جاڭا حابارلار

سانجى وبىلىسى اۋىل-قىستاق جەر ءتۇزىمى رەفورماسىن تەرەڭدەتىپ، ارناۋلى كوپەراتيۆ قۇرۋ ارقىلى اۋىل شارۋاشىلىعىنان مول ءونىم الىپ، ديحانداردىڭ كىرىسىن ارتتىرۋدى جەبەدى

    كەلۋ قاينارى: شينجياڭ حالىق راديو ىستانسياسى    2018-06-06 18:01:31  
ستانسيامىزدىڭ ءتىلشىسى جيڭ لەي مەن سانجى راديو ستانسياسىنىڭ ءتىلشىسى جۋ ليجۇننىڭ حابارى: سانجى وبىلىسىنىڭ جەر-جەرى كوزقاراسقا بۇرىلىس جاساپ، اۋىل شارۋاشىلىعى ارناۋلى سەلبەستىك كوپەراتۆتەرىن ۇزدىكسىز كەمەلدەندىرىپ، ونى ءار ۇلت ەگىنشى-مالشىلارىنىڭ كىرىستى ارتتىرىپ بايۋ جولىنا قادام تاستاۋىنىڭ كومەكشىسىنە اينالدىردى.
اتىز باسىندا ەگىس داقىلىن باسقارۋدىڭ قاربالاس كەزىندە، قۇتىبي اۋدانى دافىڭ قالاشىعى حۇڭليۋتاڭ قىستاعىنىڭ تۇرعىنى لي زايحۇي كەرىسىنشە موينى بوساپ قالدى، ءتىپتى جاڭا اۆتوكولىك اۋىستىرماق بولدى، ول بىلاي دەدى: «سوڭعى ەكى جىلدا ارناۋلى كوپەراتيۆتىڭ ارقاسىندا اقشا تاۋىپ، تۇرمىس ساپامىز جوعارىلادى. قازىر اتىزداعى قاقپاقشالاردىڭ بارلىعى ەلەكتر ماگنيتتى قاقپاقشا، اتىز باسىنا بارىپ جۇرمەيمىز، قولتەلەفونداعى جۇمساق بولشەك تەتىگىن تۇرتسەك عانا بولعانى، مىنە بۇل وسىزامانعى اۋىل شارۋاشىلىعىنىڭ كەرەمەتى، بۇرىنعىمەن سالستىرعاندا، اۋىرەشىلىك جوق دەسەك بولادى».
2013-جىلدان باستاپ، قۇتىبي اۋدانى دافىڭ قالاشىعى حۇڭليۋتاڭ قىستاعىنداعى ديحاندار كوپەراتيۆكە ارت-ارتىنان كىردى، وتكەن جىلى قىستاق تۇرعىندارىنىڭ جەردەن العان ۇلەسىنەن كىرگەن كىرىسى 10 مىڭ يۋاننان اسىپ، باسىم كوپ ساندىسى تاعى ەگىس جۇمىسىنان ازات بولىپ، تاسىمالمەن، اسحانا اشۋمەن شۇعىلداندى، 5 جىل ىشىندە وسى قىستاق شينجياڭدا نەداۋىر اتى بار اۋقاتتى قىستاققا اينالدى.
بىرنەشە جىلدىڭ الدىندا، ديحاندار ارناۋلى كوپەراتيۆى تاڭسىق ەدى، بۇگىنگى كۇنى، جوقتان بارعا اينالدى، قازىر سانجى وبلىسىنداعى ۇلكەندى-كىشىلى ارناۋلى كوپەراتيۆ 2 مىڭنان اسىپ، جەردى وتكەرمەلەۋ، شوعىرلى تيجارات جۇرگىزۋ، كىرىستى ارتتىرىپ، اۋقاتتاندىرۋ جاعىندا وراسان زور رول اتقارىپ كەلەدى.
ماناس اۋدانى لوتۋ-ي قالاشىعىنىڭ لىيۋان كوپەراتيۆى 10 مىڭ مۋ جەردەگى ماقتا اتىزىندا «6 نى ءبىرتۇتاس جۇرگىزۋ» ۇلگىسىن جۇزەگە اسىرىپ، وتكەن جىلى اۋماقتى كولەمدە ەگىلگەن ماقتانىڭ مۋ باسىنان 500 كيلوگرام جوعارى ءونىم الىپ، جاقسى ناتيجەگە قول جەتكىزدى. كوپەراتيۆتىڭ باس جوراسى جاڭ شۋەلي بىلاي دەدى: «ماقتانى بۇكىلدەي ولشەم بويىنشا ەكتىك، مايسانى سۇيىلتىپ جۇرمەدىك، اتىز باسىندا باسقارۋدا ۇشقىشسىز ايروپلاننان پايدالاندىق، سوڭىندا ماقتانى ارناۋلى ماقتا تەرۋ ماشيناسىمەن تەردىك، باسىنان-اياعىنا دەيىن جۇمىس تۇگەلدەي ماشينامەن ىستەلدى. بۇرىن 11 مىڭ مۋ اتىزدا از دەگەندە 300 دە 400 ادام ىستەيتىن، ال قازىر 15 ادام جەتىسەدى، مىنە بۇل رەفورمانىڭ بىزگە اكەلگەن تيىمدىلىگى».
سانجى وبىلىستىق اۋىل شارۋاشىلىق مەكەمەسىنىڭ باستىعى لياڭ جيان، پارتيا 19-قۇرىلتايى بايانداماسىندا، اۋىل-قىستاقتى كوركەيتۋ ستراتەگياسىن اتقارىپ، رەفورمانى ۇزدىكسىز تەرەڭدەتۋ العا قويىلعانىن، ارناۋلى كوپەراتيۆتىڭ كىرىستى ارتتىرۋدا اناعۇرلىم كوپ جۇمىستاردى ىستەيتىنىن ايتا كەلىپ بىلاي دەدى: «ءبىز بۇدان كەيىن تاعى سەرىكتەستىك پەن ديحان وتباسى، ديحان وتباسى مەن بازا بىرلەسۋ، ديحاندار وزدەرى ۇيىمداسىپ بىرلەسۋ، تيجاراتپەن شۇعىلدانۋشىلار جەتەكشى بولۋ، عىلىم-تەحنيكا قىزمەتكەرلەرى كاسىپ اشۋدى جەبەۋ، جەر جاعىندا قىزمەت وتەپ سەلبەسۋ سياقتى الۋان ءتۇرلى فورماداعى جەردى وتكەرمەلەۋ ۇلگىسىن بەلسەنە زەرتتەپ، ءبىر اۋىل دا ءبىر كاسىپ، ءبىر قىستاقتا ءبىر ءونىم بولۋ سىندى ەرەكشە كاسىپ ۇلگىسن قۇلشىنا قۇرىپ، اۋىل شارۋاشىلىعىنىڭ كاسىپ سالالانۋ دەڭگەيىن جوعارىلاتىپ، كولەمدەندىرىپ، قۇدىرەتتەندىرەمىز».

بەرىپ كەت ورامالىڭدى

دوستار

الىستاعى اق ەركە