جاڭا حابارلار

اق لاڭكەستىك الدىندا تايسالماعان ولكەلىك پارتكومنىڭ شۋجيى ـــ لي يۋان

    كەلۋ قاينارى: شينجياڭ حالىق راديو ىستانسياسى    2018-06-05 08:35:57  

اتالعان ايداردا6-ايدىڭ4-كۇنى: «اق لاڭكەستىك الدىندا تايسالماعان ولكەلىك پارتكومنىڭ شۋجيى ـــ لي يۋان»مەن تانىساسىزدار:لي يۋان ـــ 1904-جىلى گۋاڭدۇڭ ولكەسى بولو اۋدانى يۋانجوۋ قالاشىعى حىشان-لي-ۋ قىستاعىندا دۇنيەگە كەلگەن. وتباسى وتە كەدەي بولعاندىقتان، لي يۋان 15 جاسىندا شياڭگاڭعا بارىپ تەڭىزشى بولادى، 1921-جىلى جۇڭحۋا تەڭىزشىلەر مەن ونەركاسىپشىلەر بىرلەستىگى باس ۇيىمىنا، 1924-جىلى جۇڭگو سوتسياليستىك جاستار وداعىنا مۇشە بولىپ، ىلگەرىندى-كەيىندى شياڭگاڭ تەڭىزشىلەرىنىڭ كولەمدى جۇمىس تاستاۋ جانە گۋاڭجوۋ-شياڭگاڭ جۇمىسشىلارىنىڭ كولەمدى جۇمىس تاستاۋ قيمىلىنا قاتىناسىپ، جۇمىسشىلاردان ۇيىمداسقان قارۋلى شارلاۋشىلار اترەتىنە مۇشە بولدى. 
1925-جىلى كۇزدە، لي يۋان جۇڭگو كوممۋنيستىك پارتياسىنا مۇشە بولدى ءارى جۇڭحۋا تەڭىزشىلەر مەن ونەركاسىپشىلەر بىرلەستىگى باس ۇيىمى پارتيا ياچەيكاسىنىڭ شۋجيى مىندەتىنە تاعايىندالدى، 1926 -جىلى گۋاڭجوۋ ۇلتتىق ۇكىمەتىنىڭ قازىنا مينيسترلىگى اتكەزشىلەردى تەكسەرۋ اترەتىنىڭ قولباسشىسى بولىپ، اترەتتى باستاپ اتكەزشىلىككە قارسى تۇردى.
12-ءساۋىر كەرى توڭكەرىستىك ساياسي وزگەرىسى تۋىلىپ، 3-كۇننەن كەيىن، گۋاڭجوۋدا 15-ءساۋىر كەرى توڭكەرىستىك ساياسي وزگەرىسى تۋىلادى، قىرۋار كوممۋنيستىك پارتيا مۇشەسى مەن توڭكەرىسشىل بۇقارا قىرعىندالدى، لي يۋان اتىن لي چاڭ، لي چۋان دەپ وزگەرتىپ، استىرتىن كۇرەس جاساۋعا ءماجبۇر بولدى. سول جىلى 4-ايدىڭ سوڭىندا، لي يۋان ج ك پ گۋاڭدۇڭ ولكەلىك كوميتەتىنىڭ ارنايى جىبەرگەن قىزمەتكەرى رەتىندە شياڭگاڭ مەن گۋاڭجوۋداعى تەڭىزشىلەرمەن بولعان قارىم-قاتىناسىنان پايدالانىپ، جۇمسشىلار اراسىندا ۇزدىكسىز توڭكەرىستىك ۇگىت جۇرگىزىپ، گۋاڭجوۋ جۇمىسشىلارىنىڭ قۇپيا قارۋلى ۇيىمىن ۇيىمداستىرۋعا جانە قۇرۋعا قاتىناستى. سول جىلى قىستا ج ك پ گۋاڭدۇڭ ولكەلىك كوميتەتتىڭ مۇشەسى بولدى.
1927-جىلى 11-ايدا، لي يۋان جۇمىسشىلار قارۋلى كۇشىن ۇيىمداستىرىپ، تۇتقىندالعان گۋاڭجوۋ جۇمىسشىلار قوزعالىسىنىڭ باسشىسى جوۋ ۋىن-يۇڭدى ءساتتى قۇتقاردى. سول جىلى 12-ايدا، لي يۋان گۋاڭجوۋ جۇمىسشىلار قارۋلى قوسىنىن ۇيىمداستىرىپ جانە وعان باسشىلىق ەتىپ، ايگىلى گۋاڭجوۋ كوتەرىلىسىنە قاتىناستى ءارى جۇمىسشىلار قورعاۋشى اترەتىن باستاپ، گۋاڭجوۋدىڭ چاڭدي وڭىرىندە، گۋاڭجوۋ كوتەرىلىسىن تىنشتىرۋعا بارعان كەرتارتپا ارمياعا قارسى تۇردى.
1928-جىلى 1-ايدان باستاپ، لي يۋان ج ك پ گۋاڭدۇڭ ولكەلىك پارتكومنىڭ تۇراقتى مۇشەسى مىندەتىنە تاعايىندالىپ، 2-ايدا چيۇڭ-ياعا (قازىرگى حاينان ولكەسىنە) جىبەرىلىپ، ج ك پ چيۇڭ-يا ەرەكشە پارتكومنىڭ شۋجيى مىندەتىنە تاعايىندالدى، سول جىلى 5-ايدا ج ك پ گۋاڭدۇڭ ولكەلىك پارتكومنىڭ ۋاقىتتىق شۋجيى، كەيىن ولكەلىك پارتكومنىڭ شۋجيى بولدى. 1928-جىلى 7-ايدا موسكۆادا اشىلعان پارتيا 6-قۇرىلتايىندا، لي يۋان ج ك پ ورتالىق كوميتەتىنىڭ مۇشەسى بولىپ سايلاندى، ءبىراق، قىزمەت سەبەبىنەن ول قۇرىلتايعا قاتىناسا المادى . 1928-جىلى كۇزدىڭ سوڭىندا، لي يۋان استىرتىن گۋاڭدۇڭنىڭ شىعىسىنا بارىپ، پارتيا 6-قۇرىلتايىنىڭ قاۋلىسىن جەتكىزىپ، پارتيا قىزمەتىنە جەتەكشىلىك ەتۋ بارىسىندا، كەرتارتپا ارميانىڭ قولىنا ءتۇسىپ، باقىتقا قارسى قۇربان بولدى، سول كەزدە ول نە ءبارى 24 جاستا عانا-ەدى.


بەرىپ كەت ورامالىڭدى

دوستار

الىستاعى اق ەركە