جاڭا حابارلار

تىنباي جاڭالىق اشقان حان بو

    كەلۋ قاينارى: شينجياڭ گازەتى    2018-06-02 23:33:19  

تىنباي جاڭالىق اشقان حان بو

 ەرىكتى ءتىلشىلەر سۇي ۋانلۇڭ، شا پىڭفي، فىڭ لەي

   ول ءبىر ديقان بولا تۇرا اۋىل شارۋاشىلىق ماشينالارى سەلبەستىك كووپەراتيۆىن قۇردى ءارى شەتەلگە شىعىپ جۇمىس جۇرگىزدى؛ تەك ورتالاۋ مەكتەپ ماعلۇماتى عانا بار بولسا دا، ءبىراق ول ا ق ش - تىڭ اۋىل شارۋاشىلىق سەرىكتەستىگى وندىرگەن ونىمدەرىنىڭ السىزدىگىن تابا ءبىلدى، ونىڭ تاپقىرلاعان اۋىل شارۋاشىلىق ماشيناسى نەگىزگى ساتى ەگىس جۇمىسىنا ۇيلەسەدى، شارۋاشىلىق قۇرۋى تابىستى بولعاندا ول اۋىلداستارىن ەسىنەن شىعارماي، كوپشىلىكتى بىرگە اۋقاتتانۋ جولىنا باستادى.

  ول ساۋان اۋدانى قورقىس قالاشىعىنىڭ ديقانى، «اۋىل شارۋاشىلىق ماشينالارىن قولىندا ويناتقان» حان بو ەدى.  

 5 - ايدىڭ باسىندا جاساندى سەرىكتىڭ باعىت كورسەتۋىندە دالمە - ءدال جۇمىس جۇرگىزگەن حان بونىڭ اۋىل شارۋاشىلىق ماشينالارى سەلبەستىك كووپەراتيۆىنە قاراستى بىرىككەن كووپەراتيۆى بيىلعى ماقتا تۇقىمىن ءسىڭىرۋ جۇمىسىن تەز اياقتاتتى. بيىل بىرىككەن كووپەراتيۆ بارلىق تۇقىم ءسىڭىرۋ ماشيناسىنا جالپى بارىستى باقىلاۋ - مەڭگەرۋ جۇيەسىن ورناتتى، ديقاندار ۇيىندە وتىرىپ قول تەلەفون ارقىلى ەگىنشىلىكتىڭ جالپى بارىسىنا دەر كەزىندە باقىلاۋ - مەڭگەرۋ جۇرگىزىپ، ەگىنشىلىك جۇمىسىنىڭ ساپاسىنا كەپىلدىك ەتتى.

  حان بو: جۇمىس جۇرگىزەتىن ءوڭىرىمىز كەڭەيدى، جۇرگىزگەن جۇمىسىمىزدىڭ ساپاسى، قارقىنى جانە ونىمدىلىگى ايرىقشا جوعارىلاپ، بۇرىنعى جەردىڭ قاتپارلانۋى، تۇقىمنىڭ تولىق سىڭىرىلمەي قالۋ قۇبىلىسى ەندىگارى كەزدەسپەيتىن بولدى، - دەدى.

  5 - ايدىڭ 2 - كۇنى ەڭ سوڭعى اتىزعا تۇقىم ءسىڭىرىپ بولعان حان بو مەن كووپەراتيۆ مۇشەلەرى تۇقىم ءسىڭىرۋ ماشيناسىنىڭ دوڭگەلەگى مەن تۇقىم سىڭىرەتىن جابدىقتى اۋىستىرۋعا، وزگەرتىپ قۇراۋعا كىرىستى، تۇقىم ءسىڭىرۋ ماشيناسى لەزدە اتىز باپتاۋ ماشيناسىنا اينالدى. حان بو تىلشىگە: ءبىز ەگىس داقىلدارىن ەگۋدە تۇقىم سىڭىرۋدەن اتىزدى باپتاۋعا، ودان داقىلدى جيناپ الۋعا دەيىنگى جالپى بارىستى تۇگەلدەي ماشينالاندىردىق، - دەدى.   حان بو ساۋان اۋدانىنىڭ قورقىس قالاشىعىندا تۋىپ - وسكەن ديقان، ورتالاۋ مەكتەپ تاۋىسقاننان كەيىن ماشينا جوندەۋشى بولعان، اۆتوكولىكپەن جۇك تاسىعان. سىرتقا شىعىپ تالاي جىل جۇمىس ىستەگەن حان بو 2003 - جىلى اۋىلىنا ورالىپ، اۋىل شارۋاشىلىق ماشينالارى كاسىبىمەن اينالىسادى. ول شينجياڭدا ا ق ش - تىڭ گاسح نيۋ حوللاند سەرىكتەستىگى وندىرگەن ءىرى تۇرپاتتى ماقتا جيناۋ ماشيناسىن تۇڭعىش ساتىپ العان ديقان، ول «شەتەلدىڭ ءونىمى بولعاندىقتان السىزدىگى جوق دەۋگە بولمايدى» دەپ قارايدى. پايدالانۋ بارىسىندا حان بو ا ق ش - تا وندىرىلگەن وسى ءونىمنىڭ السىزدىگىن ىزدەيدى، ماقتا جيناۋ ماشيناسىندا ءورت ءوشىرۋ قۇرىلعىسىنىڭ جوقتىعىن بايقاعان سوڭ، قايتا - قايتا وي جۇگىرتۋ ارقىلى ماقتا جيناۋ ماشيناسىنىڭ ءورت ءوشىرۋ جۇيەسىن زەرتتەپ اشىپ، ماشيناعا ورناتادى.

