جاڭا حابارلار

باركول اۋدانى جاسىل دامۋ كوزقاراسىن ىشكەرىلەي دايەكتىلەندىرىپ، ەكولوگيالىق وركەنيەت قۇرىلىسىن نىعايتىپ، اۋداندى سۋى تۇنىق، تاۋى جاسىل كوركەم القاپقا اينالدىردى

    كەلۋ قاينارى: شينجياڭ حالىق راديو ىستانسياسى    2018-05-24 13:33:02  
قۇمىل راديو ستانسياسىنىڭ ءتىلشىسى جاۋ چاڭيۇيدىڭ جانە باركول راديو ستانسياسىنىڭ تىلشىلەرى دۋ ياجۋان مەن زو جۋاننىڭ حابارى: باركول اۋدانى جاسىل دامۋ كوزقاراسىن ىشكەرىلەي دايەكتىلەندىرىپ، ەكولوگيالىق وركەنيەت قۇرىلىسىن نىعايتىپ، جايىلىم ەكولوگياسى ساياحات رايونى مەن سازدىق كورىنس رايونىن قۇرىپ، وسى ارانى سۋى تۇنىق، تاۋى جاسىل كوركەم القاپقا اينالدىردى.
جازدىڭ باس شەنىندە، ءتىلشى باركول اۋدانى گاۋجياحۋ سازدىق كورىنس رايونىنىڭ باتىس جاعالاۋىنا ورنالاسقان ەكىنشى سۋ قويماسىنداعى مول سۋ ايدىندا اۋىق-اۋىق قۇستار ۇشىپ، سازدىق كورىنس رايونىنان اتىزبەن قورشالعان وزگەشە كول مەن قارلى تاۋدىڭ كورىنىسى سايكەسىم تاپقان كوركەم كورنىس قالىپتاستىرىپ، جەر-جەردەن دەمالۋعا كەلگەن ساياحاتشىلاردى باۋراعانىن كوردى. ساياحاتشى ۋاڭ مىرزا: «چىڭدۋدان ارنايى وسى اراعا كەلدىم، قاراڭىزشى وسىنداعى قارلى تاۋ، كول، ۇيرەك، جاسىل ماناپ جامىلعان دالا، بالىق ءبارى-ءبارى دە وتە كوركەم، وتە كوڭىلدى بولدىق»،-دەدى.
ەكولوگيالىق كورىنس رايونىن قالىپتاستىرىپ، جاسىل تاۋ، ءمولدىر بۇلاقتى قورعاۋعا كۇش سالايىق. سوڭعى جىلداردان بەرى، گاۋجياحۋ سازدىق كورىنس رايونى ەكولوگيا، جاراتىلىستىق بايلىق، كليمات، مادەنيەت سياقتى جاقتاعى ابزالدىلىقتارىن ساۋلەلەندىرىپ، ساياحات ءونىمىن جاراتۋ جولىن ۇزدىكسىز اشىپ، جازدا ءتۇرلى سۋ ءۇستى كوڭىل-اشۋ تۇرلەرىن، قىستا قار موتوسكلى، قىسقى بالىق اۋلاۋ سياقتى ءتۇرلى قار-مۇز ويىندارىن وتكىزىپ، جالاڭ ماۋسىمدىق ساياحاتتى ءتورت ماۋسىمدىق ساياحاتقا وزگەرتىپ، ماڭىنداعى بۇقارانى قىسقى ەگىس جۇمىسىنىڭ سايابىر مەزگىلىندە دە قاربالاستىققا ءتۇسىرىپ، قار-مۇز بايلىعىن ەكونوميكالىق كىرىس كوزىنە اينالدىردى. كورىنس رايونىنىڭ ماڭىنان ديحاندار تاعامجايىن اشقان ديحان فىڭ گوچيڭ: «2017-جىلى 60 تا 70 مىڭ يۋان اقشا تاپتىم، 2018-جىلى وسى قارجىنى تاعى اينالىمعا سالۋدى ويلاپ وتىرمىن، ءدامدى تاعامنان اۋىز ءتيىپ، ويىن-ساۋىق قۇرماقشى بولعانداردىڭ قاجەتىنەن شىعامىز، بيىل بۇرىنعىدان دا كوپ قاريدار باۋراۋعا كۇش سالامىن»،-دەدى.
پارتيا 18-قۇرىلتايىنان بەرى، باركول اۋدانى اتموسفەرانىڭ لاستانۋ ورتاسىن جان-جاقتىلى وڭاۋ، ەكولوگيالىق اۋىل-قالاشىق ورتاسىن قۇرۋ، قالا مەن اۋىلدىڭ قورشاعان ورتاسىن جان-جاقتىلى وڭاۋ، ونەركاسىپ، كەن كاسىپورىندارىنىڭ اتموسفەرانى لاستاۋىنىڭ الدىن الۋ جانە ونى تىزگىندەۋ سياقتى ءبىرسپىرا ورتانى قورعاۋ شاراسىن ۇزدىكسىز اتقارىپ، تابيعي ورماندى قورعاۋ، جايىلىمدى ورماندى قالپىنا كەلتىرۋ، سازدىقتى قورعاۋ سياقتى ەكولوگيا ينجەنەريالارىن جاپپاي اتقارىپ، مىڭ مۋدان ارتىق جەرگە جاساندى ورمان ءوسىرىپ، 8 مىڭ مۋ جەردىڭ ورمانىن قالپىنا كەلتىرىپ، چاڭجياجۋاڭزى ساياحات كورىنس رايونى، باركول كولى ەكولوگيالىق ساياحات كورىنس رايونى، گاۋجياحۋ ساياحات كورىنس رايونى سياقتى ەكولوگيالىق كورىنس رايوندارىن ىلگەرىندى-كەيىندى قۇرىپ، ۇلتتىق سالت-سانا ساياحاتىن، اۋىل-قىستاق ساياحاتىن، دەنساۋلىقتى كۇتىمدەۋ ساياحاتىن جانە سازدىق ساياحاتىن بارىنشا دامىتىپ، جىل سايىن رايونىمىز ءىشى-سىرتىنان قىرۋار ساياحاتشىنى وسى ارانىڭ كوركەم كورىنسىن تاماشالاۋعا باۋرادى. باركول اۋدانى كولبويى اۋىلدىق پارتكومنىڭ مۇشەسى حان جىچياڭ بىلاي دەدى: «باس شۋجي شي جينپيڭ جاسىل تاۋ، ءمولدىر بۇلاقتىڭ ءوزى قىمباتتى بايلىق ەكەنىن اتاپ كورسەتتى، باركول كولى كورىنس رايونىن دامىتۋ، قۇرۋ بارىسىندا، جەرگىلىكتى ورىننىڭ ەكولوگيالىق ورتاسىن بارىنشا قورعاپ، بۇرىنعى بار ەكولوگيالىق ورتانى بۇلدىرمەۋگە شىنايى كەپىلدىك ەتەمىز. ءبىز ىستەپ وتىرعان قورشاعان ورتانى قورعاۋ قىزمەتى، حالىق بۇقاراسىنىڭ باقىت سەزىمىن جوعارلاتۋدان سىرت، تاعى ساياحاتشىلار ءۇشىن جانعا جايلى، تازا دا حاۋىپسىز ساياحات ورتاسىن جاراتادى».

بەرىپ كەت ورامالىڭدى

دوستار

الىستاعى اق ەركە