جاڭا حابارلار

 شاش ءتيۆىنىڭ 4 ءتۇرى بار

    كەلۋ قاينارى: شينجياڭ حالىق راديو ىستانسياسى    2018-05-18 22:58:43  

 1. قالىپتى شاش. بۇل ءتيۆىپ يەلەرىنىڭ شاشى 3-4 كۇنگە دەيىن تازا تۇرادى. كەيبىرەۋلەرىندە ۇشتانۋ بولۋى مۇمكىن. باسقالارىنان گورى قالىپتى شاشتى كۇتۋ وڭايىراق، سەبەبى ول سۋسابىنعا كەلگەندە تالعامپاز ەمەس.
 2. قۇرعاق شاش تا ۇزاق ۋاقىت جۋۋدى تالاپ ەتپەيدى. شاش تالشىقتارى جىڭىشكە جانە ۇيىسقىش بولىپ كەلەدى. سول ءۇشىن بۇل تيۆپكە ارنالعان سۋسابىندار دا قويۋ، كرەم تارىزدەس.
 3. مايلى شاشتار 1-،2 - كۇندە-اق لاستانادى، ءبىراق ۇشتانبايدى. مۇنداي شاشقا تەرىدەگى مايدىڭ ءبولىنۋىن رەتتەيتىن، گەل سياقتى، ءمولدىر ءتۇستى سۋسابىندار ىڭعايلى.
 4. ارالاس ءتيۆىپ. ەگەر شاشىڭىزدىڭ ۇشى قۇرعاق ءسىپىرتقى سىندى، ال باس تەرىڭىز ءبىر  كەسە مايدى توڭكەرىپ جىبەرگەندەي بولىپ تۇرسا، وندا ءسىز وسى شاش ءتيۆىپىنىڭ ۋاكىلىسىز. ارالاس تيۆپكە، سايكەسىنشە، ارالاس كۇتىم قاجەت. نەمەسە باس تەرىسىندەگى ماي بالانسىن رەتتەپ، سونىمەن قاتار شاشتىڭ ۇشىن كەپتىرمەيتىن ph نەيترالدى سۋسابىنداردى تاڭداڭىز.
 تاعى ءبىر باستى قاعيدا- سۋسابىننىڭ قۇرامىن زەرتتەۋ. قۇتىسى سيليكون، سۋلفات، پارابەنگە تولى ونىمدەردەن تۇبەگەيلى باس تارتىڭىز. پارابەندى قاتەرلى ىسىك تۋدىرۋى مۇمكىن دەسە، سۋلفات - بارلىق شاشتىڭ مايلى قورعانىس قاباتىن، تابيعي ءنارىن وزىمەن جۋىپ اكەتەدى . سودان كەيىن شاشىم ءوڭسىز، جىلتىرامايدى ءارى سىنعىش دەپ رەنجەيسىز. ال سيليكوننىڭ باس تەرىسىندە جينالىپ، شوگىپ قالاتىن ادەتى بار، اسەرىنەن باس تەرىسى تىنىستامايدى، جيەگى لاستانادى، شاش اۋىرلايدى.
 قۇرامى سۋلفاتسىز، پارابەنسىز، سيليكونسىز ايگىلى ماركالاردىڭ ونىمدەرى قىمباتىراق تۇرادى. سول ءۇشىن، سۇلۋلىقتىڭ قالتانىڭ ازداپ جۇقارۋىن تالاپ ەتەتىنە كونىڭىز.


بەرىپ كەت ورامالىڭدى

دوستار

الىستاعى اق ەركە