جاڭا حابارلار

ماركسيزمدى ءناسيحاتتاۋشى ـــــ يۋان يۇيبيڭ

    كەلۋ قاينارى: شينجياڭ حالىق راديو ىستانسياسى    2018-05-15 12:25:31  
يۋان يۇيبيڭ 1899-جىلى دۇنيە ەسىگىن اشقان، جياڭشيدىڭ تايحى اۋدانىنان. 1922-جىلى بەيجيڭ ۋنيۆەرسيتەتىنىڭ فيلوسوفيا فاكۋلتوتىنا قابىلدانادى، ءارى كوپ وتپەي جۇڭگو كوممۋنيزم قوزعالىسىنىڭ ۇلى اتويشىسى لي داجاۋمەن تانىسادى. كەيىن لي داجاۋدىڭ تانىستىرۋىمەن جۇڭگو كوممۋنيستىك جاستار وداعىنا، ونان كوپ وتپەي جۇڭگو كوممۋنيستىك پارتياسىنا مۇشە بولادى.
1923-جىلى كوكتەمدە، يۋان يۇيبيڭ پارتيا ۇيىمىنىڭ جىبەرۋىمەن بەيجيڭ ۋنيۆەرسيتەتىنەن نانچاڭعا بارىپ قىزمەت ىستەيدى، وسىدان باستاپ ول كاسىپتىك توڭكەرىسشى جولىمەن جۇرەدى.
1924-جىلى 3-ايدا، جۇڭگو كوممۋنيستىك پارتياسى ورتالىق كوميتەتى يۋان يۇيبيڭدى شاڭحايعا بارىپ قىزمەت ىستەۋگە جىبەرەدى. سول جىلى 8-ايدا، كوممۋنيستىك جاستار وداعى شاڭحاي جەرگىلىكتى كوميتەتى ۇگىت ءبولىمىنىڭ مەڭگەرشىلىگىنە، جەرگىلىكتى كوميتەتتىڭ شۋجيلىعىنا تاعايىندالىپ، كەيىن سولتۇستىككە جورىق جاساۋ ارمياسىنىڭ جىجياڭعا جەڭىسپەن جورىق جاساۋى ءۇشىن قىرۋار قىزمەت ىستەيدى.
1926-جىلى 10-ايدا، يۋان يۇيبيڭ شاڭحاي جۇمىسشىلارىنىڭ ءبىرىنشى رەتكى قارۋلى كوتەرىلىسىنە قاتىناسادى. جىل سوڭىندا، جياڭشيعا قايتىپ بارىپ قىزمەت ىستەپ، كوممۋنيستىك جاستار وداعى جياڭشي رايوندىق كوميتەتىنىڭ شۋجيلىعىنا تاعايىندالادى، ءارى جاستار وداعىنىڭ «قىزىل شام» جۋرنالىنىڭ باس رەداكتورى بولىپ، ونى توڭكەرىس نازارياسىن ۇگىتتەپ، گومينداڭ جاڭا وڭشىل توپتارىنىڭ شابۋىلىنا تويتارىس بەرەتىن ماڭىزدى جۇرتشىلىق پىكىرى شەبىنە اينالدىرادى.
1927-جىلى «12-ءساۋىر» توڭكەرىسكە قارسى ساياسي وزگەرىس تۋىلعاننان كەيىن، ەلىمىزدىڭ جەر-جەرىن اق ءتۇستى لاڭكەستىكتىڭ بۇلتى تورلاپ، قىرۋار كوممۋنيستىك پارتيا مۇشەسى مەن توڭكەرىسشى جۇمىسشى-ديقان بەلسەندىلەرى قاستاندىقپەن ولتىرىلەدى. 12-ايدىڭ 13-كۇنى، يۋان يۇيبيڭ ءتۇرىن وزگەرتىپ جاسانىپ نانچاڭعا بارىپ، ولكەلىك كوميتەتكە قىزمەتتەن مالىمەت بەرك بولعاندا ساتقىندار وپاسىزدىق جاساپ، باقىتقا قارسى تۇتقىندالادى. دۇشپاندار وعان قىسىم جاساپ شىرعالاپ، جان تۇرشىگەرلىك جازالار قولدانسا دا باس يمەي، ولىمنەن تايىنبايدى. 12-ايدىڭ 27-كۇنى يۋان يۇيبيڭ نانچاڭدا ەرلىكپەن قۇربان بولادى، ول سول جىلى 28 جاستا عانا ەدى.

بەرىپ كەت ورامالىڭدى

دوستار

الىستاعى اق ەركە