جاڭا حابارلار

گاۋ شينفىڭ ءۇن-تۇنسىز كۇرەس جاساپ، تاس جولدىڭ حاۋىپسىزدىگى مەن ىركىلىكسىزدىگىن قورعادى

    كەلۋ قاينارى: شينجياڭ حالىق راديو ىستانسياسى    2018-05-16 21:56:00  

ستانسيامىزدىڭ ءتىلشىسى حى فەيدىڭ حابارى:ءۇرىمجى تاس جول باسقارۋ مەكەمەسى دابانچىڭ رايوندىق بولىمشەسىنىڭ تاس جول قورعاۋشىسى گاۋ شينفىڭ 32 جىلدان بەرى، قىزمەت ورنىندا ءۇن-تۇنسىز كۇرەس جاساپ، تاس جولدىڭ حاۋىپسىزدىگى مەن ىركىلىكسىزدىگىن قورعادى. ءۇرىمجى تاس جول باسقارۋ مەكەمەسىنىڭ دابانچىڭ رايوندىق بولىمشەسى باسقاراتىن جانە قورعايتىن جوعارى قارقىندى تاس جول مەن جاي تاس جولدىڭ جالپى ۇزىندىعى 195 كيلومەتر. 1986-جىلى تاس جول قورعاۋشى بولعاننان قازىرگە دەيىن، گاۋ شينفىڭنىڭ ءومىرىنىڭ نە ءبىر تاماشا ساتتەرى تاس جولدا ءوتتى. ول: تاس جول قورعاۋشىلارىنىڭ بارلىعى بىردەي، ۇزاق ۋاقىت سىرتتا جۇمىس ىستەيتىندىكتەن، ۇيىندەگىلەرگە قارايلاسا المايدى، ونىڭ ۇستىنە جوعارى قارقىندى تاس جولداعى قوقىر-قوقسىقتى ۇنەمى تازالاپ، تاس جولدى جوندەيدى، ايتىپ ايتپاي قاتەرى دە نەداۋىر كۇشتى،-دەدى.
م;وتكەن جىلى 5-ايدىڭ ءبىر كۇنى، گاۋ شينفىڭ مەن ونىڭ كاسىپتەستەرى مەملەكەت تاس جولى 30-لەنياسىندا جوعارى قارقىندى تاس جولدىڭ ويلى-شۇڭقىر جەرلەرىن تولتىرىپ جۇرگەندە، بەنزين تاسىيتىن ءبىر جۇك اۆتوموبيلى ولارعا قاراي اعىزىپ كەلە جاتادى، شوفەر اۆتوموبيلدىڭ تەجەگىشىن جانتالاسا باسقانىمەن، جۇك اۆتوموبيلى ولارعا قاراي توتە كەلىپ قالادى. گاۋ شينفىڭ تاس جولدىڭ ورتاسىنداعى راشاتكادان سەكىرىپ، امان قالادى. ول: شىنىمدى ايتسام، تاس جول قورعاۋ قىزمەتى قيىن جۇمىس ،  جاپالى ءارى قاتەرلى. ءبىراق وسى سالادا ۇزاق ۋاقىت ىستەگەندىكتەن، بۇل قىزمەتتى جاقسى كورىپ كەتەدى ەكەنسىڭ،-دەدى.
ءبىر جىلدا، تاس جول قورعاۋشىلارى 30 نەشە ءتۇرلى قىزمەت ىستەيدى. جازدىڭ شىلىڭگىر ىستىعىندا، تاس جول بەتىنىڭ تەمپەراتۋراسى 50 سەلتسي گرادۋسقا تايايدى. گاۋ شينفىڭ مەن ونىڭ كاسىپتەستەرى ەرىگەن اسفاليتتى تاسىپ اكەلىپ، بەينە كيىم جاماعانداي، تاس جولدىڭ بەتىندەگى بۇلىنگەن جەرلەردى جامايدى، اسفاليت تيەلگەن اۆتوموبيل ماڭىنىڭ تەمپەراتۋراسى 70 سەلتسي گرادۋستان اسادى. ال قىستا تاس جولدىڭ قارىن تازالاپ قاتىناستىڭ حاۋىپسىزدىگىن قامتاماسىزداندىرعاندا، ۇسكىرىك اياز بەت قاراتپايدى. بيىل 1-ايدىڭ 27-كۇنى مەملەكەت تاس جولى 314-لەنياسىندا قارلى بوران سوعادى،  گاۋ شينفىڭ سول كۇنى ساعات 18 دەن باستاپ، حاۋىپتەن اراشالاپ، قۇتقارۋ قىزمەتىنە قاتىناسىپ، تاۋلىك بۇيى جۇمىس ىستەيدى. ول بىلاي دەدى: جازدىڭ شىلىڭگىر ىستىعىندا، وڭاي ىستىق ءوتىپ، باسىڭ اينالاپ كوزىڭ قاراۋىتادى، وسىنداي جاعدايدا، اۆتوموبيلدىڭ قاسىنداعى كولەڭكەدە ءبىراز وتىرىپ، دەنە قۋاتىمىز قالپىنا كەلگەننەن كەيىن، جالعاستى جۇمىس ىستەيمىز. ال قىستا، بوران سوققاندا، ورنىڭىزدا تۇراقتاپ تۇرا المايسىز، توڭىپ شىداماعاندا، اۆتوموبيلدىڭ ىشىنە كىرىپ، جىلىنىپ الىپ جۇمىسقا كىرىسەمىز.  ءۇرىمجى تاس جول باسقارۋ مەكەمەسى دابانچىڭ رايوندىق بولىمشەسى بۇرىن مىناداي ەسەپ جاساپتى: ءبىر جىلدا گاۋ شينفىڭ مەن ونىڭ كاسىپتەستەرى تاس جولدان تەرگەن كومىر، تاس، اعاش ماتەريالدارى سياقتىلار 50 تونناعا جەتكەن. گاۋ شينفىڭ ءۇنحاتتاعى پاراقشاسىنا: «تاس جول ىستەرىنە ءومىر بويى ۇلەس قوسامىن» دەپ جازعان. ول: - جول قورعاۋشى تاس جولدى ويداعىداي قورعاۋى كەرەك، ايتپەگەندە ۇستىمىزدەگى كيىمگە نە دەپ جاۋاپ بەرەمىز،  باس شۋجي شي جينپيڭ باقىتتىڭ كۇرەس جاساۋدان كەلەتىنىن ايتتى، قۇلشىنىسىم ارقىلى  كوپشىلىكتىڭ حاۋىپسىز، الاڭسىز جۇرۋىنە كەپىلدىك ەتىپ باقىتقا كەنەلتسەم، ونان وتكەن قۇانىش بولماس ەدى،-دەدى.
 


بەرىپ كەت ورامالىڭدى

دوستار

الىستاعى اق ەركە