جاڭا حابارلار

رەفورما جاساپ، ەسىك اشۋدى ىلگەرىلەتسەك، بولاشاعىمىز ءتىپتى كوركەم بولادى

    كەلۋ قاينارى: شينجياڭ گازەتى    2018-05-29 13:29:02  

ءتىلشىمىز لي چۇنشيا

  قاس - قاعىم ساتتە عالامات وزگەرىستەر جارىققا شىقتى.
  40 جىل ادامزات قوعامى دامۋ تاريحىنىڭ ۇزاق كەشۋىندەگى قاس - قاعىم ءسات عانا. الايدا جۇڭگودا رەفورما جاساپ، ەسىك اشقان 40 جىلدىق بارىستىڭ جاپالىلىعى، قول جەتكەن تابىستاردىڭ جويقىندىعى، سول بارىس بايابان دالا ءتوسىن ءدۇر سىلكىنتە تۋدىرعان، كۇن سايىن تۇلەجىپ جاڭارعان وزگەرىستەر جۇڭگودا تەرەڭ وزگەرىس تۋدىرىپ، دۇنيە جۇزىنە تەرەڭ ىقپال جاساۋدا.
  5 - ايدىڭ 15 - كۇنىنەن 20 - كۇنىنە دەيىن گازەتىمىزدىڭ تىلشىلەرى گۋاڭجوۋ، شىنجىن، جۋحاي، فوشان، دۇڭگۋان سياقتى رەفورما جاساپ، ەسىك اشۋدىڭ الدىڭعى لەگىندەگى قالالارعا بارىپ، رەفورما جاساپ، ەسىك اشۋدىڭ تاريحي ءىز - بەلگىلەرىن ىزدەپ، رەفورما جاساپ، ەسىك اشۋ الا كەلگەن ەرەسەن وزگەرىستەردى وي ەلەكتەرىنەن وتكىزىپ، رەفورما جاساپ، ەسىك اشۋدىڭ قامشى باسا تاعى اتتانعان داۋىرلىك ۇلى ءدۇبىرىن سەزىندى.
  شىعىس جەلى كوكتەم قۇشاعىنا توعىتتى
  رەفورما جاساپ، ەسىك اشۋدىڭ الدىڭعى لەگىندەگى قالادا جۇرسەڭىز، رەفورما جاساپ، ەسىك اشۋدىڭ لەبى تۇس - تۇستان مەن مۇندالايدى.

