جاڭا حابارلار

لياڭ يىڭ شىن نيەتىمەن قارايلاسقاندىقتان، شىنايى سۇيسپەنشىلىككە يە بولدى

    كەلۋ قاينارى: شينجياڭ حالىق راديو ىستانسياسى    2018-05-16 21:20:36  

ستانسيامىزدىڭ ءتىلشىسى ليۋ چياڭنىڭ حابارى:كەريا اۋداندىق قازىنا مەكەمەسىنىڭ كادرى لياڭ يىڭ شىن نيەتىمەن قارايلاسقاندىقتان، شىنايى سۇيسپەنشىلىككە يە بولدى، سىرتقا شىعىپ جۇمىس ىستەيتىن تۋىسى عۇجاابدوللا روزىنىڭ بالالارىنا قارادى، تۋىسىنىڭ بالالارى ونى «لياڭ تاتە» دەپ اتادى. ءار اپتانىڭ سوڭىندا، لياڭ يىڭ ۇلى ۋاڭ گوگونى ەرتىپ، كەريا اۋدانى سيەك اۋىلى كوكمات قىستاعىنداعى تۋىسى عۇجاابدوللا روزىنىڭ ۇيىنە بارىپ، تاعى ءبىر ۇلى مامەتجان عۇجاابدوللانى اۋدان قالاشىعىنداعى ۇيىنە ەرتىپ اپارادى، ونىڭ ەكى ۇلى كەزىگە سالىسىمەن قۋانعاندارىنان ءبىرىن-ءبىرى قۇشاقتاي الادى. مامەتجان عۇجاابدوللا: ۋاڭ گوگو مەنىڭ ەڭ جاقىن دوسىم، بىرگە ءان ايتىپ، ويىن ويناپ، تاماقتانىپ، ۇيرەنەمىز، وتە قۋانىشتامىن،-دەدى. ۋاڭ گوگو: شەشەم ۇنەمى مامەتجان ەكى ءۇيىمىزدىڭ تۋىس ەكەنىمىزدى، بىرگە ويناعاندا توبەلەسپەي، ءوزارا كوڭىل ءبولىپ، ءبىر-بىرىمىزگە كومەكتەسۋىمىز كەرەكتىگىن ايتادى،-دەدى.
وتكەن جىلى 10-ايدا، لياڭ يىڭ عۇجاابدوللا روزىنىڭ ۇيىمەن تۋىس بولعاندا، تۋىسىنىڭ ۇيىندەگى ۇلكەندەردىڭ ۇزاق ۋاقىت سىرتقا شىعىپ جۇمىس ىستەيتىنىن، ەڭ كىشى بالاسى مامەتجان عۇجاابدوللانىڭ ۇيىندە قالاتىنىن، وعان ناعاشى اعاسى قارايتىنىن بىلەدى. لياڭ يىڭ بىلاي دەدى: ولاردىڭ اتا-اناسى ۇزاق ۋاقىت سىرتقا شىعىپ جۇمىس ىستەيدى، وسى وتباسىنداعى ءۇش بالانىڭ بىرەۋى جوعارى مەكتەپتە، بىرەۋى ورتا مەكتەپتە وقيدى، كىشىسى مامەتجان عۇجاابدوللا بالا باقشاسىندا، مەنىڭ بالاممەن جاستى. تۋىس بولعاننان كەيىن، ءبىر وتباسىنىڭ ادامدارىمىز، بالالاردىڭ اكە-شەشەسى قاسىندا بولماعاندىقتان، ولارعا قارايلاسۋىم كەرەك. لياڭ يىڭ ۇنەمى ۇلىن ەرتىپ، مامەتجان عۇجاابدوللاعا بارىپ تۇرادى. اپتا سوڭىندا، لياڭ يىڭ مامەتجان عۇجاابدوللانى ۇيىنە ەرىپ اكەلىپ، بالاسىمەن بىرگە ويناتادى. مامەتجان عۇجاابدوللا لياڭ يىڭدى وتە جاقسى كورەدى. ول: لياڭ تاتەمدى جاقسى كورەمىن. اپتا سايىن ۇيىمىزگە كەلەدى، جاقسى كورەتىن تاماقتارىمدى ىستەپ، كيىمىمدى جۋىپ بەرەدى، سۋرەت سىزۋدى ۇيرەتەدى، ماعان كوپتەگەن ويىنشىق ساتىپ الىپ بەردى، لياڭ تاتەم  وتە جاقسى،-دەدى. مامەتجان عۇجاابدوللانىڭ اعاسى ارشيدەن عۇجاابدوللا: «اۋدان قالاشىعىندا ورتا مەكتەپتە وقيمىن، ءۇيىمىز مەكتەپتەن نەداۋىر الىس، لياڭ تاتەم اۆتوموبيلمەن مەكتەپكە جەتكىزىپ قويادى، ماعان تۇرمىس قاراجاتىن بەرۋدەن سىرت، ءىنىم ەكەۋىمىزدى بازارعا اپارىپ، تاماق، كەرەك-جاراق ساتىپ الىپ بەرەدى،-دەدى. جارىم جىلدان ارتىق ۋاقىتتان بەرى، لياڭ يىڭ ادال نيەت، شىنايى سۇيسپەنشىلىگىمەن بالالارعا مەيىر جەتكىزدى، ەكى وتباسىنداعىلار ناعىز ءبىر وتباسىنىڭ ادامدارىنا اينالدى. لياڭ يىڭ: ءبىز ءبىر نيەت-ءبىر تىلەكتە بولىپ، تەرەڭ سۇيسپەنشىلىك ورناتقاندا، ۇلتتار ىنتىماعىنىڭ گۇلى قۇلپىرا اشىلادى،-دەدى.


بەرىپ كەت ورامالىڭدى

دوستار

الىستاعى اق ەركە