جاڭا حابارلار

جاڭا داۋىردەگى ارميانى قۇدىرەتتەندىرۋ جولىندا اتويلاپ العا ۇمتىلدى

    كەلۋ قاينارى: شينجياڭ گازەتى    2018-05-24 19:33:54  

−شينجياڭ اسكەري رايونى بەلگىلى لۇيىنىڭ 2-دارەجەلى سەرجانتى ليۋ جياپيڭ تۋرالى (1)
ءتىلشىمىز ياۋ گاڭ

  ارمياعا قاتىناسىپ، قوسىنعا كىرگەن 23 جىلدا ورتالاۋ مەكتەپ ماعلۇماتى عانا بار ليۋ جياپيڭ تىنباي قۇلشىنا ۇيرەنىپ، اسكەري كازارما سىندى دومنا پەشتە ءوزىن شىڭداپ، 2 - دارەجەلى سەرجانت بولىپ جەتىلىپ شىقتى. ول 2 رەت 2 - دارەجەلى، 1 رەت 3 - دارەجەلى ەڭبەك كورسەتىپ، بۇكىل ارميا سەرجانتتارىنىڭ تاڭداۋلى دارىندى سيلىعىن 5 مارتە يەلەندى.
  جاڭا داۋىردەگى اسكەري ادام رەتىندە، ليۋ جياپيڭ نىق قادام باسىپ، جاۋاپكەرلىكتى باتىل ارقالادى؛ جوندەۋ تەحنيگى رەتىندە، ول ءوز باسىنان ىسكە كىرىسىپ، جاڭا داۋىردەگى ارميانى قۇدىرەتتەندىرۋدىڭ ءار قادامىن ناتيجەلى باستى.
  جوندەۋ جۇمىسىنداعى «اق ۇرپەك بالاپاننان» «بەساسپاپ» مامانعا اينالۋ  
  5 - ايدىڭ ورتا شەنىنىڭ ءبىر كۇنى، شينجياڭ اسكەري رايونى بەلگىلى لۇيىندە اسكەري اندەر شىرقالىپ، جاتتىعۋ الاڭىندا جاۋىنگەرلەر قاربالاس جاتتىعۋ جاساپ جاتتى. ءتىلشى ليۋ جياپيڭ تۋرالى سۇراپ ەدى، كازارمادا ونى بىلمەيتىن ادام جوق ەكەن. «بيىل 4 - مامىر جاستار مەرەكەسىندە لۇي پارتكومى ليۋ جياپيڭ جولداستان ۇيرەنۋ تۋرالى قاۋلى شىعاردى». جۇرت جاندارىندا وسىنداي جاۋىنگەر سەرىكتەرىنىڭ بولعانىن ماقتانىش ەتەدى.
  ليۋ جياپيڭنىڭ جانىنان تاستامايتىن ەستەلىك داپتەرىن اقتارعان ءتىلشىنىڭ كوزى ەستەلىكتىڭ مۇقاباسىنىڭ ىشكى بەتىندەگى «ايتقان جەردەن تابىلاتىن جاۋاپكەرشىلىك، ۇستاعان جەرىن جوندەيتىن نەگىز، جوندەسە، ءسوز جوق، وڭىنا كەلتىرەتىن قابىلەت» دەگەن ءبىر اۋىز سوزگە ءتۇستى.
  «مەن جوندەۋ جۇمىسىن جاقسى كورەمىن. مەنىڭ نازارىمدا بۇل جابدىقتار مەنىڭ ناۋقاستارىم، ال مەن ولاردىڭ شيپاگەرى ىسپەتتىمىن، جابدىقتى جوندەپ، قالپىنا كەلتىرۋ شيپاگەردىڭ ناۋقاستى اۋرۋىنان جازعانمەن بىردەي»، - دەيدى جوندەۋ تۋرالى ءسوز بولعاندا ليۋ جياپيڭنىڭ وتتى جانارىنان سەنىم وتى ۇشقىنداپ.

