جاڭا حابارلار

سانجى وبلىسى پاراساتتى اۋىل شارۋاشىلىعىن دامىتىپ، «شينجياڭ اۋىل شارۋاشىلىعىنداعى جاسىل ەلەكترون ونەركاسىبىن» كۇش سالا قۇردى

    كەلۋ قاينارى: شينجياڭ حالىق راديو ىستانسياسى    2018-05-23 12:43:06  
ستانسيامىزدىڭ ءتىلشىسى جيڭ لەي مەن سانجى راديو ستانسياسىنىڭ ءتىلشىسى جۋ ليجۇننىڭ حابارى: جىلىجايعا تۇسەتىن ساۋلە اۆتوماتتى رەتتەلەدى، ەكىلىكتى جايمالاسا بولعانى اۋىل شارۋاشىلىق ونىمدەرىنىڭ تۇقىم قاينارىن انىقتاۋعا بولادى. سانجى وبلىسى عىلىم-تەحنيكادا جاڭالىق جاساۋ ءبىر قىدىرۋ شارالارىن اتقارۋ ارقىلى، وسىزامانعى اۋىل شارۋاشىلىق كاسىپ جۇيەسىن قالىپتاستىرىپ، پاراساتتى اۋىل شارۋاشىلىعى ارقىلى بۇقارانىڭ تۇرمىسىن جاقسارتتى.
ــ ادەتتە، كوكونىستىڭ مايساسى توپىراقتا وسەدى ەمەسپە؟
ــ ءيا
ــ مىنا كوكونىس مايساسى سۋدا وسەدى.
ــ ءيا، سۋدا وسەتىن بولدى عوي.
سانجى اۋىل شارۋاشىلىق كورمە باقشاسىندا كۇندەلىكتى كوپتەگەن قالا تۇرعىنى ىستىق بەلدەۋدە وسەتىن وسىمدىكتەر مەن گۇل-شوپتەردى ەكسكورسيالاپ، ەلىمىزدەگى وسىزامانداعان وزىق اۋىل شارۋاشىلىق عىلىم-تەحنيكالارىنا كۋا بولادى. شينجياڭ كىچۋاڭ تياندا اۋىل شارۋاشىلىق ينجەنەريا شەكتى جارنا سەرىكتەستىگىنىڭ ءوندىرىس مەڭگەرۋشىسى مۋ شياۋيۇن بىلاي دەدى: تۇيىق فورماداعى وسى وسىمدىك باقشاسىندا وسىمدىكتەر سۋدا وسەدى، LED شامى، توك، سۋ بولسا بولدى كوكونىستەر سۋدا وسەدى، قول تەلەفوننىڭ APP ىن اشساڭىز، ءوزىڭىز جانىندا بولماساڭىز دا توراپ ارقىلى جىلىجايدىڭ تەمپەراتۋراسى مەن ىلعالدىعىن لايىقتى ۋاقىتتا كورە الاسىز.
سۋدا كوكونىس ءوسىرۋ ــــ سانجى وبلىسىنىڭ پاراساتتى اۋىل شارۋاشىلىعىن دامىتقاندىعىنىڭ ايعاعى. 2014-جىلدان باستاپ، سانجى وبلىسى دارىندىلاردى ەنگىزىپ، ءىرى ساندى مالىمدەتتى ءبىر جايلى ەتۋ جۇيەسىن زەرتتەپ اشتى، ءبىرىنشى، ەكىنشى، ءۇشىنشى كاسىپتى توعىسپالى دامىتۋدى عىلىم-تەحنيكا ارقىلى جەبەدى، قازىر، جاپپاي جالپىلاستىرۋ كەزەڭىنە ءوتتى. نە ءبارى بىرنەشە جىلدا، سانجىداعى ديقاندار اۋىل شارۋاشىلىق عىلىم-تەحنيكاسى اكەلگەن ناتيجەلەردەن يگىلىكتەندى، ديقاندار ەگىن سالۋدا «ايگىلى» بولا باستادى. قۇتىبي اۋدانى دافىڭ قالاشىعىنىڭ حۇڭليۋتاڭ قىستاعى پارتيا ياچەيكاسىنىڭ شۋجيى سۇن شۋۋىن بىلاي دەدى: كومپيوتەرىمنەن ەگىستىڭ جەردەگى سۋ، تىڭايتقىشتىڭ جاعدايىن كورە الامىن، قايسى جەردە دەرت-دەربەز بولسا، اتىز باسىندا تەلەفونمەن توتە سۋرەتكە تارتىپ پروفەسسور قىزمەت پۋنكتىنا جولدايمىن، پروفەسسور سۋرەتكە تالداۋ جاساپ، ساندى مالىمدەتتەردى سالىستىرعاننان كەيىن بارىپ تىڭايقىشتى تامشىلاتۋ، ءدارى سەبۋ بارىسىندا وسى ماسەلەلەردى تىكەلەي شەشەدى.
