جاڭا حابارلار

اۆتونوميالى رايونىمىز مەملەكەت دارەجەلى 26 جاسىل شاحتا قۇردى

    كەلۋ قاينارى: شينجياڭ گازەتى    2018-06-05 18:34:49  

عىلمي جوبالاۋ، جاسىل دامۋ

اشىلى مىس كەنى قابا اۋدانىنداعى ەڭ ۇلكەن كەن اشۋ سەرىكتەستىگى، 2002 - جىلى قۇرىلىسى باستالعاننان بەرى، اشىلى مىس كەنى كەن ورنىن جاسىلداندىرۋدى، كورىكتەندىرۋدى ماڭىزدى ورىنعا قويىپ، ىلگەرىندى - كەيىندى 20 ميلليون يۋان قارجى سالىپ، 160 مىڭ شارشى مەتر اۋماقتى جاسىلداندىرىپ، 90 مىڭ تۇپتەن ارتىق اعاش ەگىپ، كەن اۋماعىنىڭ جاسىلدانۋ مولشەرىن %60كە جەتكىزدى. اشىلى مىس كەنى مەملەكەتتىك AAA دارەجەلى ساياحات كورىنىس رايونى، ونەركاسىپ ساياحاتىنان ۇلگى كورسەتۋدىڭ مەملەكەتتىك ءتۇيىنى، كەن بايلىقتارىن ۇنەمدەۋ جانە جالپىلىق پايدالانۋ ارناۋلى نىسانى بويىنشا ۇزدىك كەن كاسىپورنى، جاسىل كەن ورنىنىڭ مەملەكەت دارەجەلى سىناق ءتۇيىنى ورنى بولىپ باعالاندى.
سۋرەتتى لياڭ يۇڭ تۇسىرگەن

