جاڭا حابارلار

شىنايى كوڭىلى ارقىلى شىنايى سۇيىسپەنشىلىككە يە بولعان، اۋىل-قىستاققا ءوزىن ارناعان لي يۇڭچيڭنىڭ قىستاقتا تۇرعان اڭگىمەسى

    كەلۋ قاينارى: شينجياڭ حالىق راديو ىستانسياسى    2018-05-24 13:11:26  
ستانسيامىزدىڭ ءتىلشىسى ليۋ چياڭنىڭ حابارى: ورگاننان نەگىزگى ساتىعا، كەڭسەدەن اتىز باسىنا دەيىن، حوتان ايماقتىق ورمان شارۋاشىلىعى مەكەمەسى شولەيتتەنۋدى تىزگىندەۋ كەڭسەسىنىڭ ورىنباسار مەڭگەرۋشىسى لي يۇڭچيڭ 2016-جىلدان 2017-جىلعا دەيىن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاقتا تۇرۋ اتىرەتىنىڭ باستىعى سالاۋاتىمەن، شىنايى سۇيىسپەنشىلىگى ارقىلى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاقتا تۇرۋ قىزمەتىن قىستاق تۇرعىندارىنىڭ كوڭىلىنەن شىعاتىنداي ىستەدى. بيىل، ول تاعى قاراقاش اۋدانى توقۇلا اۋىلى تاش قىستاعىندا ءوزىنىڭ 3-جىلعى قىستاقتا تۇرۋ تۇرمىسىن باستادى.
لي يۇيچيڭنىڭ قول تەلەفونىندا، ونىڭ ءوزى جاساعان ەلەكترلى مۋزيكا البومى بار، ونداعى سۋرەتتەردىڭ ءبارى ءوزىنىڭ نيا اۋدانىندا «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەتىن ىستەگەندەگى ۇمتىلماس ساتتەرى ەدى. 2016-جىلى جانە 2017-جىلى، لي يۇڭچيڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەتىنە ءۇرتىس ەكى رەت ىرىقتى تىزىمدەلىپ، جەكە-جەكە نيە اۋدانىنىڭ قاپاقاسقان قىستاعى مەن نيا اۋىلىنىڭ توپي قىستاعىنداعى قىزمەت اتىرەتىنىڭ باستىعى مىندەتىن اتقارادى. ول بىلاي دەدى: «ءار جولى قىسىلىپ-قىمتىرىلعان كەزىمدە مەن مۋزيكا البومىمدى كورەمىن، ءار ءبىر سۋرەتتە مەنىڭ قىستاقتا تۇرعان كەزدەگى تۇرمىسىم بەينەلەنگەن، بۇدان تابىستىڭ مول ەكەنىن، ىستەگەن قىزمەتىمنىڭ تاتيتىنىن سەزەمىن».
كاريا: سالەمەتسىڭ بە، ــ دەپ ەدى، لي يۇڭچيڭ: كۋاحان، مەن كىممىن؟-دەپ سۇرادى، كاريا: سەن لي يۇڭچيڭسىڭ عوي، ــ دەگەندە، لي يۇڭچيڭ: دۇرىس، مەن لي يۇڭچيڭ، دەنساۋلىعىڭىز ءتاۋىر مە؟» ــ دەپ سۇرادى. تەلەفون سوققان نيە اۋدانى نيا اۋىلى توپي قىستاعىنداعى 82 جاستاعى سۇيەنىشى جوق كاريا كۋاحان سىدىق ەدى، تەلەفوندا كاريا «ۇلىن» ساعىنعاندىعىن ايتتى. 