جاڭا حابارلار

قۇمىل قالاسى كوپ ساتىلى قارتتاردى كۇتىمدەۋ قىزمەت وتەۋ فورماسىن بەلسەنە قاراستىرىپ، قارتتاردىڭ سوڭعى عۇمىرىن الاڭسىز وتكىزۋىنە مۇمكىندىك جاسادى

    كەلۋ قاينارى: شينجياڭ حالىق راديو ىستانسياسى    2018-05-22 11:49:17  
قۇمىل راديو ستانسياسىنىڭ ءتىلشىسى لي شياۋفىڭنىڭ حابارى: قۇمىل قالاسى ۇيدە بولۋدى نەگىز، الەۋمەتتىك اۋماقتى سۇيەنىش، قۇرىلىمدى تولىقتاۋ ءادىسى، ەمدەۋ مەن قارتتاردى كۇتىمدەۋدى بىرلەستىرۋدى ءتاسىل ەتكەن كوپ ساتىلى قارتتاردى كۇتىمدەۋ قىزمەت وتەۋ جۇيەسىن جاپپاي قالىپتاستىرىپ، قارتتاردى كۇتىمدەۋ ءتۇرلى قاجەتىن قاناعاتتاندىرىپ، قارتتاردىڭ سوڭعى عۇمىرىن الاڭسىز وتكىزۋىنە مۇمكىندىك جاسادى.
كۇندەلىكتى تۇسكى استان كەيىن، قۇمىل قالاسى ەۋىرعۇل رايونى لييۋان ءمالىسى الەۋمەتتىك اۋماعىنداعى كۇندىزگى قارايلاسۋ قىزمەت وتەۋ ورتالىعىنان ادەمى مۋزيكا اۋەنى ەستىلەدى.قارتتار وسى ارادا ءان شىرقاپ، ءبي بيلەيدى نەمەسە كينو فيلم كورىپ كوڭىلدەنىپ قالادى.2015-جىلى، ەۋىرعۇل رايونى قوعامدىق كۇشتەردى ەنگىزىپ، ۇكىمەت قۇرۋ، حالىق تيجارات ەتۋ ۇلگىسىن قولدانىپ، الەۋمەتتىك اۋماقتاعى كۇندىزگى قارايلاسۋ ورتالىعىن جاڭادان جانە وزگەرتىپ سالىپ، 60 تان اسقان بارلىق قارتتارعا باعىتتاپ اشتى.10 يۋانعا ءبىر ۋاق ءدامدى قۋىرماشتار جەي الادى، ءجۇرىپ-تۇرۋى قولايسىز قارتتارعا تاماق جەتكىزىپ بەرۋ قىزمەتىن وتەيدى، بۇل ءارقايسى الەۋمەتتىك اۋماقتاعى قارتتارعا جايلىلىق اكەلدى. تۇرعىن جاڭ جۇنليڭ بىلاي دەدى: دەمالىسقا شىعۋدان بۇرىن، دەمالىسقا شىققاننان كەيىن وسىنداي قولايلى تۇرمىسقا كەنەلەم دەپ ويلاماپپىن، وتە باقىتتى سەزىنەمىز.
ەكى جىلدان استى، وتباسى ىرگەسىندەگى وسى «قارتتارعا سۇيەنىش ورنى» بارعان سايىن قارسى الۋعا بولەنۋدە، ءارى قارتتاردىڭ تاماقتانۋىنا، ەمدەلۋىنە، شۇعىل جۇمسىتارىنا قولعابىس ەتۋ سياقتى كوپتەگەن قىزمەت وتەۋ تۇرلەرىنە بىرتىندەپ كەڭەيدى. قۇمىل قالاسى زىشۋان قارتتاردى اقاۋسىز كۇتىمدەۋ قىزمەت ورتالىعى كۇندىز قارايلاسۋعا قىزمەت وتەيتىن 4 ورتالىقتى ۇستىنە الدى.باس مەڭگەرۋشىسى شين زىشۋان بىلاي دەدى: قارتتاردى ويداعىداي تاماقتاندىرۋدان سىرت، قارتتاردىڭ دەنساۋلىعىنا كوڭىل بولەمىز.بيىل قارتتاردى كۇتىمدەۋ قوسىنى قارتتارعا باعىتتاپ جاسىل ەمدەۋ ءادىسى مەن جابدىقپەن ەمدەۋ ءادىسى ارقىلى ولاردىڭ اقاۋسىزدىعىنا كۇش سالادى، قازىر وسىعان ازىرلەنۋدەمىز.