  ءزاۋلىم عيماراتتار قاتار - قاتار ساپ تۇزەپ، ساۋلەتتى جولدار ايقىش - ۇيقىش قايشالىسىپ جاتىر، كۇندىز جان - جاعىڭ جاپ - جاسىل الەم، كەشتە كوشە - كوشە سامالاداي سامسىعان شىراق نۇرىمەن جاينايدى − شىنجىن 40 جىلدىڭ الدىنداعى الاقانداي بالىقشىلىق قىستاعىنان وسىزاماندانعان حالىقارالىق ءىرى قالاعا اينالدى.
  جۋحايدىڭ حىڭچين جاڭا رايونى − «ورمانى بىتىك وسكەن، قىستاعى سەلدىر ورنالاسقان» يەن ارالدان ومىرشەڭ وسىزاماندانعان جاڭا قالا رايونىنا اينالدى. شارۋاشىلىق قۇرۋدىڭ لەگىندەگى جاستار اسقاق تا جىگەرلى، ەلىمىزدىڭ جەر - جەرىنەن كەلگەن ساياحاتشىلاردىڭ اياعى تولاستامايدى.
  «جۇڭگوداعى ءبىرىنشى كورمە» اتىمەن الىس - جۋىققا ايگىلى گۋاڭجوۋ ساۋدا كورمەسى − تۇڭعىش كەزەكتە كورمە ورنىن جالعا بەرىپ، نەبارى 13 كاسىپتىك باس سەرىكتەستىك ۇيىرمە ۇيىمداستىرىپ كورمەگە قاتىناسۋدان قازىرگىدەي «دۇنيە جۇزىلىك ساتۋ - ساتىپ الۋداي» جاپپاي اشىق حالىقارالىق ساۋدا تەكشەسىنە اينالدى.
  الدىمەن جۇرگىزىپ، الدىمەن سىناق جاساعان شىنجىن سياقتى رەفورما جاساپ، ەسىك اشۋدىڭ الدىڭعى لەگىندەگى قالا، «3 كۇندە عيماراتتىڭ ءبىر قاباتىن سالىپ بولۋداي» شىنجىن قارقىنىمەن رەفورما جاساپ، ەسىك اشۋدىڭ اياق الىسىن پارمەندى ىلگەرىلەتىپ، باسقا ولكە - قالالاردىڭ رەفورمانى ءبىر - بىرلەپ ىلگەرىلەتىپ، ەسىك اشۋدى كەڭەيتۋىنە تۇرتكى بولۋدا. باتىس سولتۇستىك شەكاراداعى شينجياڭ بۇكىل ەلىمىزبەن تەڭ قادامدا كەدەيلىكتەن بايۋدىڭ سارا جولىنا ءتۇسىپ، مەشەۋلىكتەن وسىزاماندانۋعا قاراي جۇڭگوشا سوتسياليزم جولىندا ۇدەرە العا تارتىپ، رەفورما جاساپ، ەسىك اشۋدىڭ ۇلى امالياتى بايتاق دالاعا الا كەلگەن جويقىن وزگەرىستەرىنە كۋا بولۋدا.
  «تەز قارقىننان» «جوعارى دەڭگەيگە» دەيىن
  پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى قيىندىققا قاسقايا قارسى شاۋىپ، قيىندىقتاردان تايسالماي ىلگەرىلەپ، رەفورمانى بۇلجىماستان جاپپاي تەرەڭدەتتى. رەفورما جاساپ، ەسىك اشۋدىڭ العاشقى مەزگىلىندەگى «ىزدەنە ءجۇرىپ جول تابۋمەن» سالىستىرعاندا، جاڭا داۋىردەگى رەفورمادا جوعارى دەڭگەيدە جوبالاۋعا اناعۇرلىم ءمان بەرىپ، جوعارى ولشەمدى رەفورمادان، جوعارى تۇرعىلى جوبالاۋدان، جوعارى ساپالى دامىتۋدان، جوعارى ونىمدىلىكتە جۇرگىزۋدەن جازباي، «تەز قارقىننان» «جوعارى دەڭگەيگە» دەيىنگى بۇرىلىستى جانە تۇلەي ءتۇسۋدى جۇزەگە اسىردى.  «ءبىز دۇنيە جۇزىندەگى ەڭ ءىرى وڭىرلىك شوعىرلى سۋىق اۋامەن قامداۋ جۇيەسى شوعىرىن جوبالاپ قۇردىق، جيىنى شامامەن 400 ميلليون يۋان قارجى قوسىلعان بۇل جۇيە ابونتتارعا 24 ساعات ءۇزىلىسسىز جوعارى ساپالى اۋا رەتتەگىش سۋىق اۋاسىمەن قامداۋدان ماماندانعان قىزمەت كورسەتەدى»، - دەدى 5 - ايدىڭ 18 - كۇنى چيانحاي رايونى شىكوۋ ەركىن ساۋدا شاعىن رايونىن باسقارۋ كوميتەتى تاراتۋ ورتالىعىنىڭ مەڭگەرۋشىسى جياۋ ۋي تىلشىگە. چيانحاي رايونى تومەن كومىرتەكتى ەكولوگيا جوسپارىن بەلسەندىلىكپەن تياناقتاندىردى، اۋماقتىق شوعىرلى سۋىق اۋامەن قامداۋ جۇيەسى شوعىرى سالىنىپ پايدالانعاننان كەيىن، ءار جىلى شامامەن 130 مىڭ توننا كومىرتەگى قوس توتىعىن، 4000 توننا كۇكىرت قوس توتىعىن ىعىستىرۋدى ازايتادى.
  جوعارى ساپالى، جوعارى سيىمدىلىقتى، جوعارى ولشەمدى «كوپ ۇلگى ءبىر تۇلعالانعان» ۋنيۆەرسال قاتىناس جۇيەسىن ورناتىپ، دۇنيە جۇزىندەگى ەڭ جوعارى ولشەممەن، ەڭ جوعارى دەڭگەيمەن تەڭەسىپ، دۇنيە جۇزىندەگى ەڭ تاماشا ساۋدا ورتاسىن قالىپتاستىرعان «ەرەكشە رايوننىڭ ىشىندەگى ەرەكشە رايون» شىنجىن قالاسى چيانحاي رايونى جاڭا داۋىردەگى رەفورما جاساپ، ەسىك اشۋدا تاعى ءبىر رەت رەفورما تولقىنىنىڭ الدىنا شىقتى، ەكونوميكانىڭ جالپى مولشەرى 100 ميللياردتىق قابىلەت دارەجەسىنە جەتىپ جانە ونان ۇزدىكسىز جوعارىلاپ، تۇزىمدە جاڭالىق اشۋ، شىنجىن - شياڭگاڭ سەلبەستىگى، كاسىپتى شوعىرلاندىرۋ جانە جاڭا قالا قۇرىلىسى سياقتى جاقتاردا ەلەۋلى ناتيجەلەرگە قول جەتكىزىپ، بۇكىل ەلدىڭ الدىڭعى لەگىندە ءجۇردى.
  جاڭا داۋىردە جاڭا تۇعىر تۇلعالاۋدا، جاڭا باستامادا جاڭا ولشەم ورناتۋدا، رەفورمانى جاپپاي تەرەڭدەتۋدە، ءسوزسىز، جاڭا دامۋ ۇستانىمىنان جازباي، ءوز - ءوزىن وزگەرتىپ جاڭالاۋعا باتىل بولۋ كەرەك. قازىر جاڭا دامۋ ۇستانىمى ارقىلى جوعارى ساپالى دامۋدى جەبەۋ جەر - جەردىڭ رەفورما جاساپ، دامۋداعى ورتاق تانىمىنا اينالدى. شينجياڭ ەمدەۋ جاعىنداعى قۇرىلىمدىق رەفورمانى نىق قاداممەن ىلگەرىلەتىپ، «قاجەتتەن اسىپ قالعان ءوندىرىس قۋاتىن، قامبادا باسىلىپ قالۋدى، سۇيمەندى ازايتىپ، وزىندىك قۇندى تومەندەتىپ، ولقىلىقتاردى تولىقتىرۋدى» باتىل تياناقتاندىردى. 2017 - جىلى «شويىن بولات» ونىمدەرىنەن 5 ميلليون تونناسىن زاڭ بويىنشا توقتاتىپ، كاسىپورىنداردى ىرىقتىلىقپەن 950 مىڭ توننا بولات - تەمىر ونىمىنەن، 11 ميلليون 630 مىڭ توننا كومىر ونىمىنەن شەگىنىپ شىعۋعا جەتەلەدى. شينجياڭ ەلىمىزدەگى تۇڭعىش ەنەرگيا ۋنيۆەرسال رەفورما سىناق ءتۇيىنى بولعان ولكە جانە تۇڭعىش توپتاعى جاسىل فينانس رەفورماسى جاڭالىق اشۋ تاجىريبە سىناق رايونى رەتىندە، رەفورما سىناق ءتۇيىنى قىزمەتى ورنىقتى قاداممەن ىلگەرىلەۋدە.
  اناعۇرلىم جوعارى دەڭگەيدەگى رەفورما جاساۋ، ەسىك اشۋ جۇيەسى قالىپتاستى