  حان بو: سىناق بارىسىندا ماقتا جيناۋ ماشيناسىنىڭ ءورت ءوشىرۋ جۇيەسىنىڭ ءونىمى ەرەكشە جاقسى بولدى، جۇمىس جۇرگىزۋ بارىسىندا بىرنەشە رەت ءورت تۋىلدى، ءبىز ءوزىمىز زەرتتەپ اشقان ءورت ءوشىرۋ جۇيەمىزبەن ءورتتى ءوشىرىپ، ءىرى تۇرپاتتى ماشينامىزدى قورعاپ قالدىق. كەيىن ماقتا جيناۋ ماشيناسىن وندىرەتىن سەرىكتەستىك ءبىز تاپقىرلاعان ءورت ءوشىرۋ جۇيەسىن ورناتۋدى قابىلدادى، - دەدى.   وسى رەتكى وزگەرىس ەنگىزۋدەن كەيىن، حان بونىڭ سەنىمى مەن بەلسەندىلىگى ارتادى، ورتالاۋ مەكتەپ ماعلۇماتىنا عانا يە ول ىزدەنگىشتىگى مەن قاجىرلىلىعى ارقىلى ماقتا كەبەجەسىن جىلدام تومەن ءتۇسىرىپ - قايتا شىعارۋ جۇيەسىنە، ماقتا كەبەجەسىن ەلەكتروندى قۇلىپتاۋ جانە ەگىس ءدارىسىن شاشۋ ماشيناسىنا تىك تاياقشا ورناتۋ قاتارلى تەحنيكالارعا ارت - ارتىنان وزگەرىس ەنگىزەدى. شەتەلدەگى اۋىل شارۋاشىلىق ماشينالارى كاسىپورىندارى ونى جەتەكشىلىك ەتۋگە ۇسىنىس ەتۋمەن بىرگە، ونىڭ سەلبەستىك كووپەراتيۆىندە سىناق ءتۇيىنىن قۇرادى، ءسويتىپ، ول «اۋىل شارۋاشىلىق مەحانيكا شەبەرىنەن» «ديقان تاپقىرلاۋشىعا» اينالادى.   حان بو: بۇرىن كورمەگەن نارسەلەردى زەرتتەۋدى ۇناتامىن، مەحانيكالىق جاساۋعا دا، ەلەكترلەندىرۋگە قاتىستى كىتاپتاردى وقۋعا دا قىزىعامىن، ماشيناعا وزگەرىس ەنگىزۋدى ويلاۋدى ادەتكە اينالدىرعانمىن، بۇرىن تەك ويلايتىنمىن، كەيىن جۇرەكتىلىكپەن وزگەرىس ەنگىزۋگە كىرىستىم، - دەيدى.

  قازىر حان بونىڭ اۋىل شارۋاشىلىق ماشينالارى سەلبەستىك كووپەراتيۆىنە قاراستى بىرىككەن كووپەراتيۆتە ءتۇرلى اۋىل شارۋاشىلىق ماشينالارىنان 1795ى بار، ءار جىلى قىزمەت كورسەتەتىن كولەمى ساۋان اۋدانىنىڭ ەگىس كولەمىنىڭ جارىمىنان اسادى. كولەم كەڭەيگەننەن كەيىن، جاۋاپكەرشىلىك تە كۇشەيەدى، ءبىراق ول زەرتتەۋ جۇرگىزۋ، جاڭالىق اشۋ اياق الىسىن توقتاتپايدى. قاريدارلاردىڭ قاجەتىنە قاراي حان بو مەن ونىڭ كووپەراتيۆ مۇشەلەرى ءىس جۇزىندىك جۇمىس بارىسىندا جاڭا تەحنيكالاردى، جاڭا ونىمدەردى ۇنەمى زەرتتەپ اشادى، ساتسىزدىككە جولىققاندا بۇرىنعىسىن قايىرىپ تاستاپ، قايتادان شىت جاڭا باستايدى. وسىنداي قىزۋ ىنتانىڭ ارقاسىندا حان بو مەملەكەت دارەجەلى تاپقىرلىق پاتەنت ۇقىعىنان تورتەۋىن الدى.

  وسى كۇندە مەملەكەت بويىنشا اۋىل شارۋاشىلىق ماشينالارى سەلبەستىك كووپەراتيۆىنەن ۇلگى كورسەتەتىن كووپەراتيۆ رەتىندە، حان بو مەن كووپەراتيۆ مۇشەلەرى كووپەراتيۆتى بۇكىلدەي كاسىپ سالالاندىرۋ، ولشەمدەندىرۋ باعىتىمەن دامىتۋدا، اۋىل شارۋاشىلىق ماشينالارىمەن جۇمىس جۇرگىزۋ كولەمى سۋدان، قازاقستان قاتارلى مەملەكەتتەرگە كەڭەيدى. اۋىلداستارىن تومەن وزىندىك قۇن ارقىلى مول پايداعا كەنەلتۋ، سونىمەن قاتار سەلبەستىك كووپەراتيۆىنىڭ جانە اۋىل شارۋاشىلىق ونىمدەرىنىڭ ماركاسىن جاراتۋ حان بونىڭ وزىنە بەلگىلەگەن نىساناسى بولدى.

  حان بو: تابىستى ۇلەستىرۋ جيىنىندا كووپەراتيۆ مۇشەلەرى ۇستەلگە ءۇيىپ قويعان اقشانى قۋانا ءبولىپ العاندا ءوزىمدى ەڭ باقىتتى سەزىنەمىن. كوپشىلىكتىڭ جۇزىنە كۇلكى ۇيىرىلگەندە تابىس سەزىمى كوڭىلىمە ۇيالايدى، - دەيدى.


بەرىپ كەت ورامالىڭدى

دوستار

الىستاعى اق ەركە