قۇمىل قالاسى ەۋىرعۇل رايونىنداعى قوعامدىق يگىلىك قىزمەتىن وتەۋ ورتالىعىندا، ەمدەۋ مەن كۇتىمدەۋدى بىرلەستىرۋ، اقاۋسىزدىق پەن كۇتىمدەۋدى بىرلەستىرۋ كوزقاراسى بويىنشا، ەمحانا اشىپ كۇندەلىكتى ەمدەپ قالماستان، تاعى جەرگىلىكتى ورىنداعى قارتتاردى ساۋىقتىرۋ ورتالىعىمەن سەلبەسىپ، اناعۇرلىم كاسىپ سالالانعان ءونىمدى ەمدەۋ، دەنسالۋىق ساقتاۋ قىزمەتىمەن قامدادى.69 جاستاعى جۇما وقاي بىلاي دەدى: وسى اراعا كەلگەلى ۇزاق جىل بولدى، ءارقايسى جاقتاعى قۇرىلعىلارى بارعان سايىن كەمەلدەنۋدە.قازىر، كيىمدەرىمىز جۋۋلى، تاماعىمىز پىسىرۋلى، ناۋقاستانىپ قالساق قارايتىن ادام بار، پارتيا مەن مەملەكەتتىڭ بىزگە قارتتارعا قارايلاساتىن وسىنداي تاماشا ورتا جاراتىپ بەرگەنىنە ەرەكشە العىس ايتامىز.
قازىرگە دەيىن، قۇمىل قالاسىندا ۇكىمەت باسقارعان، حالىق باسقارعان قارتتاردى كۇتىمدەۋ قۇرىلىمىنان 12 ىسى، جالپى 2 مىڭ 525 توسەك بار، ءار مىڭ قارت 35 توسەكتەن يگىلىكتەنەدى، سالىنىپ بولعان، ءارى پايدالانۋعا بەرىلگەن كۇندىز قارايلاسۋ قىزمەت وتەۋ ورتالىعى مەن اۋىل-قىستاقتارداعى ءوزارا كومەكتەسۋ باقىت ورنىنان 60 ى بار.قۇمىل قالاسى يگىلىك ورنىنىڭ باستىعى تاڭ حۇڭيان بىلاي دەدى: بۇرىنعى كۇتىمدەۋ فورمامىزدا ءبىز تەك ادەتتەگە تيىمدىلىك جاساۋ سيپاتىندا كۇتىمدەدىك، بىرنەشە جىلدان بەرى ەرەكشە تيىمدىلىك جاساۋعا قاراي بىرتىندەپ وزگەردىك، قازىرگى 9073 فورماسى بويىنشا، اقىل-ەسىنەن، ءجۇرىپ-تۇرۋ قابىلەتىنەن ايىرىلعان قارتتاردى ءبىز ءبىردىڭ بىرگە قاتىناسى بويىنشا، قالىپتى قارتتاردى ءبىردىڭ ونعا قاتىناسى بويىنشا كۇتۋ فورماسىن قولدانامىز، بىزدەگى سەسترا، كۇتۋشى قىزمەتكەر، تاعى كۇتۋشى جۇمىسشىلار سايكەسىپ، 4 باندە 3 كەزەك اينالۋ سىندى شيپاحانالاردىڭ فورماسىن قولدانادى.پارتيا 19-قۇرىلتايىنان كەيىن، قۇمىل قالاسىنىڭ قارتتاردى كۇتىمدەۋ قىزمەت وتەۋ سالاسىندا بۇرىنعىدان دا جاقسى ىستەۋدى، اسىرەسە، ەمدەۋ مەن كۇتىمدەۋدى ۇشتاستىرۋدى تۇتاس قوعامعا جالپىلاستىرىپ، قارتتارعا اناعۇرلىم جاقسى قىزمەت وتەۋدى ويلاستىردىق.

بەرىپ كەت ورامالىڭدى

دوستار

الىستاعى اق ەركە