جاڭا حابارلار

شينجياڭنىڭ ەلەكتر ەنەرگيا سەرىكتەستىگى قىزمەت وتەۋ قۋاتىن جوعارىلاتىپ، «ءبىر بەلدەۋ، ءبىر جول» قۇرىلىسىن جەتكىلىكتى ەنەرگيامەن قامتاماسىزداندىردى

    كەلۋ قاينارى: شينجياڭ حالىق راديو ىستانسياسى    2018-05-28 12:02:19  

ستانسيامىزدىڭ ءتىلشىسى لي لۇڭنىڭ حابارى: شينجياڭنىڭ ەلەكتر ەنەرگيا سەرىكتەستىگى قىزمەت وتەۋ قۋاتىن جوعارىلاتىپ، «ءبىر بەلدەۋ، ءبىر جول » قۇرىلىسىن جەتكىلىكتى ەنەرگيامەن قامتاماسىزداندىردى.
«ەلەكتر سىمىنىڭ جالعانعان جەرىن كور، جالعانعان جەرى جاقسى بولسا بولعانى...».
5-ايدىڭ 25-كۇنى، الاتاۋ ساعاسىندا تاعى دا 8 بال بوران سوقتى، بۇل وڭىردە جىلدىڭ تەڭ جارىمىنان ارتىق ۋاقىتىندا وسىنداي بوران ۇزىلمەيدى. وسى كۇنى، مەملەكەتتىك ەلەكتر تورابى سەرىكتەستىگى الاتاۋ ساعاسى قالاسى توكپەن قامداۋ سەرىتكەستىگىنىڭ مەڭگەرۋشىسى لي حۇي مەن قىزمەتتەستەرى ەلەكتر سىمىنا ەرەكشە ورتادا ارالاپ تەكسەرۋ جۇرگىزدى.
الاتاۋ ساعاسى ەلىمىزدىڭ باتىس سولتۇستىگىندەگى تۇڭعىش تەمىرجول، تاسجول، قۇبىر، اۆياتسيا سىندى «ءتورت قاتىناس بىرتۇلعالانعان» قۇرىلىق جولى وتكەلى. 2017-جىلى، يمپورت-ەكسپورت ەتىلگەن جۇك تاسىمال مولشەرى 20 ميلليون توننادان استى، ال مەملەكەت بويىنشا جۇڭگو-ەۆروپا ارالىعىنا قاتىنايتىن كەزەكشى پويەزدىڭ %70 ى وسى ارادان وتەدى. وسىنداي قاربالاس وزەك ورتالىعى ورنىقتى ەلەكتر ەنەرگيامەن قامتاماسىزداندىرۋعا مۇحتاج. لي حۇي تىلشىگە، وتكەلدى ەلەكتر ەنەرگيامەن ورنىقتى قامداۋعا كەپىلدىك ەتۋ ءۇشىن، ەلەكتر ەنەرگيا جۇمىسشىلارىنىڭ تۇتاس جىلدا ەلەكتر سىمىن كۇندە ارالاپ تەكسەرىپ، ءتۇرلى كىناراتتاردى الاستايتىنىن ايتا كەلىپ بىلاي دەدى: «الاتاۋ ساعاسى وڭىرىن توكپەن قامداۋدىڭ سەنىمدىلىك كورسەتكىشى 2017-جىلى %99.99 كە جەتتى، بۇل 100 ساعاتتىڭ 99.99 ساعاتىندا توكپەن قامداۋعا كەپىلدىك ەتكەنمەن بارابار».
الاتاۋ ساعاسى شينجياڭداعى جۇك تاسىمال مولشەرى ەڭ مول وتكەل، «ءبىر بەلدەۋ، ءبىر جول» قۇرىلىسىنىڭ ءساتتى ىلگەرىلەۋىنە كەپىلدىك ەتۋ ءۇشىن، مەملەكەتتىك ەلەكتر تورابى سەرىكتەستىگىنىڭ شينجياڭ ەلەكتر ەنەرگيا شەكتى سەرىكتەستىگى سوڭعى جىلدارى 177 ميلليون يۋان قارجى شىعارىپ، لانجۋ-شينجياڭ تەمىر جول لەنياسىنىڭ ءۇرىمجى شىعىس ۆاگزالىنان الاتاۋ ساعاسىنا دەيىنگى ەلەكترلەنگەن تەمىر جولدىڭ بۇراتالا بولەگىندەگى 4 ەلەكتر ستانسيانىڭ توكپەن قامدايتىن ەلەكتر سىمى قۇرىلىسى مىندەتىن ورىنداپ، الاتاۋ ساعاسىن باسىپ وتەتىن جۇڭگو-ەۆروپا كەزەكشى پويەزىنىڭ ورنىقتى اينالىمىنا كەپىلدىك ەتتى. بۇدان سىرت، جۇڭگو-قازاقستان مۇناي قۇبىرىنىڭ الاتاۋ ساعاسى وتكەلىندەگى مۇناي جەتكىزۋ پونكيتىنىڭ 110 كيلوۆولتتىق ترانسفورماتور ستانسياسىن قالىپتى اينالىمعا ءتۇسىرىپ، ءار جىلى ورتا ازيانىڭ 12 ميلليون توننا مۇنايىنىڭ ەلىمىزگە تولاسسىز كىرۋىن قامتاماسىزداندىردى».
