جاڭا حابارلار

اۆتونوميالى رايوندىق ادەبيەت-كوركەمونەرشىلەر بىرلەستىگى «بۇقارا اراسىنا بارۋ» اتىنداعى ادەبيەت-كوركەمونەرشى ەرىكتىلەرىنىڭ قىزمەت وتەۋ كۇنىن ورىستەتتى

    كەلۋ قاينارى: شينجياڭ حالىق راديو ىستانسياسى    2018-05-24 13:04:38  
ستانسيامىزدىڭ ءتىلشىسى دۇڭ جىيۇڭنىڭ، پراكتيكانت ءتىلشى گۋان شياۋشياۋدىڭ حابارى: 5-ايدىڭ 23-كۇنى 5-رەتكى جۇڭگو ادەبيەت-كوركەمونەرشى ەرىكتىلەرىنىڭ قىزمەت وتەۋ كۇنى، اۆتونوميالى رايوندىق ادەبيەت-كوركەمونەرشىلەر بىرلەستىگى «بۇقارا اراسىنا بارۋ» اتىنداعى ادەبيەت-كوركەمونەرشى ەرىكتىلەرىنىڭ قىزمەت وتەۋ كۇنىن ورىستەتتى.
ءۇرىمجى قالاسى سايباق رايونى ياڭزىجياڭ شىعىس جولى الەۋمەتتىك اۋماعىنىڭ قيمىل وتكىزۋ ورتالىعىندا، اۆتونوميالى رايوندىق ادەبيەت-كوركەمونەرشىلەر بىرلەستىگىنىڭ ونەرپازدارى قيمىلعا قاتىناسقان جۇزدەن ارتىق تۇرعىنعا «جاستىق كوكتەم جىرى» اتتى ءبي، «اۋەلگى ماقساتتى ۇمىتپاۋ» اتتى جەكە ءان، «قىزىل شىراق ەستەلىگى» اتتى بەيجيڭ تەاترىنىڭ تاڭدامالى تۋىندىلارى سياقتى نومىرلەردى ورىندادى. قيمىلدا اناعۇرلىم تاماشا ونىمدىلىككە جەتۋ ءۇشىن، اۆتونوميالى رايوندىق ادەبيەتشىلەر مەن كوركەمونەرشىلەر بىرلەستىگى شينجياڭنىڭ 10 نەشە جەرگىلىكتى ونەرپازىن ۇسىنىس ەتتى، مۇنىڭ ىشىندە شينجياڭداعى ايگىلى ءانشى شامىل شاكىر، شينجياڭنىڭ «قولونەر ءپىرىسى» عايرات ءيزىز سياقتىلار بار. وسى رەت شينجياڭ اسكەري رايونى ويىن-ساۋىق ۇيىرمەسىنىڭ مەملەكەتتىك 1-د ارەجەلى ارتيىسى شامىل شاكىر «تاماشا جاڭا ءداۋىر»، «ۇلتتار ىنتىماعىنىڭ بەرەكەلى شاڭىراعىندا» اتتى ەكى تۋىندىنى الا كەلدى. ول بىلاي دەدى: «بۇقارا ءۇشىن ءان سالىپ، بۇقاراعا قىزمەت وتەيمىز، بۇدان كەيىن ءبىز داۋىرمەن تەڭ العا باسۋعا تاباندى بولىپ، ءار ۇلت حالقى ۇناتىپ تىڭداپ، سۇيىپ كورەتىن تۋىندىلاردى جاراتىپ، حالىققا تارتۋ ەتەمىز».
نومىرلەر الۋان تۇرلىلىگىمەن، تاماشا مازمۇنىمەن كوپشىلىكتىڭ جاقسى باعاسىنا يە بولدى. كورەرمەن ابليكىم قادىر بىلاي دەدى: «بۇگىن مەن ›قىزىل شىراق ەستەلىگى اتتى بەيجيڭ تەاترىن كورىپ، ەرەكشە ۇناتتىم، وتە كوڭىلدىمىن».
كورەرمەن اسيا ءمۇتالىپ بىلاي دەدى: «بۇل قيمىلعا قاتىناسقانىم ەرەكشە جاقسى بولدى، نومىرلەر كوپ ەكەن. بۇدان كەيىن وسىنداي قيمىلداردى كوبىرەك وتكىزىپ، ارامىزداعى سۇيىسپەنشىلىكتى نىعايتسا دەيمىن».
ۇعىسۋعا قاراعاندا، 5-ايدىڭ 23-كۇنىنىڭ الدى-ارتىندا، اۆتونوميالى رايوندىق ادەبيەت-كوركەمونەرشىلەر بىرلەستىگىنىڭ ءار قايسى ادەبيەت-كوركەمونەرشىلەر قوعامى «حالىق اراسىنا بارۋ» تاقىرىبىن ارقاۋ ەتە وتىرىپ، فورماسى الۋان-ءتۇرلى ادەبيەت-كوركەمونەرشى ەرىكتىلەرىنىڭ قىزمەت وتەۋ قيمىلىنان 10 كەزەك وتكىزەدى ەكەن. اۆتونوميالى رايوندىق ادەبيەت-كوركەمونەرشىلەر بىرلەستىگى قارىم-قاتىناس ءبولىمىنىڭ ورىنباسار باستىعى لي يانفاڭ بىلاي دەدى: «اۆتونوميالى رايوندىق ادەبيەت-كوركەمونەرشىلەر بىرلەستىگى ايگىلى ماركا قيمىلدارىمىز ارقىلى، ءبىر جاقتان قۋانىشتى نەگىزگى ساتىعا جەتكىزىپ، ەندى ءبىر جاقتان › بۇقارا اراسىنا بارۋ‹ اتىنداعى ادەبيەت-كوركەمونەرشى ەرىكتىلەرى قيمىلىنىڭ رۋحىن دايەكتىلەندىرىپ، الەۋمەتتىك اۋماقتارعا، اسكەري بولىمدەرگە، مەكتەپتەرگە، اۋىل-قىستاقتارعا بارىپ، ولارعا ويىن نومىرلەرىن قويىپ، قالىڭ بۇقارانى اناعۇرلىم كوپ مادەنيەت ازىعىنان يگىلىكتەندىرەدى».

بەرىپ كەت ورامالىڭدى

دوستار

الىستاعى اق ەركە