جاڭا حابارلار

ىلە وبلسى ءتۇرلى شارالاردى قاتار قولدانۋ ارقىلى كاسىپتەنۋدى جەبەۋدى، حالىق تۇرمىسىنا تيىمدىلىك جەتكىزۋدى، دامۋ جولىن قاراستىرۋدى ىلگەرلەتىپ، ءار ۇلت بۇقاراسىنىڭ تيىمدىلىككە يە بولۋ جانە باقىتقا كەنەلۋ سەزىمىن ۇزدىكسىز كۇشەيتتى

    كەلۋ قاينارى: شينجياڭ حالىق راديو ىستانسياسى    2018-05-25 12:16:55  
ىلە راديو ستانسياسىنىڭ ءتىلشىسى جاڭ جيڭيۇي، قورعاس راديو ستانسياسىنىڭ ءتىلشىسى لي چيۋحۇي، قۇلجا اۋداندىق راديو ستانسياسىنىڭ ءتىلشىسى جۋ گاڭنىڭ حابارى: ىلە وبلىسى كاسىپتەنۋدى جەبەۋدى ەكونوميكا، قوعام دامۋىنىڭ ماڭداي الدى ورنىنا قويىپ، ءار ۇلت بۇقاراسىنىڭ اناعۇرلىم جوعارى ساپالى جانە جان-جاقتىلى كاسىپتەنۋدەن يگىلىكتەنۋىن امالدىڭ بارىنشا جەبەپ، ءار ۇلت بۇقاراسىنىڭ تيىمدىلىككە جانە باقىتقا كەنەلۋ سەزىمىن ۇزدىكسىز كۇشەيتتى.
وتكەن اپتانىڭ سوڭىندا، 5-كەزەكتى مەملەكەتتىك ءىرى، ورتاشا قالالاردىڭ جوعارى مەكتەپ تاۋىسقان وقۋشىلاردى بىرلەسىپ ۇسىنىسپەن قابىلداۋ جاعىنداعى كوكتەمگى ارناۋلى قيمىلىنىڭ ىلە بەكەتىندەگى ۇسىنىسپەن قابىلداۋ جيىنى ىلە وبلىستىق ادام كۇشى بايلىعى بازارىندا وتكىزىلدى، شينجياڭنىڭ ءىشى-سىرتىنان ادام ىستەتەتىن 101 ورىن 5 مىڭ 600 دىڭ ۇستىندە كاسىپتەنۋ ورنىن ورنالاستىردى. وتكەن جىلى شينجياڭ ماشينا ەلەكتر تەحنيكا مەكتەبىنەن وقۋ تاۋىسقان گۇلزيرا ابىلەت ۇسىنىسپەن قابىلداۋ جيىنى ارقىلى جۇمىس ورنىن تاپتى، ول: «ۇسىنىسپەن قابىلداۋ جيىنىنداعى كوپتەگەن جۇمىس ورنى جاقسى ەكەن، مەن ءوز جاعدايىما نەگىزدەلىپ، كاسسر بولۋدى تاڭدادىم، كۇش سالا جۇمىس ىستەيمىن»،-دەدى.
سوڭعى جىلدارى، ىلە وبلىسى جىل سايىن اۋىل-قىستاق ۇسىنىسپەن قابىلداۋ، مەكتەپتەر ۇسىنىسپەن قابىلداۋ، باقشا رايونى ۇسىنىسپەن قابىلداۋ، ەگىنشى-مالشىلاردى ارناۋلى ۇسىنىسپەن قابىلداۋ سياقتى ءتۇرلى قيمىلداردان 400 رەتتىڭ ۇستىندە وتكىزىپ، ءتۇرلى كاسىپ ىزدەۋشىلەر مەن ادام ىستەتەتىن ورىنداردىڭ دالمە-ءدال سايكەسۋىن جۇزەگە اسىردى.
