداعى تىرەكتى كاسىپتىڭ بىرىنە اينالدى. اۆتونوميالى رايوندىق مەملەكەت مەنشىگىندەگى مال-مۇلىكتى باقىلاپ باسقارۋ كوميتەتىنىڭ ورىنباسار مەڭگەرۋشىسى فۋ يان: «باس شۋجي شي جينپيڭ: مەملەكەت مەنشىگىندەگى كاسىپورىندار كەدەيلەردى سۇيەمەلدەۋ وركەندەتۋدە اناعۇرلىم كوپ جاۋاپكەرشىلىك ارقالاۋى ءتيىس»،-دەدى. مەملەكەت مەنشىگىندەگى مال-مۇلىكتى باقىلاپ باسقارۋ كوميتەتى بولعان ءبىز بۇرىنعىدان دا كوپ مەملەكەت مەنشىگىندەگى كاسىپورىنداردى اتتانىسقا كەلتىرىپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن دايەكتىلەندىرىپ جانە تياناقتاندىرىپ، كەدەيلەردى سۇيەمەلدەۋ وركەندەتۋ قىزمەتىنە بەلسەنە ات سالىسىپ، كەدەيلىكتەن قۇتىلدىرۋدان قامال الۋ شايقاسىن جاقسى جۇرگىزۋگە ۇلەس قوسۋىمىز كەرەك،-دەدى.


بەرىپ كەت ورامالىڭدى

دوستار

الىستاعى اق ەركە