2017-جىلى، لي يۇڭچيڭ مەن كۋاحان سىدىق تۋىس بولادى، لي يۇڭچيڭ كاريانىڭ تاماعى مەن كۇندەلىكتى تۇرمىسىنا قارايلاسىپ قالماستان، تاعى ءوزى اقشا شىعارىپ، كاريانىڭ اۋلاسىن رەتتەپ وزگەرتەدى. ونىڭ شىنايى كومەكتەسىپ سۇيەمەلدەۋى جانە شىن كوڭىلىن ارناۋى اناعۇرلىم كوپ قىستاق تۇرعىندارىن اسەرلەندىرەدى. لي يۇڭچيڭ بىلاي دەدى: «ديقاندار مەنىڭ اجەيدىڭ جەرىن تەگىستەپ، قوي قورا سالىپ جاتقانىمدى كورىپ، ىرىقتىلىقپەن كەلىپ كومەكتەستى، ولار حوتاننان كەلگەن كادر بولعان سەن كۋاحان كاريانى ءوز شەشەڭدەي كوردىڭ، بارلىمىز اجەيدىڭ كورشىسىمىز، ول دا ءبىزدىڭ شەشەمىز سياقتى، ءبىزدىڭ وعان كومەكتەسەتىن ءجونىمىز بار دەستى».
بيىل، لي يۇڭچيڭ قاراقاش اۋدانى توقۇلا اۋىلى تاش قىستاعىندا «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاقتا تۇرۋ قىزمەت اترەتىنىڭ باستىعى، ءبىرىنشى شۋجيى بولدى. تاش قىستاعى ەرەكشە كەدەي بولماسا دا، الايدا حالىق سانى نەداۋىر مول بولعاندىقتان، قىستاق تۇرعىندارىنىڭ كىرىسىن بەكەمدەپ جانە ورنىقتىرىپ، قىستاق تۇرعىندارىنىڭ قايتا كەدەيلەسۋىنىڭ الدىن الۋ قىسىمى ءالى دە توتەنشە اۋىر ەدى. لي يۇڭچيڭ بىلاي دەدى: «ءبىز اۋەلى بۇقارامەن بارىس-كەلىس جاساپ، ءوزارا تۇسىنىستىك، ودان كەيىن ناقتىلى ىستەردى ىستەدىك. جەمىس اعاشى كاسىبىمەن شۇعىلدانۋ ارقىلى ساپانى جوعارىلاتىپ، ونىمدىلىكتى ارتتىرىپ، تۇتاس قىستاقتىڭ ءبىر مىڭ 200 مۋ جەردەگى جاڭعاعىن بۇتارلاپ، بۋدانداستىرىپ، قىستاقتان ديقان تەحنيكتەردى تاربيەلەدىك».
ەكى جىلدان ارتىق ۋاقىتتان بەرى، لي يۇڭچيڭ قىستاق جۇمىسىنا بار ىنتا پەيىلىمەن ات سالىسىپ، ءوز وتباسىنا قارايلاسۋعا مۇرساسى مۇلدە تيمەدى. وتكەن جىلى، قىزى لي شينران جازدىق كانيكولدا اكەسىن كورۋگە بارعان كەزدە اكەسىنىڭ بورىشىن تۇسىنگەندەي بولدى، مەكتەپكە قايتىپ بارىپ «ۇلتتار ىنتىماعىنىڭ بەرەكەلى شاڭىراعىندا» اتىنداعى لەكسياعا قاتىناسقاندا، لي شينران ماقتانىشپەن بىلاي دەدى: «مەن اكەمنىڭ جاۋاپكەرلىگى مەن بورىشىنىڭ نە ەكەنىن اقىرى ءبىلدىم، راسىندا بۇل جەردەگى بالالار دا، قىستاق تۇرعىندارى دا اكەمدى قاجەت ەتەدى عوي».
قىزىنىڭ ءتۇسىنۋى مەن قولداۋىنان لي يۇڭچيڭ اناعۇرلىم كوپ قوزعاۋشى كۇشكە يە بولدى، ول بىلاي دەدى: «بالامنىڭ تۇسىنگەنى مەن ءۇشىن شابىت بولدى، بالاما ۇلگى بولۋىم كەرەك. ول اكە جاقسى ىستەڭىز، جازعى كانيكولدا مەن قىستاقتى كوزدەن كەشىرگەلى بارامىن، قىزمەت ونىمدىلىگىڭىزدىڭ قانداي ەكەنىن كورىپ، تەكسەرىپ وتكىزىپ الامىن، دەدى، بالاما اقىل كىرىپتى، ءارى تۇسىنەتىن دە بولىپتى».

بەرىپ كەت ورامالىڭدى

دوستار

الىستاعى اق ەركە