كەزەكتە، اۋىل-قىستاقتاعى ارتىق ەڭبەككۇشتەردى باسقا سالادا كاسىپتەندىرۋ ىلە وبلىسىنىڭ كاسىپتەندىرۋ قىزمەتىندەگى ماڭىزدى تۇيىنگە اينالىپ وتىر. وسىعان وراي، ىلە وبلىسى ءبىر جاعىنان ساۋداگەر شاقىرىپ قارجى ەنگىزۋ تەبىنىن ارتتىرسا، ەندى ءبىر جاعىنان شەبەرلىككە تاربيەلەۋدىڭ ءتۇرلى قىزمەتتەرىن باعىتتامالى ىستەدى. جياڭسۋ ولكەسىنىڭ باعىتتامالى كومەكتەسۋ ابزالدىلىعىنا سۇيەنگەن ىلە وبلىسى ءبىر باقشا، كوپ رايون ۇلگىسىندەگى ىلە (جياڭسۋ) توقىما كيىم-كەشەك كاسىبى باقشا رايونىن قۇردى. قازىر، كاسىپ جاعىندا شينجياڭعا كومەكتەسۋگە قاتىستى 173 نىسان تياناقتانىپ، وعان 79 ميلليارد 200 ميلليون يۋاننىڭ ۇستىندە قارجى قوسىلىپ، 26 مىڭ 300 دەن ارتىق ءار ۇلت بۇقاراسى ءوزى تۇرعان جەرىندە، ماڭىندا كاسىپتەندى، قۇلجا اۋدانى ونجار اۋىلى تومەنگى ونجار قىستاعىنداعى ءدىلحۇمار عايني ۇيىنەن الىستاپ شىقپاي وتباسى ايەلىنەن كاسىپتىك جۇمىسشىعا اينالدى، ول بىلاي دەدى: «بۇل جەردە قىزمەت ىستەگەنىمە 5 اي بولايىن دەدى، ۇستازىمىز بىزگە ەرەكشە كوڭىل بولەدى، قازىر 2 مىڭ يۋاننىڭ ۇستىندە ەڭبەكاقى الامىن، بۇل وتباسى تۇرمىسىما كوپ سەپتىگىن تيگىزدى. بۇل جەردىڭ تاماقتانۋ، جاتار ورىن شارت-جاعدايى وتە جاقسى، مەن سياقتى قۇربىلارىمنىڭ تۇگەلدەي وسى جەرگە كەلىپ قىزمەت ىستەۋىن، كاسىپورنىمىزدىڭ بارعان سايىن كوركەيىپ-گۇلدەنۋىن ءۇمىت ەتەمىن».
سونىمەن بىرگە، ىلە وبلىسى مەملەكەتتىڭ كاسىپتەندىرۋ ساياساتىن مۇقيات دايەكتىلەندىرىپ، تياناقتاندىرىپ، كاسىپ اشۋ ويى بار اناعۇرلىم كوپ ادامدى دەربەس كاسىپ اشىپ اۋقاتتانۋ جولىنا ءتۇسىردى. موڭعۇلكۇرە اۋدانىنىڭ تۇرعىنى شي ليپيڭ جوعارى مەكتەپتى تاۋىسقاننان كەيىن، ستۋدەنتتەرگە ارنالعان 30 مىڭ يۋان كاسىپ اشۋ قارىز اقشاسىن الىپ، موڭعۇلكۇرە قالاشىعىندا بوبەكتەر مالتاۋ سارايىن اشادى، قازىر بۇل جەردىڭ ساۋداسى ەرەكشە كۇسەت. شۇي ليپيڭ بىلاي دەدى: «بۇل 30 مىڭ يۋان مەنىڭ مالتاۋ سارايىن اشۋىما كوپ سەپتىگىن تيگىزدى، مالتاۋ سارايىن اشقاننان كەيىن ساۋداسى جاقسى بولدى، ايىنا تۇراقتى كىرىس كىرەدى، ۇكىمەتتىڭ ستۋدەنتتەردىڭ كاسىپتەنۋىنە وسىنداي قولداۋ كورسەتكەنىنە راحمەت ايتامىن، كاسىپ اشۋ ارمانىم ورىندالدى».
پارتيا 18-قۇرىلتايىنان بەرى، ىلە وبلىسى قالا-قالاشىقتاعى 250 مىڭنىڭ ۇستىندەگى ادامدى تىڭنان كاسىپتەندىرىپ، جالپى 238 مىڭ ادامدى تاربيەلەپ، اۋىل-قىستاقتاعى ارتىق ەڭبەككۇشتەردەن 2 ميلليون 628 مىڭ ادام رەت باسقا سالادا كاسىپتەندىردى، ولاردىڭ ەڭبەكتەن كىرگەن كىرىسى ءبىر ميلليون 67 مىڭ يۋان بولدى.

بەرىپ كەت ورامالىڭدى

دوستار

الىستاعى اق ەركە