  ءبىراق 17 جىلدىڭ الدىندا ليۋ جياپيڭ جوندەۋ جۇمىسىندا دىم بىلمەيتىن «اق ۇرپەك بالاپان» - تۇعىن. 2001 - جىلى 7 - ايدا ليۋ جياپيڭ قوسىنمەن بىرگە ماڭىزدى وقۋ - جاتتىعۋعا قاتىناسادى، شەشۋشى ساتتە، حابارلاسۋ اسپابىنىڭ بىرىنەن كىنارات شىعادى، قورابىن اشىپ، ىشىندەگى قاز - قاتار تىزىلگەن تىزبەك تاقتالار مەن جىپىرلاعان بولشەكتەردى كورىپ، ليۋ جياپيڭ اڭىرىپ تۇرىپ قالىپتى.
  وقۋ - جاتتىعۋ الاڭىنان شىققان ليۋ جياپيڭ سەنىمىنە سەلكەۋ تۇسىرمەي، ەڭسەسىن كوتەرە ءبىلدى، «مەن سول كەزدە - اق جابدىق جوندەۋ سىندى قيىن وتكەلدى مەڭگەرۋىم كەرەك دەپ شەشتىم». ءسويتىپ، ليۋ جياپيڭ «ەلەكتر جولدارىنىڭ، ەلەكتر تىزبەكتەرىنىڭ ەنتسيكلوپەدياسى»، «حابارلاسۋ قاعيدالارى» سياقتى 30 نەشە كاسىپتىك كىتاپ ساتىپ الىپ، قۇلشىنا ۇيرەنۋگە كىرىسىپ كەتتى.
  ليۋ جياپيڭ «جوندەۋشى قىزمەتكەر بولۋ ءۇشىن جابدىق جوندەۋ جۇمىسىندا جابدىقتاردىڭ قىزمەت قاعيداسىن ءبىلۋىم كەرەك» دەپ ۇيعاردى. سوندىقتان ول كۇندىز وپەراتورمەن بىرگە جاتتىعۋ جۇرگىزىپ، كەشتە جابدىقتاردىڭ تۇسىندىرمە كىتاپشاسىمەن سالىستىرىپ، جابدىقتاردىڭ قىزمەت قاعيداسىن زەرتتەدى. كىناراتتاردى انىقتاۋدىڭ ەڭ تەز ءادىسىن تابۋ ءۇشىن، ول 10 مىڭنان استام بولشەكتەردىڭ پارامەترلەرىن جاتتاپ شىقتى.
  «قىزىعۋشىلىق − ەڭ جاقسى ۇستاز، قىزمەتتە مەن مۇلتىكسىزدىككە تالپىندىم، جولىققان قانداي دا ءبىر قيىن ماسەلەنى مەن شەشپەي قويمايتىنمىن»، - دەيدى ول. بىردە ول تۇرعان ءبولىم بەلگىلى تۇرپاتتاعى قۇرىلعىمەن جابدىقتالىپتى، قۇپيالىق سەبەبىنەن، زاۆود ونىڭ سىزباسىن بەرمەگەن. سوندا ول ءبىر ايدان اسا ۋاقىت جانتالاسىپ ءجۇرىپ، بارلىق توك جولدارى مەن بولشەكتەردى سىناپ شىعىپ، قۇرىلعىنىڭ تۇتاس ەلەكتر تىزبەگى سىزباسىن انىقتاپ شىعادى. وسىدان كەيىن وسى قۇرىلعىدان نەندەي ءبىر كىنارات شىعا قالسا، ول «سالعان جەردەن جوندەي سالاتىن» بولدى. وسى جىلداردا ليۋ جياپيڭ تۇرعان ورىن 2 رەت رەتتەلىپ، كوپتەگەن ينفورماتسيالىق جابدىقتارمەن جابدىقتالدى، سونىڭ بارىندە ول ەڭ الدىمەن جابدىقتاردى شۇقشيا زەرتتەپ، الدىمەن ۇيرەنىپ وتىردى، قازىرگە دەيىن ول 20 نەشە تۇردەن استام باستى شايقاستىق ينفورماتسيالىق جابدىقتاردىڭ جۇمىسىن جەتىك مەڭگەردى ءارى ولاردى جوندەۋ جۇمىسىنا ابدەن جەتىلدى. بيىل جىل باسىندا بەلگىلى زاۆودتىڭ زەرتتەۋ قىزمەتكەرلەرى قوسىندى ارالاپ، جوندەۋ جۇمىستارىن جۇرگىزدى، كەتەرىندە ولار اسكەري ءبولىمنىڭ باستىعىنا: تالاي ورىنعا باردىق، ليۋ جياپيڭدەي مۇقيات ادامدى كورمەگەن ەكەنبىز، ول باردا سىزدەر جابدىق جوندەۋدەن الاڭسىز بولىڭىزدار، - دەدى.
