جاڭا حابارلار

ەرىلىكپەن قۇربان بولعان ــ يۇي فاڭجوۋ

    كەلۋ قاينارى: شينجياڭ حالىق راديو ىستانسياسى    2018-05-16 21:56:41  

يۇي فاڭجوۋدىڭ بۇرىنعى اتى يۇي لانجۋ، 1900-جىلى 9-ايدىڭ 15-كۇنى جىلي ولكەسىنىڭ نيڭحى اۋدانى (قازىرگى تيانجين قالاسىنىڭ نيڭحى رايونى) بياۋكۋ قىستاعىنداعى ديحان وتباسىندا دۇنيەگە كەلگەن. 1919-جىلى« 4-مامىر قوزعالىسى» تۋىلعان كەزدە، يۇي فاڭجوۋ دەرەۋ يمپەرياليزمگە قارسى وتانشىلدىق كۇرەستىڭ توڭگەرىستىك اعىمىنا قوسىلادى. ول «وقۋشىلاردىڭ وتاندى قۇتقارۋ قوسىنىن» ۇيىمداستىرىپ، العاباسار توپ «جاڭا ءومىر قوعامىن» ۇيىمداستىرۋدى دارىپتەپ، «جاڭا ءومىر» جۋرنالىن شىعارادى.
1922-جىلى يۇي فاڭجوۋ لي داجاۋدىڭ تانىستىرۋمەن، جۇڭگو كوممۋنيستىك پارتياسىنا مۇشە بولادى. لي داجاۋدىڭ باسشىلىعىندا، سوتسياليستىك جاستار وداعىنىڭ تيانجين رايوندىق اتقارۋ كوميتەتىن قۇرىپ، كوميتەت باستىعى بولىپ تاعايىندالادى. سول جىلى، جۇڭگو كوممۋنيستىك پارتياسى ورتالىق كوميتەتى مەن جەرگىلىكتى رايوندىق كوميتەتتىڭ باسشىلىعىندا، جۇڭگو كوممۋنيستىك پارتياسى ورتالىق كوميتەتى تيانجين جەرگىلىكتى اتقارۋ كوميتەتىن باسقارىپ قۇرادى، ءارى كوميتەتتىڭ شۋجيى بولادى.
1927-جىلى زور توڭكەرىس ساتسىزدىككە ۇشىراعاننان كەيىن، پارتيا جەرگىلىكتى توڭكەرىس جانە قارۋلى كوتەرىلىس جاساۋ باعىتىن تۇراقتاندىرادى، جەر-جەر جاپا-تارماعاي قارۋلى كوتەرىلىس جاسايدى. 10-ايدا سولتۇستىك رايون مەكەمەسى «سولتۇستىك كوتەرىلىس جوسپارىن» بەلگىلەپ، بەيجيڭ، تيانجين وڭىرىندە كولەمدى كوتەرىلىس جاسايدى. يۇي فاڭجوۋ جۇڭگو كوممۋنيستىك پارتياسى شۇنجى ولكەلىك كوميتەتى ۇيىمداستىرۋ ءبولىمىنىڭ باستىعى سالاۋاتىمەن شىعىس حىبي ەكىنشى رەتكى يۇيتيان كوتەرىلىسىنە باسشىلىق ەتەدى. شايقاستا كوتەرىلىسشى قوسىن كەرتارتپا جەرگىلىكتى جاساقتاردىڭ قورشاۋىندا قالىپ، ءبىتىراپ قورشاۋدى بۇزىپ ءوتۋ بارىسندا، فىڭرۇن قالاسىنىڭ حىليۋشا رايونىندا جاۋ قورشاپ الىپ، يۇي فاڭجوۋ باقىتقا قارسى تۇتقىندالادى. 1927-جىلى 12-ايدىڭ 30-كۇنى كەشتە، يۇي فاڭجوۋ نەبارى 27 جاسىندا جاۋ قولىندا قازا تابادى.  


بەرىپ كەت ورامالىڭدى

دوستار

الىستاعى اق ەركە