جاڭا حابارلار

سالامات سانجىدا حالىق وزدەرىن بارعان سايىن باقىتتى سەزىندى

    كەلۋ قاينارى: شينجياڭ حالىق راديو ىستانسياسى    2018-05-21 12:56:46  

ستانسيامىزدىڭ ءتىلشىسى جين لەي مەن سانجى راديو ستانسياسىنىڭ ءتىلشىسى جۋ ليجۇن جازعان اقپاراتتىق ارناۋلى حابار: 40 جىلدان بەرگى رەفورما جاساپ ەسىك اشۋ، ورەلى كەڭەس جۇڭگونى وزگەرتتى. 40 جىلدان بەرى، اۆتونوميالى رايوندىق پارتكوم مەن حالىق ۇكىمەتى ءار ۇلت كادرلارى مەن بۇقارانى ىنتىماقتاستىرا باستاپ،كۇش-قۋاتتى ۇيىستىرىپ، ۇدىرە العا تارتىپ، قينشىلىقتاردى جەڭىپ، شينجياڭنىڭ ەكونوميكالىق، قوعامدىق دامۋىنىڭ تىڭ داستانىن جازدى. كەزەكتە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىندا، اۆتونوميالى رايوندىق پارتكوم مەن حالىق ۇكىمەتى شي جينپيڭنىڭ جاڭا ءداۋىر جۇڭگوشا سوتسياليزىم يدەياسى مەن پارتيا 19-قۇرىلتايىنىڭ رۋحىن جەتەكشى ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە-موتە قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، ىنتىماقتى دا جاراسىمدى، گۇلدەنىپ-كوركەيكەن، باي، وركەنيەتتى، العا باسقان، حالىق الاڭسىز تۇرمىس كەشىرگەن جۇڭگوشا سوتسياليستىك شينجياڭدى قۇلشىنا قۇرۋدا. بۇگىننەن باستاپ ستانسيامىز «الىپ جۇڭحۋا ايبىنى جۇرت تاڭعالتىپ، بارامىز جاڭا داۋىرگە شەرۋ تارتىپ ـــــ رەفورما جاساپ ەسىك اشۋدىڭ 40 جىلدىعىن قۇتتىقتايمىز» دەگەن ارناۋلى ايدار اشىپ، اۆتونوميالى رايونىمىزدىڭ كەدەيلىكتەن قۇتىلدىرۋدان قامال الۋ، ەكونوميكانىڭ جانە قوعامنىڭ دامۋى، حالىق تۇرمىسىن جاقسارتۋ، قوعامنىڭ ورنىقتىلىعىن قورعاۋ، ۇلتتار ىنتىماعىن ىلگەرىلەتۋ سياقتى جاقتاردا قول جەتكىزگەن تابىستارىن تولىق ايگىلەپ، ءار ۇلت حالىقىنىڭ تۇرمىسىنداعى تىڭ وزگەرىستەر مەن ولاردىڭ ناقتىلى تيىمدىلىككە كەنەلگەندىگىن جاپپاي كورسەتىپ بەرەدى.
5-ايدىڭ 20-كۇنى تۇستەن بۇرىن، ەندى عانا انا بولعان سانجى قالاسىنىڭ تۇرعىنى چىن فاڭ وتباسى شيپاگەرىنىڭ قول تەلەفون APP جۇمساق بولشەگى ارقىلى الدىن الا كەلىسكەن ۋاقىت بويىنشا، بالاسىن كوتەرىپ الەۋمەتتىك اۋماقتىڭ دەنساۋلىق ساقتاۋ قىزمەتىن كورسەتۋ ورتالىعىنا بارىپ، الدىن الا كەلىسكەن شيپاگەرگە تەكسەرىلۋگە دايىندالدى. ول: جۇكتى بولعان كەزىمدە كوڭىل-كۇيىم ورنىقپاي، قاتتى ابىرجىدىم، الەۋمەتتىك اۋماقتىڭ قىزمەت كورسەتۋ ورنىنا بارىپ، قول تەلەفون APP جۇمساق بولشەگى ارقىلى وتباسى شيپاگەرىنە الدىن الا كەلىستىم، وسى تەكشە مەرزىم بويىنشا قايسى ۋاقىتتا نەندەي تەكسەرۋ ىستەلەتىنىن حابارلاپ تۇرادى، بىزگە وتباسىمىزدا شيپاگەر بارداي سەزىلدى،-دەدى.
چىن فاڭ ايتىپ وتىرعان وتباسى شيپاگەرىنىڭ قول تەلەفون APP جۇمساق بولشەگى ارقىلى الدىن الا كەلىسۋ ـــ سانجى وبلىسىنىڭ پارتيا 19-قۇرىلتايىنىڭ بايانداماسىندا ورتاعا قويىلعان سالامات جۇڭگو ستراتەگياسىنىڭ تالابىنا ساي، وتكەن جىلدان باستاپ اتقارعان ەمدەۋ ءتۇزىلىس رەفورماسى مازمۇنىنىڭ ءبىرى. پارتيا 19-قۇرىلتايىنىڭ بايانداماسىندا بىلاي دەپ اتاپ كورسەتىلدى: جۇڭگوشا ەمدەۋ دەنساۋلىق ساقتاۋ جۇيەسى ارقىلى ساپالى دا جوعارى ءونىمدى ەمدەۋ دەنساۋلىق ساقتاۋ قىزمەتىن كورسەتىپ، بۇكىل ەل حالقىنىڭ ساۋ-سالامات، ۇزاق عۇمىر كەشۋىنە شىنايى كەپىلدىك ەتۋ كەرەك.