جاڭا حابارلار

قىزىققانىم جاۋدىڭ جۇرەگىن شايلىقتىرۋ، ادال جۇرەگىم جاڭا ۇرپاقتارعا جول اشادى ـــ يۇي چاڭجۇن

    كەلۋ قاينارى: شينجياڭ حالىق راديو ىستانسياسى    2018-06-06 17:58:40  

يۇي چاڭجۇن ـــ 1907-جىلى دۇنيەگە كەلگەن، انحۇي ولكەسىنىڭ نانليڭ اۋدانىنان. 1923-جىلى شاڭحاي نانياڭ ورتا مەكتەبىندە وقيدى. 18 جاسىندا شاڭحاي ۋنيۆەرسيتەتىنىڭ قوعام فاكلتوتىنا ءتۇسىپ وقيدى. وسى كەزدە سول مەكتەپتە وقىتۋشى بولىپ قىزمەت ىستەيتىن كوممۋنيستەر: دىڭ جۇڭشيا، چۋ چيۋبايلاردىڭ ىقپالىنا ۇشىراپ، ماركسيزم مەن كوممۋنيستىك مۇراتتى قابىلدايدى. 1925-جىلى كۇزدە، يۇي چاڭجۇن شاڭحايدا جۇڭگو كوممۋنيستىك جاستار وداعىنا، 1926-جىلى جۇڭگو كوممۋنيستىك پارتياسىنا مۇشە بولادى.
1926-جىلى 8-ايدا، يۇي چاڭجۇن پارتيا ۇيىمنىڭ ۇيعارىمى بويىنشا، انحۇي ولكەسىنىڭ نانليڭ اۋدانىنا بارىپ، پارتيا ۇيىمىن قۇرۋ قىزمەتىن ورىستەتىپ، ديحاندار قوزعالىسىن باستايدى. 1927-جىلى كوكتەمدە، يۇي چاڭجۇن ج ك پ ۋحۋ ەرەكشە ياچەيكاسىنىڭ شۋجيى مىندەتىنە تاعايىندالدى، اتا مەكەنى شيەجياباعا قايتىپ بارىپ، شيەجيابا پارتيا گرۋپپاسىن قۇرىپ، بۇقارا اراسىندا پارتيا مۇشەلەرىن دامىتىپ، پارتيا ياچەيكاسىن قۇردى.
زور توڭكەرىس ساتسىزدىككە ۇشىراعاننان كەيىن، يۇي چاڭجۇن ۋحۋ وڭىرىندە استىرىن شايقاس جاساپ، «ءشول اپتالىعى» گازەتىن شىعارىپ، ماركسيزمدى ۇگىتتەدى. 1928-جىلى 1-ايدا، يۇي چاڭجۇنداردىڭ باسشىلىعىندا، نان-ۋ شەكارا ءوڭىرى سۆوەت ۇكىمەتى شيەجيابادا قۇرىلدى. ىلە-شالا يۇي چاڭجۇن باسشىلىق ەتىپ جۇرگىزگەن نان-ۋ شەكارا ءوڭىر ديحاندار قارۋلى كوتەرىلىسى تۋىلدى. 1928-جىلى 11-ايدىڭ 22-كۇنى كەشتە، ساتقىنداردىڭ قاستاندىعى سالدارىنان تۇرمەگە جابىلادى. 1928-جىلى 12-ايدىڭ 16-كۇنى، جياڭ جيەشىنىڭ تىكەلەي بۇيىرعى بويىنشا، گومينداڭ اسكەرلەرى مەن ساقشىلارى يۇي چاڭجۇندى ءانچيڭ سولتۇستىك قاقپاسىنىڭ سىرتىنداعى جازا الاڭىنا الىپ بارادى. قۇربان بولعان كەزدە ول نەبارى 21 جاستا عانا بولاتىن. كەيىن سەرىكتەرى تۇرمەدەن شىققان كەزدە، ونىڭ قارىنداشپەن جازىپ كەتكەن: «مەن ولسەم ولەيىن، اۋىلداستار الاڭسىز بولسىن»، «قىزىققانىم جاۋدىڭ جۇرەگىن شايلىقتىرۋ، ادال جۇرەگىم جاڭا ۇرپاقتارعا جول اشادى» دەگەن ەكى جول ولەڭ وسيەتىن الىپ شىعادى.


بەرىپ كەت ورامالىڭدى

دوستار

الىستاعى اق ەركە