  ءوز قولىمەن تاربيەلەپ، جوندەۋ جۇمىسىنىڭ ءبىر توپ شەبەرىن باۋلىپ شىقتى
  ليۋ جياپيڭنىڭ 23 جىلدىق اسكەري ومىرىندە تالاي ادام وعان بىلگەنىن ۇيرەتىپ، تالاي ادام وعان كومەك قولىن سوزدى. ليۋ جياپيڭ ءوز ۇستازى جاۋ دايچۇنمەن قازىرگە دەيىن حابارلاسىپ تۇرادى. «جاۋ دايچۇن مەن قوسىنعا كەلگەن كەزدە مەنى جوندەۋ جۇمىسىنا جەتەلەپ اكەلگەن ۇستازىم، ول ماعان ەرەكشە ىقىلاس كورسەتتى، ءوز بىلگەنىن تۇگىن قالدىرماي ماعان ۇيرەتتى»، - دەيدى ليۋ جياپيڭ.
  ۇستازىنىڭ ليۋ جياپيڭدى تاربيەلەگەن كەزدەگى سابىرلىلىق جانە شوگەلدىلىك، جايساڭدىق سياقتى قاسيەتتەرى ليۋ جياپيڭگە دە بىلىنبەي اسەر ەتتى.
 بىردە 3 - يىڭنىڭ جابدىعىنان كىنارات شىعىپ، تەحنيك چىن ليۋىن ءبىر كۇن جانتالاسىپ، سەبەبىن تابا الماي، ليۋ جياپيڭگە كەلىپ، اقىل سۇرايدى. ليۋ جياپيڭ چىن ليۋىننىڭ كىنارات جونىندەگى ايتقاندارىن ەستىگەن سوڭ، چىن ليۋىنگە ءبىر كىتاپ بەرىپ، وعان: وسى كىتاپتى وقىپ شىعىپ، كىناراتتى جويا الماساڭ، ماسەلەنىڭ قايدا ەكەنىن سوسىن ايتىپ بەرەيىن، - دەيدى.
  چىن ليۋىن كىتاپتى وقي وتىرىپ، ماسەلەگە وي جۇگىرتىپ، كىناراتتىڭ سەبەبىن دەرەۋ تاۋىپ، جابدىقتى جوندەپ شىعادى. «مەنىڭشە، ليۋ جياپيڭنىڭ بۇل ءادىسى وتە جاقسى، مەن كىناراتتىڭ سەبەبىن تاپقانمەن قويماي، جابدىق جوندەۋ تۋرالى اناعۇرلىم كوپ ءبىلىم يگەردىم»، - دەيدى چىن ليۋىن.
