جاڭا حابارلار

مەملەكەتتىك حالىق قۇرىلتايى تۇراقتى كوميتەتىنىڭ زاڭ اتقارۋدى تەكسەرۋ گرۋپپاسى شينجياڭعا كەلىپ «جۇڭحۋا حالىق رەسپۋبليكاسىنىڭ جۇقپالى اۋرۋلاردان ساقتانۋ جانە ونى ەمدەۋ زاڭىنىڭ» اتقارىلۋ جاعدايىن تەكسەردى

    كەلۋ قاينارى: شينجياڭ حالىق راديو ىستانسياسى    2018-05-15 13:17:32  

مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يىمىرباقى مەملەكەتتىك حالىق قۇرىلتايى تۇراقتى كوميتەتىنىڭ زاڭ اتقارۋدى تەكسەرۋ گرۋپپاسىن باستاپ، شينجياڭعا كەلىپ «جۇڭحۋا حالىق رەسپۋبليكاسىنىڭ جۇقپالى اۋرۋلاردان ساقتانۋ جانە ونى ەمدەۋ زاڭىنىڭ» اتقارىلۋ جاعدايىن تەكسەردى. 5-ايدىڭ 8-كۇنى تۇستەن كەيىن، زاڭ اتقارۋدى تەكسەرۋ گرۋپپاسىنداعىلار اۆتونوميالى رايوندىق حالىق ۇكىمەتىنىڭ جانە بيڭتۋاننىڭ قىزمەت مالىمەتىن تىڭدادى، ءارى اڭگىمە ءماجىلىسىن اشتى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن اڭگىمە ءماجىلىسىن باسقاردى.
ماجىلىستە، مەملەكەتتىك حالىق قۇرىلتايى تۇراقتى كوميتەتىنىڭ مۇشەسى، وقۋ-اعارتۋ، عىلىم-تەحنيكا مادەنيەت، دەنساۋلىق ساقتاۋ كوميتەتىنىڭ ورىنباسار مەڭگەرۋشى جوراسى ۋ حىڭ، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋدىڭ «جۇقپالى اۋرۋدان ساقتانۋ جانە ونى ەمدەۋ زاڭىن» اتقارۋدى تەكسەرۋ جونىندەگى ماڭىزدى نۇسقاۋ رۋحىن جەتكىزىپ، وسى رەتكى زاڭنىڭ اتقارىلۋىن تەكسەرۋدى قىسقاشا تانىستىردى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز، شينجياڭ ءوندىرىس قۇرىلىس بيڭتۋانى پارتكومىنىڭ تۇراقتى مۇشەسى، ورىنباسار سىليڭيۋانى لي پيڭ جەكە-جەكە اۆتونوميالى رايون مەن بيڭتۋاننىڭ جۇقپالى اۋرۋدان ساقتانۋ جانە ونى ەمدەۋ قىزمەتىنىڭ جاعدايىن تانىستىردى.
ەركىن يىمىرباقى سوزىندە ەڭ اۋەلى شينجياڭنىڭ «جۇقپالى اۋرۋدان ساقتانۋ جانە ونى ەمدەۋ زاڭىن» دايەكتىلەندىرىپ اتقارۋ جاعىنداعى قۇلشىنىسى مەن قول جەتكىزگەن تابىستارىن تۇراقتاندىردى. ول بىلاي دەپ اتاپ كورسەتتى: جۇقپالى اۋرۋدان ساقتانۋ جانە ونى ەمدەۋ قىزمەتى حالىقتىڭ دەنساۋلىعى جانە باس اماندىعىمەن، ەكونوميكانىڭ جانە قوعامنىڭ دامۋىمەن، مەملەكەتتىڭ حاۋىپسىزدىگى جانە ورنىقتىلىمەن قاتىستى، سوڭعى جىلداردان بەرى، اۆتونوميالى رايوندىق پارتكوم شي جينپييڭنىڭ جاڭا ءداۋىرجۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇقپالى اۋرۋدان ساقتانۋ مەن ونى ەمدەۋ قىزمەتىن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋ، شينجياڭنىڭ قوعام ورنىقتىلىعى مەن باياندى تىنشىتىق باس نىساناسىن قورعاۋدىڭ ماڭىزدى مىندەتى رەتىندە تياناقتاندىرىپ، جۇقپالى اۋرۋدان ساقتانۋ جانە ونى ەمدەۋ جۇيەسىن ۇزدىكسىز كەمەلدەندىرىپ، ساقتانۋ جانە ەمدەۋ قابىلەتىن جاپپاي جوعارلاتىپ، قىزمەت قابىلەتىن ءۇرتىس كۇشەيتىپ، قامتاماسىزداندىرۋ شاراسىن ءۇرتىس ارتتىرىپ، جۇقپالى اۋرۋدان ساقتانۋ جانە ونى ەمدەۋ قىزمەتىندە كورنەكتى ناتيجەگە قول جەتكىزدى.
ەركىن يمىرباقى بىلاي دەپ باسا دارىپتەدى: جۇقپالى اۋرۋدان ساقتانۋ جانە ونى ەمدەۋ قىزمەتى جالپى جاعدايمەن قاتىستى، مەملەكەتتىك حالىق قۇرىلتايى تۇراقتى كوميتەتىنىڭ وسى رەتكى زاڭ اتقارۋدى تەكسەرۋىندەگى ماقساتى ۇكىمەتتىڭ قاتىستى تاراۋلارىن جۇقپالى اۋرۋدان ساقتانۋ جانە ونى ەمدەۋ بەلگىلەمەلەرىن ونان ارى ويداعىداي تياناقتاندىرۋعا قۋزاۋ بولماق، بۇل اسا ماڭىزدى ءارى توتەنشە قاجەتتى. اۆتونوميالى رايوندىق پارتكوم مەن ۇكىمەت شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ سالامات جۇڭگو ستراتەگياسىنىڭ شەشىم-ورنالاستىرۋلارىن دايەكىتلەندىرىپ، تياناقتاندىرىپ، جۇقپالى اۋرۋدان ساقتانۋ جانە ونى ەمدەۋ قىزمەتىن تىڭعىلىقتى ورىستەتىپ، زاڭ اتقارۋ تەبىنىن ارتتىرىپ، حالىق بۇقاراسىنىڭ دەنساۋلىعى مەن باس اماندىعىنا كەپىلدىك ەتۋ كەرەك.
تەكسەرۋ گرۋپپاسى شينجياڭداعى كەزىندە، تاعى ءىشىنارا ايماق-وبلىستارعا بارىپ، جۇقپالى اۋرۋدان ساقتانۋ جانە ونى ەمدەۋدەگى زاڭ جالپىلاستىرۋ ۇگىت تاربيەسىن جۇرگىزۋ جاعدايى، جۇقپالى اۋرۋدان ساقتانۋ-ەمدەۋ جۇيەسى قۇرىلىسى جانە قىزمەت مەحانيزمى جاعدايى، جۇقپالى اۋرۋدان ساقتانۋ-ەمدەۋ قابىلەتى جاعدايى، جۇقپالى اۋرۋدان ساقتانۋ-ەمدەۋدى قامتاماسىزداندىرۋ جاعدايى،كۇشتى جۇقپالى اۋرۋدان ساقتانۋ جانە ەمدەۋ قىزمەتىنىڭ جاعدايى، ۆاكسينا ەگۋ جاعدايى، ۆاكسينا ساپاسىن باقىلاۋ جانە باسقارۋ جاعدايى سياقتىلاردى ۇستىندە تەكسەرىپ، اڭگىمە ءماجىلىسىن وتكىزىپ، ءارقايسى جاقتىڭ ۇسىنىس-پىكىرىن تىڭدايدى.
مەملەكەتتىك حالىق قۇرىلتايى تۇراقتى كوميتەتىنىڭ جۇقپالى اۋرۋلاردان ساقتانۋ جانە ونى ەمدەۋ زاڭىن اتقارۋدى تەكسەرۋ گرۋپپاسىنىڭ مۇشەلەرى، اۆتونوميالى رايوننىڭ قاتىستى تاراۋلارىنىڭ جاۋاپتى جولداستارى اڭگىمە ماجىلىسىنە قاتىناستى.


بەرىپ كەت ورامالىڭدى

دوستار

الىستاعى اق ەركە