جاڭا حابارلار

جۇمىسشىلار قوزعالىسىنىڭ كوشباسشىسى ـــــ سۇن جينچۋان

    كەلۋ قاينارى: شينجياڭ حالىق راديو ىستانسياسى    2018-06-04 12:53:19  

6-ايدىڭ 4-كۇنى بۇل ايدارىمىزدا: « جۇمىسشىلار قوزعالىسىنىڭ كوشباسشىسى ـــــ سۇن جينچۋان»مەن تانىساسىزدار:1895- جىلى، سۇن جينچۋان انحۇي ولكەسىنىڭ تاۋشيان اۋدانىندا جۇمىسشى وتباسىندا دۇنيەگە كەلەدى. 1925- جىلى 8- ايدا، سۇن جينچۋان جۇڭگو كوممۋنيستىك پارتياسىنا مۇشە بولادى  ءارى شاڭحاي-نانجيڭ تەمىر جولى جۇمىسشى بىرلىكتە ىلگەرلەتۋ ۇيىمىنىڭ مۇشەلىگىنە سايلانادى. كوپ وتپەي، جۇڭگو كوممۋنيستىك پارتياسى ۋسۇڭ ماشينا زاۆوتىنىڭ ەرەكشە ياچەيكاسى قۇرىلىپ، سۇن جينچۋان ەرەكشە ياچەيكا شۋجيىلىعىنا سايلانادى. 1926- جىلى 10- ايدا، سۇن جينچۋان پارتيانىڭ تالابى بويىنشا ۋسۇڭ ماشينا زاۆوتىنىڭ جۇمىسشى قارۋلىلارىن باستاپ، شاڭحاي-نانجيڭ تەمىر جولىن ءۇزىپ، سولتۇستىك ميليتارستەرىنىڭ ارتقى شەپ اسكەري قارۋ - جاراقپەن قامداۋ لەنياسىن ويرانداپ، شاڭحاي جۇمىسشىلارىنىڭ ءبىرىنشى رەتكى قارۋلى كوتەرىلىسىنە شارت-جاعداي جاراتادى. 1927- جىلى 3-ايدا، سۇن جينچۋان ۋسۇڭ ماشينا زاۆوتىنداعى جۇمىسشىلاردىڭ كەڭ كولەمدى جۇمىس تاستاۋىنا باسشىلىق ەتىپ، شاڭحاي جۇمىسشىلارىنىڭ 3-رەتكى قارۋلى كوتەرىلىسىنىڭ شىمىلدىعىن اشادى. 3-ايدىڭ 28- كۇنى، سۇن جينچۋان شاڭحاي-نانجيڭ، شاڭحاي-حاڭجۋ - نيڭبو سىندى ەكى تەمىر جول باس جۇمىسشى ۇيىمىنىڭ باستىقتىعىنا تاعايىندالادى.
«12-ءساۋىر» توڭكەرىسكە قارسى ساياسي وزگەرىس تۋىلعاننان كەيىن، سۇن جينچۋان ۋحان، جيۋجياڭ، شاڭحاي سياقتى جەرلەرگە بارىپ، مەملەكەتتىك تەمىر جول باس جۇمىسشى ۇيىمى اتىنان جياڭسۋ، جىجياڭ، انحۇي، جياڭشي سياقتى ولكەلەردەگى بوسقىن  جولداستاردى قابىلداپ جانە ورنالاستىرىپ، جەر - جەردەگى تەمىر جول جۇمىسشى ۇيىمى مەن پارتيا ۇيىمدارىن قۇپيا رەتتەپ قالپىنا كەلتىرەدى.
  پارتيانىڭ «7- تامىز» ماجىلىسىنەن كەيىن، سۇن جينچۋاندى پارتيا نانجيڭعا جىبەرىپ، جۇڭگو كوممۋنيستىك پارتياسى نانجيڭ قالالىق پارتكومنىڭ شۋجيلىعىنا تاعايىندايدى  ەرەكشە اۋىر اق ءتۇستى لاڭكەستىك بارىسىندا، ول پارتيا  ۇيىمىن  رەتتەپ،  «7- تامىز» ءماجىلىسىنىڭ رۋحىن جەتكىزەدى، ءارى بۇقارانى جۇمىلدىرىپ جانە ۇيىمداستىرىپ، باتىلدىقپەن كۇرەس جاسايدى.
 1928- جىلى 7- ايدا، سۇن جينچۋان ساتقىننىڭ قۇپيالىقتى اشۋىمەن، سالاۋاتى اشكەرەلەنىپ، قولعا الىنادى. تۇرمەدە، گومينداڭ پارتياسىنىڭ اسكەر- ساقشىلارى مەن تىڭشىلارى ايانىشتى قيناۋ  كورسەتىپ، سۇن جينچۋاندى پارتيانىڭ قۇپيالىعى مەن نانجيڭدەگى جاسىرىن پارتياداعىلاردىڭ تىزىمدىگىن تاپسىرۋعا قىسايدى، الايدا، مۇنى سۇن جينچۋان باتىل تويتارىپ تاستايدى. ونە بويىنان ساۋ تامتىق قالماعانشا قيناۋ كورگەن سۇن جينچۋان دۇشپانىنا باتىل تۇردە: ولتىرسەڭدەر ولتىرىڭدەر، ءبىراق، مىڭداعان، ميلليونداعان توڭكەرىسشىلەردى ولتىرە المايسىڭدار،- دەيدى.
  1928- جىلى 10- ايدىڭ 6- كۇنى، سۇن جينچۋان نانجيڭداعى يۇيحۋاتايدا قاھارماندىقپەن قۇربان بولادى، سول جىلى نە ءبارى 33 جاستا-ەدى.


بەرىپ كەت ورامالىڭدى

دوستار

الىستاعى اق ەركە