  ۇزاق جىلدىق جوندەۋشىلىك بارىسىندا ليۋ جياپيڭ دارىندىنىڭ قۇندىلىعىن ابدەن ءتۇسىندى. كۇندەلىكتى قىزمەتتە ول جوندەۋ دارىندىلارىن جەتىلدىرۋگە ەرەكشە ءمان بەردى. «ءبىر ادام ونە بويى قۇرىشتان قۇيىلعان بولسا دا شەگەنى دەنەسىمەن قاعا المايدى». ليۋ جياپيڭ ءوزىنىڭ جوندەۋشىلىك تاجىريبەلەرىن تۇگەلدەي جاڭادان قوسىنعا كىرگەن جاۋىنگەرلەرگە ۇيرەتتى.
  2009 - جىلى اسپيرانتتىق وقۋىن بىتىرگەن ينجەنەر چىڭ ليبو العاش مەكەمەگە كەلگەندە نەگىزگى ساتىداعى قوسىننىڭ ءتۇرلى تيپتەگى جابدىقتارى نازاريالىق ءبىلىمى عانا مول ونىڭ باسىن بارىنشا قاتىردى. ليۋ جياپيڭ ىرىقتىلىقپەن ونى قاسىنا تارتىپ، كومەكتەسىپ، وعان نەگىزگى جابدىقتاردىڭ توك جولى قاعيداسىن، قۇرىلىمىن جانە ۇنەمى كەزدەسەتىن كىناراتتارىن جوندەۋگە ۇيرەتتى، ەكەۋى ۇنەمى جوندەۋ سەحىندا ۇزاقتى كۇندەر وتكىزدى. سول كەزدەردە مەيلى قايدا بارساڭىز دا، ەكەۋىنىڭ الدەنەلەردى بىرگە تالقىلاپ تۇرعانىن كورەسىڭ، ساپتاستارى ول ەكەۋىن ءبىر ەلى اجىرامايتىن «ەگىز قوزىلار» دەپ اتايدى. ليۋ جياپيڭنىڭ كومەگى مەن جەتەكتەۋىندە چىڭ ليبونىڭ جوندەۋشىلىك شەبەرلىگى ۇزدىكسىز جوعارىلاپ، ول زەرتتەپ جاساۋعا قاتىناسقان 4 ءتۇرلى تەحنيكا وزگەرتۋ نىسانى ارميانىڭ عىلىم - تەحنيكا العاباسارلىعى سيلىعىنا يە بولدى.
  ليۋ جياپيڭ مەكەمەنىڭ جابدىق تەحنيكاسىنىڭ تىرەكتىلەرىن جەتىلدىرۋ كۋرسىسىنىڭ تاربيەشىسى بولىپ ۇزاق ۋاقىت ىستەپ، ءوزىنىڭ ۇزاق ۋاقىت جيناقتاعان جوندەۋشىلىك تاجىريبەلەرىن شاكىرتتەرىنە سارقا ۇيرەتىپ، ىلگەرىندى - كەيىندى 20دان استام جوندەۋشىلىك تىرەكتىسىن تاربيەلەدى، ولاردىڭ اراسىنان 2 ادام بۇكىل ارمياداعى قارۋ - جاراق باسەكەسىندە سيلىققا يە بولدى.
  نەگىزگى ساتىدا دا جاڭالىق جاساۋعا، عىلمي تاپسىرما ىستەۋگە دە بولادى
  كوپتەگەن ادامدار «جاڭالىق جاساۋ، عىلمي تاپسىرما ىستەۋ عىلمي زەرتتەۋ قۇرىلىمدارىنىڭ ءىسى، نەگىزگى ساتىداعى ورىنداردىڭ شارت - جاعدايى ناشار، دارىندى كەمشىل بولعاندىقتان نەندەي ءبىر جەتىستىككە جەتە المايدى» دەپ قارايدى. ءبىراق ليۋ جياپيڭ بۇلاي دەپ قارامايدى. «شارت - جاعدايىمىز ناشار، دارىندى كەمشىل بولعانىمەن، ءبىزدىڭ دە ءوز ابزالدىلىعىمىز بار، نەگىزگى ساتىداعى جابدىقتىڭ جاعدايىنا قانىقپىز، قاي جاقتاردا جاڭالىق جاساۋ بولسىن، ونىڭ كۇرەسكەرلىك رۋحتى جوعارىلاتۋدى شۇعىل قاجەت ەتەتىندىگىن بىلەمىز، مىنە بۇل ءبىزدىڭ جاڭالىق جاساۋىمىزدى ناقتى شايقاس قاجەتىنە ونان ارى جاقىنداتا تۇسەدى»، - دەيدى ول.
