جاڭا حابارلار

اعالى - ىنىلىلەر قول ۇستاسىپ،بىرلىكتە اۋقاتتاندى

    كەلۋ قاينارى: شينجياڭ حالىق راديو ىستانسياسى    2018-05-19 13:05:48  

بۇراتالا قالالىق راديو-تەلەۆيزيا ستانسياسىنىڭ ءتىلشىسى ۋاڭ جيڭتاۋ مەن حۋاڭ گىنشيدىڭ حابارى: بۇراتالا قالاسى ۇتىبۇلاق قالاشىعى ۇلاستاي قىستاعىندا «ءبىر وتباسىنىڭ ادامدارى» اتتى ديحاندار تاعامجايى بار، وسى تاعامجايدىڭ قوجايىنى ـــ جاڭ جى مەن كامىل ۇزاق ۋاقىتتان بەرى ءبىرىن-ءبىرى قولداپ، قينشىلىقتا بىرگە بولىپ، تۋعان اعالى-ىنىلىدەي بولىپ كەتتى.
-«جايشىلىقتا، تازالىققا ەرەكشە كوڭىل ءبولۋ كەرەك، تازا بولعاندا، تاپسىرىس بەرەتىندەر نەداۋىر كوپ بولادى».
- «ءجارايدى».
ءار اپتانىڭ سوڭىندا، ديحاندار تاعامجايىنىڭ ساۋداسى ەرەكشە كۇسەت بولىپ، قاريدارلاردىڭ اياعى ۇزىلمەيدى، جاڭ جى مەن كامىل دە ءتۇرلى دايىندىق جۇمىستارىن ويداعىداي ىستەپ، جان-جاقتان كەلگەن قوناقتاردى قارسى الۋعا ازىرلەنەدى.
ديحاندار تاعامجايى كامىلدىڭ جەمىس اعاشى باقشاسىنان اشىلعان، جەمىس اعاشى باقشاسىنىڭ قارسىسىندا بۇرىن جاڭ جىنىڭ ءۇيى وتىراتىن. 2003-جىلى چۇڭچيڭنان شينجياڭعا كەلىپ، كاسىپ كوزىن اشقان جاڭ جى، ۇلاستاي قىستاعىنان 9 مۋ ەگىستىك جەردى جالعا الىپ، جاراقسىز زاتتاردى ساتىپ الۋ ورنىن اشادى، ەسىگىنىڭ قارسى جاعىنداعى كورشىسى كامىل. جاڭ جى: سول كەزدە ساۋدانى ەندى باستاعام، جاراقسىز زاتتاردى ساتىپ الۋ ورىنى نەداۋىر شاعىن، قاريدار كوپ، ءبىراق وتىراتىن ورىن از ەدى، كامىل بۇل ارانىڭ وتە تار ەكەنىن كورىپ، قاريدالاردى ىرىقتىلىقپەن ۇيىنە ۇسىنىس ەتەتىن، سونىمەن قارىم-قاتىناسىمىز بىرتىندەپ قويۋلادى،-دەدى.

كامىلدىڭ 3 مۋ الما باقشاسى بار. كوكتەمدە الما اعاشى گۇل اشقاندا، كامىل جاڭ جىنى ۇيىنە قوناققا شاقىرسا، ال كۇزدە الما پىسقاندا، كامىل تاعى جاڭ جىنىڭ ۇيىنە الما اپارىپ بەرەتىن، مەرەكە-مەيرامدا ەكى وتباسىنداعىلار ءبىر-ءبىرىنىڭ ۇيىنە قىدىراتىندىقتان، قارىم-قاتىناستارى كۇن سايىن قويۋلايدى.
2015-جىلى 2-ايدا، كامىلدىڭ جۇبايى اۋىرىپ اۋرۋحاناعا جاتىپ قالادى، ءارى وپەراتسيا جاساتۋعا 50 مىڭ يۋان اقشا قاجەت بولادى. قيىنشىلىق قىسپاعىندا قالعاندا، كامىل جاڭ جىنى ىزدەپ بارادى. كامىل: «سول كەزدە جاڭ جى ىنىمە تەلەفوندا حابارلاسىپ، اقشا قاجەت ەكەنىن ايتتىم، ول ماعان اقشا اكەلىپ بەردى»،-دەدى.
جاڭ جىنىڭ كومەگىندە، كامىلدىڭ جۇبايىنا تەز ارادا وپەراتسيا جاسالىپ، ۇزاق وتپەي ول ساۋىعىپ، اۋىرۋحانادان شىعادى.
2017-جىلى ۇلاستاي قىستاعى قىستاق ديحاندارىن اۋلا شارۋاشىلىعىن دامىتۋعا شابىتتاندىردى، كامىل ەگەر جەمىس اعاشى باقشاسىن ديحاندار تاعامجايىنا وزگەرتسە، كىرىسىن ارتتىرۋىنا بولاتىنىن ويلاعانىمەن، ءبىراق بۇعان العاشقى مەرزىمدە قىرۋار قارجى قوسۋ قاجەت، قارجىنى قايدان تابادى؟ سونىمەن ول جاڭ جىعا بارىپ، ونىمەن سەلبەسۋدى اقىلداسادى، قىسقا عانا بەس كۇندە، جاڭ جى 500 مىڭ يۋان اقشا جيناپ، ونى كامىلگە بەرەدى. ديحاندار تاعامجايىنىڭ اتىن «ءبىر وتباسىنىڭ ادامداردى» دەپ اتايدى، ەكەۋى سەلبەسىپ تيجارات جۇرگىزەدى. باسقارۋعا قولايلى بولۋى ءۇشىن، جاڭ جى ءۇيىن ديحاندار تاعامجايىنا كوشىرىپ اپارادى، ەكى وتباسىنداعىلار ءبىر اۋلادا تۇرىپ، ءبىر وتباسىنىڭ ادامدارىنا اينالدى.
جاڭ جى بىلاي دەدى: «بۇدان بىلاي قانداي ساتسىزدىككە نەمەسە قينشىلىققا جولىقساق تا، ەكەۋىمىز ءوزارا اقىلداسىپ شەشەمىز، ءبىز ماڭگى ءبىر-بىرىمىزدەن ايىرىلمايتىن جاقسى اعالى-ىنىلەردەنبىز».


بەرىپ كەت ورامالىڭدى

دوستار

الىستاعى اق ەركە