ءبىر جىلعا جەتپەيتىن ۋاقىتتا، سانجى وبلىسىداعى 100 مىڭعا جۋىق بۇقارا وتباسى شيپاگەرىنىڭ تەگىن قىزمەت ەتۋ قاتارىنا قوسىلىپ، بۇرىنعىدان دا تەز ءارى جوعارى ءونىمدى ەمدەۋ قىزمەت ەتۋىنەن يگىلىكتەندى. سانجى قالاسى جيانگو كوشەسى الەۋمەتتىك اۋماعى دەنساۋلىق ساقتاۋ قىزمەتىن كورسەتۋ ورتالىعىنىڭ ورىنباسار مەڭگەرۋشىسى جۋ يالي بىلاي دەدى: «قازىر وتباسى شيپاگەرلەرى تۇرعىنداردىڭ پەرزەنتتەرى سەكىلدى، اۋرۋحانا توسەگى مەن شيپاگەرگە كورىنۋ نومىرىنە الدىن-الا كەلىسەدى، تۇرعىندار ولاردى ءوز بالامىز دەپ بىلەدى، ولارعا وتە سەنەدى».
حالىققا جان-جاقتىلى، تولىق، اقاۋسىز قىزمەت ەتۋ ــــ سانجى وبلىسى بۇلجىماي تاباندى بولىپ كەلگەن اكىمشىلىك ىستەردى اتقارۋ بەتالىسى بولدى. 2003-جىلى سانجى وبلىسى جاڭاشا اۋىل-قىستاقتىڭ سەلبەسىپ ەمدەۋ ءتۇزىمىن اتقاردى، 2013-جىلدان كەيىن، قازىنادان تولەۋ سالىستىرماسى جىل سايىن ارتىپ، بۇقارانىڭ اۋرۋحانادا جاتۋ اقىسىن ۇكىمەت ەسەبىنەن كوتەرۋ سالىستىرماسى بارىنشا جوعارلادى. بيىل 1-ايدا، سانجى وبلىسى تاعى قالا-اۋىل تۇرعىندارىنىڭ نەگىزدىك ەمدەۋ قامسىزداندىرۋ ءتۇزىمىن بىرىكتىرۋ قىزمەتىن باستادى، بۇرىنعى جاڭاشا اۋىل-قىستاقتىڭ سەلبەسىپ ەمدەۋىن قالا-قالاشىق تۇرعىندارىنىڭ ەمدەۋ قامسىزداندىرۋ تۇزىمىمەن بىرىكتىرىپ، قالا-اۋىل تۇرعىندارىنىڭ نەگىزدىك ەمدەۋ قامسىزداندىرۋىنا اينالدىرىپ، قالا-اۋىل تۇرعىندارىنا تيىمدىلىك جاسادى، 68 جاستاعى ۋاڭ گۇيلان سولاردىڭ ءبىرى. ول: «قازىرگى قىزمەت ەتۋ بۇرىنعىدان كوپ جاقساردى، اقشادا ونشالىقتى كوپ كەتپەيدى، وسى رەت اۋرۋحاناعا جاتقاندا، 17 مىڭ يۋاننان ارتىق اقشا جۇمساعان ەدىم، قالتامنان نەبارى 5 مىڭ يۋاننان ارتىق اقشا شىقتى»،-دەدى.
قازىر ءبىرسپىرا رەفورما ساياساتى جاپپاي اتقارىلدى: جالپى حالىقتىڭ دەنساۋلىعىن تەگىن تەكسەرۋ، ءوڭىر ارالىق الىس ارالىقتان ەمدەۋ تورابى، ءار دارەجەلى شيپاحانانىڭ ەمدەۋ بىرىككەن تۇلعاسى، وتباسى شيپاگەرىمەن الدىن الا كەلىسۋ سياقتىلار، وسى جاڭا شارالار، قيىننان وڭايلاسىپ، كۇردەلىدەن قاراپايىمداستى، ناۋقاس كورسەتۋ قيىن بولۋدان، ۇيىندە وتىرىپ شيپاگەرگە كورىنۋگە الدىن الا كەلىسۋگە دەيىن، بۇقارا وزدەرىن بارعان سايىن باقىتتى سەزىنەتىن بولدى. سانجى وبلىستىق دەنساۋلىق ساقتاۋ جانە جوسپارلى تۋىت كوميتەتى پارتگرۋپپاسىنىڭ ورىنباسار شۋجيى، ورىنباسار مەڭگەرۋشىسى لي فىڭپيڭ بىلاي دەدى: بۇرىنعى ىرىقسىز تۇردەگى ەمحانادا ناۋقاستىڭ كەلۋىن كۇتىپ وتىرۋ، قازىرگى ىرىقتىلىقپەن اقاۋسىز قىزمەت ەتۋگە ويىستى، قىزمەت ەتۋ فورماسىنىڭ وزگەرۋى بۇقارانى رەفورمانىڭ جەتىستىگىنەن يگىلىكتەندىرىپ، بۇرىنعىدان دا كوپ اقاۋسىزدىق بىلىمىنە، ەمدەۋ قىزمەتىن كورسەتۋىنە يە ەتتى، سانجى وبلىسىنداعى بۇقارانىڭ ۇزاق ءومىر سۇرىپ، دەنىنىڭ ساۋ، تۇرمىسىنىڭ ءتىپتى دە باقىتتى بولۋىنا مۇمكىندىك جاسادى.


بەرىپ كەت ورامالىڭدى

دوستار

الىستاعى اق ەركە