  2006 - جىلى ليۋ جياپيڭ ورىنمەن بىرگە وقۋ - جاتتىعۋعا قاتىناسقاندا، ءار رەت ونىمدىلىك كورسەتۋ ءۇشىن كوپتەگەن پارامەترلەردى قولىمەن كىرگىزىپ، 10 نەشە كنوپكانى باسقاندا عانا ورىندالاتىن ءمالىم تيپتەگى جابدىققا كەز بولادى دا، باياۋلىق سەبەبىنەن ەڭ جاقسى ورايدى وتكىزىپ الىپ، ول تۇرعان ورىن وقۋ - جاتتىعۋدا ىرىقسىز كۇيگە تۇسە بەرەدى.
  وقۋ - جاتتىعۋ الاڭىنان شىققاننان كەيىن ليۋ جياپيڭدە، ءسوزسىز، جاڭالىق جاساۋ كەرەك ەكەن وي تۋادى دا، قولمەن ىستەلەتىن باسقىشتاردى كومپيۋتەر ارقىلى اۆتوماتتى ورىندالاتىن ەتىپ وزگەرتەدى.
  جاڭالىق جاساۋدان قامال الۋ ايتۋعا وڭاي بولعانىمەن، ىستەگەندە قيىن. ليۋ جياپيڭ ءبىر چيپتى ماشينانى اشۋ، C پروگرامما ءتىلى سياقتى كاسىپتىك بىلىمدەردى وزدىگىنەن ۇيرەنە باستايدى ءارى ولاردى تەحنيكادا جاڭالىق جاساۋ نىساندارىن زەرتتەۋدە جانە جوبالاۋدا قولدانادى. نەشە مىڭ رەتكى سىناقتان كەيىن، ول اقىرى بۇل قيىندىقتى شەشىپ، الگى جابدىقتىڭ ناعىز ونىمدىلىگىن ساۋلەلەندىرەتىن اسەر ۋاقىتىن زور مولشەردە قىسقارتىپ، جابدىقتىڭ جەدەل ارەكەتكە كەلىپ شايقاس جاساۋ قابىلەتىن بارىنشا جوعارىلاتادى. ليۋ جياپيڭ وسى ءۇشىن ارمياداعى عىلىم - تەحنيكا العاباسارلىعىنىڭ 3 - دارەجەلى سيلىعىنا يە بولادى.
  2014 - جىلعى تۇراقتاپ ماشىقتانۋ كەزىندە كوماندير - جاۋىنگەرلەر ءمالىم تيپتەگى ينفورماتسيالانعان جابدىقتا ماگنيت ءورىسى ورتاسىنداعى انىقتىعى كەمشىل بولۋ، ماۋسىم وزگەرىسىنىڭ ىقپالىنا ۇشىراۋ، ناقتى جۇمىستا كىلتيپان وڭاي شىعۋ سياقتى ماسەلەلەر بار ەكەنىن اڭىس ەتىپ، ناقتى شايقاسقا بەيىمدەلگەن ەلىكتەمە جاتتىعۋ جۇيەسىن زەرتتەپ جاساپ، وسى ماسەلەنى شەشۋدى ءۇمىت ەتەدى.