     ءتىلشىمىز چىن چياڭۋي 6 - ايدىڭ 2 - كۇنى ۇرىمجىدەن حابارلايدى. «بۇگىن ءبىز ءبىر ميلليون يۋان اينالاسىندا قارجى قوسىپ، كونە كەن رايونىنىڭ ورتاسىن جونگە سالۋدى جوسپارعا الدىق. سونىمەن قاتار، جۇمىسشى - قىزمەتشىلەردى اعاش ەگۋگە جۇمىلدىرىپ، تۇرمىس، قىزمەت ورتاسىن جاسىلداندىرماقشىمىز»، - دەدى 6 - ايدىڭ 1 - كۇنى شينجياڭ ياكىسى بايلىق قاينارىن اشۋ شەكتى جارنا سەرىكتەستىگىنىڭ ورىنباسار باس مەڭگەرۋشىسى يان شۋەجۇن تەلەفوندا تىلشىگە.
  شينجياڭ ياكىسى بايلىق قاينارىن اشۋ شەكتى جارنا سەرىكتەستىگىنىڭ (تومەندە قىسقاشا ياكىسى سەرىكتەستىگى دەلىنەدى) حۋاڭشان مىس، نيكەل كەنى ءشول ءجازيراعا ورنالاسقان، 2009 - جىلدان باستاپ ياكىسى سەرىكتەستىگى عىلمي زەرتتەۋ ورىندارىمەن سەلبەسىپ، قالامشا وتىرعىزۋ جانە وسىمدىك، جامىلعى ارقىلى ءشول ءجازيراداعى شاحتانى جاسىلداندىرۋعا كىرىسكەن. ياكىسى سەرىكتەستىگىندەگى بارلىق جۇمىسشى - قىزمەتشىلەردىڭ قاجىرلىلىقپەن قۇلشىنۋىنىڭ ارقاسىندا، قازىرگە دەيىن كەن رايونىنىڭ مىڭ مۋ اۋماعى جاسىل جامىلعىمەن كومكەرىلدى. 2014 - جىلى 8 - ايدا ياكىسى سەرىكتەستىگى «مەملەكەت دارەجەلى جاسىل شاحتا سىناق ءتۇيىنى ورنى» بولىپ باعالاندى.
  «بۇل ءوڭىر جەل ءوتى، بۇرىن ورمان بولماعان كەزدە سوققان بوران كوزدى اشتىرمايتىن، ءتىپتى، بوران ۇشىرعان قيىرشىق تاستار بەت قاراتپايتىن. ال قازىر كەن رايونى ماڭىندا بوران قانشا قاتتى سوقسا دا كەن رايونىنا جەتكەندە كورنەكتى باسەيەتىن بولدى، جۇمىسشى - قىزمەتشىلەر جاسىل جامىلعىنىڭ جاقسىلىعىن اڭعاردى، قازىر ولار اعاش، ءشوپ ەگۋگە توتەنشە بەلسەندى»، - دەدى يان شۋەجۇن.
  ۇعىسۋعا قاراعاندا، سوڭعى 5 جىلدا، مەملەكەت پەن اۆتونوميالى رايون قازىنادان ارت - ارتىنان 400 نەشە ميلليون يۋان قارجى شىعارىپ، 52 شاحتانىڭ گەولوگيالىق ورتاسىن جونگە سالۋ جونىندە الدىڭعى كەزەڭدىك بارلاۋ جۇرگىزۋ قىزمەتىن، 96 شاحتانىڭ گەولوگيالىق ورتاسىن جونگە سالۋ نىسانىن، جالپى 4710 گەكتار جەردى قالپىنا كەلتىرۋ جۇمىسىن ورنالاستىرعان.
  «تاياۋدا شينجياڭ ۇيعۇر اۆتونوميالى رايونىنىڭ جاسىل شاحتا قۇرىلىسىن باسقارۋ ءادىسى (سىناق رەتىندە اتقارىلادى) باسىپ تاراتىلدى جانە اتقارىلدى، سونىمەن كەن ءونىمى بايلىعىن اشۋ جالپى بارىسى عىلمي، ءتارتىپتى باقىلانىپ، باسقارىلىپ، بايلىقتى اشۋ، پايدالانۋ مەن ەكولوگيالىق ورتانى قورعاۋدىڭ سايكەسىمدىلىگى جەبەلدى»، - دەدى اۆتونوميالى رايوندىق جەر بايلىعى مەڭگەرمەسى جوبالاۋ باسقارماسىنىڭ ورىنباسار تەكسەرىپ - زەرتتەۋشىسى جىن جىچياڭ.
  قازىر اۆتونوميالى رايون مەملەكەت دارەجەلى 26، اۆتونوميالى رايون دارەجەلى 6 جاسىل شاحتا قۇردى، مۇندا تەمىر، مىس، نيكەل، التىن، سيرەك كەزدەسەتىن مەتال، مىرىش، مۇناي، كومىر جانە كاليلى تۇز سياقتى كەن ونىمدەرى قامتىلادى.
  «تۇتاس اۆتونوميالى رايوننىڭ جاسىل شاحتا قۇرىلىسىن جەدەل ىلگەرىلەتۋ ءۇشىن، جاسىل شاحتا قۇرۋعا قاتىستى وتىنىشتەردى دەر كەزىندە مالىمدەپ، قاراپ، جاڭادان قۇرىلعان شاحتالاردى جاسىل شاحتا ولشەمى بويىنشا قۇرۋدى تالاپ ەتتىك، بۇرىن قۇرىلعان شاحتالاردى جاسىل شاحتا ولشەمىنە بىرتىندەپ جەتكىزىپ، بايلىقتى اشۋ مەن قورشاعان ورتانى قورعاۋدىڭ سايكەستى دامۋىن بىرتىندەپ جۇزەگە اسىردىق»، - دەدى جىن جىچياڭ.
  كەلەسى قادامدا، اۆتونوميالى رايون كومىر، مۇناي، تابيعي گاز، تەمىر، مىس، التىن، اكتاس سياقتى اۆتونوميالى رايونىمىزاعى 10 ءتۇرلى كەن ءونىمى كاسىبى سالاسى بويىنشا جاسىل شاحتا قۇرىلىسى ولشەمىن شىعارىپ، 2020 - جىلعا بارعاندا تۇتاس رايونىمىزدان 400دەن استام جاسىل شاحتا، 6 جاسىل كەن كاسىبىن دامىتۋدان ۇلگى كورسەتۋ رايونىن قۇرۋعا كۇش سالادى.
  سوڭعى جىلداردان بەرى، اۆتونوميالى رايون كەن ءونىمى بايلىعىن اشۋدى تەكسەرىپ بەكىتۋ ءتۇزىمىن مۇقيات تياناقتاندىرىپ، كەن ءونىمى بايلىعىن ساپالى ورنالاستىرۋدى، ءبىر تۇتاس جوبالاپ سايكەستىرۋدى جانە ءبىر تۇتاس باسقارۋدى كۇشەيتىپ، كەن ءونىمى بايلىعىن بارلاپ اشۋدى تەكسەرىپ بەكىتۋ وتكەلىن قاتاڭ يگەرىپ، وتكەلدى باسىنان مىقتى يگەردى. «3 - كەزەكتەگى كەن ءونىمى بايلىعىن اشۋ جوباسىندا دا جاراتىلىستىق قورىق كولەمىندە كەن كاسىبى ۇقىعىن تىڭنان ورنالاستىرۋعا ايقىن تيىم سالىپ، ەكولوگيالىق قورشاعان ورتانى قورعاۋدى تۋ باستان كۇشەيتتىك»، - دەدى جىن جىچياڭ.
  ۇعىسۋعا قاراعاندا، بىلتىر اۆتونوميالى رايون «شينجياڭ جاسىل قالقان 2017» جاراتىلىستىق قورىقتى باقىلاۋ، تەكسەرۋ ارناۋلى قيمىلىن ورىستەتىپ، تۇتاس اۆتونوميالى رايونداعى مەملەكەت دارەجەلى 15 جارتىلىستىق قورىق پەن اۆتونوميالى رايون دارەجەلى 14 جاراتىلىستىق قورىق كولەمىندەگى كەن ۇقىعىن اداقتادى، سونداي - اق 29 جاراتىلىستىق قورىقتىڭ كولەمى جانە فۋنكتسيالىق رايوندارعا ءبولىنۋ جاعدايى جونىندە اشىق ەسەپ ورناتىپ، باسقارۋدى زاڭ بويىنشا كۇشەيتىپ، زاڭسىز بارلاۋ، اشۋ ارەكەتتەرىنە قاتاڭ سوققى بەردى.


بەرىپ كەت ورامالىڭدى

دوستار

الىستاعى اق ەركە