جۇڭگو مەن پاكيستاننىڭ ەكونوميكالىق ءدالىزى «ءبىر بەلدەۋ، ءبىر جول» سەلبەستىگىنىڭ ماڭىزدى جەتىستىگى، ول جۇڭگو شينجياڭنىڭ قاشقارىنان باستالىپ، پاكيستاننىڭ گۋادار پورتىنا دەيىن جالعاسادى، جالپى ۇزىندىعى 3 مىڭ كيلومەتردەن اسادى، بۇل «ءبىر بەلدەۋ، ءبىر جولدى» تۇتاستىراتىن ماڭىزدى جول بولەگى. عۇنجىراپ وتكەلى جۇڭگو مەن پاكيستان ەكونوميكالىق ءدالىزىنىڭ قۇرىلىقتاعى توعىساتىن جەرى. 2014-جىلى، مەملەكەتتىك ەلەكتر تورابى سەرىكتەستىگىنىڭ قاشقار توكپەن قامداۋ سەرىكتەستىگى شينجياڭ بويىنشا تەڭىز دەڭگەيىنەن ەڭ بيىك 110 كيلوۆولتتىق ترانسفورماتور ستانسياسىن سالىپ، ىسكە قوسىپ، عۇنجىراپ وتكەلىنىڭ ەلەكتردەن پايدالانۋ ماسەلەسىن شەشىپ، «تۇيە وركەشىندەگى ەلەكترمەن قامداۋ ورنى» دەپ اتالدى، عۇنجىراپ كەدەنىنىڭ ورىنباسار باستىعى ۋاڭ شيپيڭ تىلشىگە، ەلەكتردىڭ جەتكىزىلۋى جۇڭگو مەن پاكيستاننىڭ ەكونوميكالىق ءدالىزىنىڭ ساۋدا جاقتاعى بارىس-كەلىسىن پارمەندى جەبەگەنىن ايتا كەلىپ بىلاي دەدى: «ەلەكتر دە، توراپ تا جەتكىزىلدى. 2015-جىلدان كەيىن، ءبىز ءبىر جەردەن جۇمىس ءبىتىرۋ ورتالىعىن ارت-ارتىنان قۇرىپ، بارلىق يمپورت-ەكسپورت كاسىبىن ءبىر جولدا بىتىرەتىن بولدىق. بۇرىن ءبىر اۆتوكولىكتى كەدەننەن وتكىزۋ ءۇشىن ءبىر ساعات ۋاقىت كەتەتىن، قازىر 10 دا 15 مينۋتتا بىتەدى».
جۇڭگو مەن پاكيستاننىڭ ەكونوميكالىق ءدالىزى قاشقاردان باستالادى، قاشقار امبەباپ قورعامالى باجى رايونى جۇڭگو مەن پاكيستاننىڭ يمپورت-ەكسپورت ەتىلەتىن زاتتارىنا قورعامالى باجى ارقىلى ساقتاۋ، قورعامالى باجى زات اينالىمى سياقتى قىزمەتتەردى وتەپ، قورعامالى باجى رايونىن ەلەكترمەن قامتاماسىزداندىرۋدى ويداعىداي كەپىلدەندىردى، مەملەكەتتىك ەلەكتر تورابى سەرىكەستىگىنىڭ قاشقار ەلەكترمەن قامداۋ سەرىكتەستىگى 110 كيلوۆولتتىق ترانسفورماتور ستانسياسىنان ەكەۋىن ىركەس-تىركەس سالىپ، قوس ەلەكتر كوزى ارقىلى ەلەكترمەن قامدادى . مەملەكەتتىك ەلەكتر تورابى سەرىكەستىگىنىڭ قاشقار ەلەكترمەن قامداۋ سەرىكتەستىگى ماڭىزدى قاريدارلارعا قىزمەت وتەۋ كەڭسەسىنىڭ جاۋاپتىسى جى ميڭلياڭ بىلاي دەدى: «13-بەسجىلدىق پلان مەزگىلىندە، تۇتاس قاشقار ايماعىنا 9 ميلليارد 500 ميلليون يۋان قارجى قوسىپ، مەملەكەتتىڭ ساياساتىنا قاشاندا ىلەسىپ، ءبىر بەلدەۋ، ءبىر جولدى كۇش سالا قولدايمىز».


بەرىپ كەت ورامالىڭدى

دوستار

الىستاعى اق ەركە