  ليۋ جياپيڭ مۇندايدا قول قۋسىرىپ قايدان قاراپ تۇرسىن، ول نەشە قايتالاپ تەكسەرۋ جۇرگىزۋ، دالەلدەۋدەن كەيىن، ءمالىم تيپتەگى ينفورماتسيالانعان جابدىقتىڭ ۋنيۆەرسال جاتتىعۋ جۇيەسىنىڭ عىلمي زەرتتەۋ نىسانىن جوعارىعا جولدايدى. ول ساپتاستارى لي جىڭيوۋ، لي چىڭبولارمەن بىرلەسىپ 3 ادامدىق زەرتتەپ جاساۋ گرۋپپاسىن قۇرادى. اۋەدەگى كوپ نىسانالى جاتتىعۋ فۋنكتسياسىنىڭ ەلىكتەمە جاتتىعۋىن جۇزەگە اسىرۋ ءۇشىن، ولار توقتاۋسىز ۇستەمە جۇمىس ىستەپ، بۇل قيىن ماسەلەنى اقىرى شەشەدى.
  ءبىر جىل ۋاقىت ىشىندە ولار ىلگەرىندى - كەيىندى 10نان استام زەرتتەپ جاساۋ جوباسىن شىعارىپ، 1000نان استام رەت كەمەلدەندىرىپ، كوپ ءتۇرلى تىلدە ارالاسا پروگرامما جاساۋ تەحنيكاسىنان پايدالانىپ ناقتى جابدىق انىقتىعىنا يە ەلىكتەمەلى جۇمىس ىستەۋ، جاتتىعۋ، باعالاۋ جانە وقىتۋ سياقتى يقۋاتتارعا يە جۇيەنى زەرتتەپ جاساپ شىعىپ، كوماندير - جاۋىنگەرلەردىڭ قاتىناسۋ ىنتاسىن زور دارەجەدە ارتتىرىپ، وپەراتوردىڭ جاتتىعۋ پەريودىن قىسقارتىپ، جابدىقتان كىلتيپان شىعۋ مولشەرىن تومەندەتىپ قانا قالماستان، ونان دا ماڭىزدىسى، قوسىننىڭ تۇتاس تۇلعالىق شايقاس جاساۋ قۋاتىن جوعارىلاتۋعا جەبەۋشىلىك رول اتقارادى. 2015 - جىلى 12 - ايداعى جەتىستىكتەردى سىناۋ جينالىسندا بۇل جۇيە مامانداردىڭ مويىنداۋىنا يە بولىپ، اقىرىندا ارمياداعى عىلىم - تەحنيكا العاباسارلىعىنىڭ 3 - دارەجەلى سيلىعىنا يە بولادى ءارى قولدانۋعا جالپىلاستىرىلادى.
  «ءبىز ءتوراعا شي جينپيڭ ايتقانداي، ماقالامىزدى وتاننىڭ بايتاق دالاسىنا جازۋىمىز كەرەك». وسى جىلداردا ليۋ جياپيڭ ءبىر جاعىنان، جابدىق جوندەپ، ەندى ءبىر جاعىنان، جابدىقتا جاڭالىق جاساۋعا زەرتتەۋ جۇرگىزىپ، ءتۇرلى ورتادا حابارلاسۋ جابدىعى تەحنيكاسىنىڭ پارامەترلەرىنەن 100 مىڭنان استامىن ىلگەرىندى - كەيىندى جيناقتاپ، 60 تان استام جاڭالىق جاساۋ ۇسىنىسىن العا قويىپ، 10 عىلمي زەرتتەۋ نىسانىنا قاتىناسىپ، 9 رەت ارمياداعى عىلىم - تەحنيكا العاباسارلىعى سيلىعىنا يە بولادى. لۇي وعان ارنايى «ليۋ جياپيڭ قىزمەت كەڭسەسىن» اشىپ بەرەدى.


بەرىپ كەت ورامالىڭدى

دوستار

الىستاعى اق ەركە