  رەفورما جاساۋدىڭ، ەسىك اشۋدىڭ 40 جىلدىق ۇلى وزگەرىسىنىڭ تابىسى شۇعىلالى، جۇڭگو ءبىر سەكىرىپ دۇنيە جۇزىندەگى 2 - ۇلكەن ەكونوميكالىق تۇلعاعا اينالدى. بۇگىنگى كۇندەرى جۇڭگوشا سوتسياليزم جاڭا داۋىرگە ءوتتى، جاڭا تاريحي باستامادا تۇرىپ رەفورما جاساۋ، ەسىك اشۋ تاعى دا جورىققا اتتانادى، ءداۋىر دامۋىنىڭ تولقىنىندا جاعدايعا ساي ىلگەرىلەپ، حالىقتىڭ باقىتتى تۇرمىسقا دەگەن ۇمىتىمەن ۇزدىكسىز العا تارتادى.
  «جۇڭگو حالقى ەسىكتى ونان ارى ايقارا اشىپ، ىنتىماقتاستىقتى ونان ارى كۇشەيتىپ، ءوزارا پايدالى، تەڭ ۇتاتىن ەسىك اشۋ ستراتەگياسىن بۇلجىتپاي جۇرگىزەدى، سىرتتان ەنگىزۋ مەن سىرتقا شىعارۋعا تەڭ ءمان بەرۋگە تاباندى بولىپ، قۇرلىق پەن تەڭىز، ەل ءىشى مەن حالىقارا بايلانىسقان، شىعىس پەن باتىس ءبىرىن - ءبىرى جەبەيتىن ەسىك اشۋ جۇيەسىن قالىپتاستىرادى، ساۋدا مەن قارجى قوسۋدىڭ جوعارى دەڭگەيدە ەركىن، قولايلى بولۋ ساياساتىن اتقارىپ، جۇڭگوشا ەركىن ساۋدا پورتىن قۇرۋعا ىزدەنىس جاسايدى». باس شۋجي شي جينپيڭنىڭ بو - اۋ ازيا تالقى مىنبەرىنىڭ 2018 - جىلعى جىلدىق جينالىسىنداعى ارقاۋ ءسوزى جۇڭگونىڭ ەسىكتى اناعۇرلىم ايقارا اشۋىنا باعىت نۇسقادى.
  جەل جىبەك جولىنان جول تابادى، ارمان الىسقا جەتەلەيدى. شينجياڭ «ءبىر بەلدەۋ، ءبىر جولدى» ىشكەرىلەي ىلگەرىلەتىپ، سىرتتان ەنگىزۋ مەن سىرتقا شىعارۋعا تەڭ ءمان بەرىپ، ەل ءىشى - سىرتىنا بولعان ەسىك اشۋ دەڭگەيىن جاپپاي جوعارىلاتىپ، جىبەك جولىن بويلاعان ەلدەردىڭ ەكونوميكا مەن ساۋداداعى بارىس - كەلىسىن ۇزدىكسىز جوعارىلاتتى، 2017 - جىلى سىرتقى ساۋدا يمپورت - ەكسپورت جالپى سوماسى 139 ميلليارد 840 ميلليون يۋانعا جەتىپ، %19.9ارتتى.
  بيىل وتكىزىلەتىن 6 - كەزەكتى جۇڭگو − ازيا - ەۆروپا كورمەسى شينجياڭعا سىرتقا ەسىك اشۋدىڭ، سەلبەستىك جاساسۋدىڭ اناعۇرلىم كوپ تىڭ ورايلارىن اكەلەدى.
  الىس ساپاردىڭ دابىلى قاعىلدى، اۋىر مىندەت العا جەتەلەۋدە.
  جوعارى قارقىندى تەمىر جول جەلىسى شار تاراپقا تۇتاستى، جىلجىمالى تولەۋ بار جەردى شارپىدى، زەردەلى جاساۋ زەردەلى تۇرمىسقا شۋاق شاشتى، «ينتەرنەت» سان - ساناقسىز قارجى قوسۋ كاسىپتەرىن تۋىنداتتى... رەفورما جاساپ، ەسىك اشۋ جۇڭگو حالقىنىڭ دامۋعا، جاڭالىق اشۋعا، تاماشا تۇرمىسقا دەگەن تالابىنا ساي كەلدى، رەفورما جاساپ، ەسىك اشۋ اكەلگەن جوعارى ساپالى دامۋ ادامداردىڭ كەلەشەكتەگى ءتىپتى دە كوركەم تۇرمىسقا دەگەن ارمانىن كۇشەيتتى.
  بولاشاققا كوز سالىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ءبىز جاڭا ءداۋىردىڭ شىعىس جەلىنە جەلكەن جايىپ، اسقار تاۋلاردان اسىپ، وزەن - داريالاردى كەشىپ، العان بەتىمىزدەن قايتپاي، رەفورما جاساۋدى، ەسىك اشۋدى سوڭىنا دەيىن جۇرگىزسەك، ەرتەڭىمىز ءتىپتى دە كوركەم بولارى حاق.


بەرىپ كەت ورامالىڭدى

دوستار

الىستاعى اق ەركە