زەردەلى تىڭايتقىش بەرىپ، تامشىلاتىپ سۋارۋ قۇبىرى بولسا بولعانى، سۋدا ەرىگەن تىڭايتقىشتى ديقانداردىڭ اتىز باسىنداعى تامشىلاتىپ سۋارۋ جابدىمەن تۇتاستىرىپ، توراپتاندىرۋ تەرمينالىن ورنالاستىرادى، قول تەلەفوننىڭ APP بولشەگى ارقىلى ديقانداردىڭ وتباسىنان ۇزاپ شىقپاي-اق ەگىس داقىلدارىنا تىڭايقىش بەرۋىنە، سۋارۋىنا بولادى، شينجياڭ «حۇي-ىر» اۋىل شارۋاشىلىق توبى شەكتى جارنا جاۋاپكەرلىك سەرىكتەستىگى سانجى بولىمشە سەرىكتەستىگىنىڭ باس مەڭگەرۋشىسى جاۋ ۋيچيڭ: «2017-جىلى شينجياڭدا 100 مىڭ مۋعا تاياۋ جۋىق جەرگە 300 قۇبىر جاتقىزىپ، زەردەلى تىڭايتقىش بەرۋ جۇيەسىنەن پايدالانىپ ديقانداردىڭ ءونىم مولشەرىن %93 كوبەيتتىك»،-دەدى.
قازىر، سانجى مەملەكەتتىك اۋىل شارۋاشىلىق عىلىم-تەحنيكا باقشا رايونىنان پايدالانعان سانجى وبلىسى ورگانيكالىق ساپالى تۇقىم جەتىلدىرۋ، اۋىل شارۋاشىلىق ونىمدەرىن جىنتىكتەي مانەرلەۋ، اۋىل شارۋاشىلىق ونىمدەرى ساۋدا-زات اينالىمى، كوڭىل اشۋ، سەيىلدەۋ اۋىل شارۋاشىلىعى سياقتى ەرەكشە كاسىپتەردى كۇش سالا دامىتۋ ناتيجەسىندە، باقشا رايونى «شينجياڭ اۋىل شارۋاشىلىعىنداعى جاسىل ەلەكترون ونەركاسىبىنە» اينالدى. سانجى مەملەكەتتىك اۋىل شارۋاشىلىق عىلىم-تەحنيكا باقشا رايونىن باسقارۋ كوميتەتىنىڭ ورىنباسار مەڭگەرۋشىسى لاي ۋانيان بىلاي دەدى: «وسى جاڭا تەحنيكالار مەن جاڭا ونىمدەرى اۋىل شارۋاشىلىعىندا قولدانىلۋ بارىسىندا وراسان زور وزگەرىس بولىپ، اۋىل شارۋاشىلىعىنىڭ ءوندىرىس ونىمدىلىگىن جوعارىلاتىپ قالماستان، حالىقتىڭ تۇرمىستىق ءونىم ساپاسىن ۇزبەي مولايتتى، ءارى اۋىل-قىستاقتاردىڭ بەت-بەينەسىندە وراسان زور وزگەرىس بولدى. بيىل سانجى وبلىسىنىڭ ءارقايسى اۋداندارىنان ءبىر توپ ۇلگى بازالارىن قۇرىپ، رەفورما جاساپ، ەسىك اشۋ ارقىلى قول جەتكەن ناتيجەلەردى سانجى وبلىسىندا ءساتتى جالپىلاستىرماقشىمىز، سونداي-اق، تۇتاس وبلىس، تۇتاس شينجياڭداعى بۇقارانى يگىلىكتەندىرۋ، تۇرمىسىن اناعۇرلىم جاقسارتۋعا كۇش سالامىز».

بەرىپ كەت ورامالىڭدى

دوستار

الىستاعى اق ەركە