جاڭا حابارلار

قابىرعادان قان كەشىپ، ادىلەت جولىندا باسىن ءباي تىككەن ــــ ۋاڭ شياۋشي

    كەلۋ قاينارى: شينجياڭ حالىق راديو ىستانسياسى    2018-06-07 11:37:50  

ۋاڭ شياۋشي، جاناما اتى سۇي-ۋ، 1903-جىلى گانسۋ ولكەسى نيڭشيان اۋدانىنىڭ تايچاڭ قالاشىعىنداعى ديحان وتباسىندا دۇنيەگە كەلىپ، 1924-جىلى مەملەكەتتىك باتىس سولتۇستىك داشۋەسىنە ەمتيحان بەرىپ وتەدى.
1925-جىلى شاڭحايدا «30-مامىر قاندى وقيعاسى» تۋىلعاننان كەيىن، ۋاڭ شياۋشي مەكتەپ پارتيا ۇيىمىنىڭ باسشىلىعىندا، « شاڭحاي قاندى وقيعاسىنا قاتىستى كومەك بەرۋ كوميسسياسىن»، «ۇلى بريتانيا مەن جاپونيانىڭ باۋىرلاستاردى قىرعىنداۋىنا قارسى تۇرىپ كەك قايتارۋ قوعامىن» ۇيىمداستىرىپ، شانشي ولكەسىنىڭ اسكەري قولباسشىسى ۋ شينتياننىڭ كەرتارتپا ۇستەمدىگىنە قارسى تۇرۋ جانە «30-مامىر» قوزعالىسىن قولداۋ كۇرەسىنە بەلسەنە اتسالىستى. وسىدان كەيىن ۋاڭ شياۋشي جۇڭگو كوممۋنيستىك پارتياسىنا مۇشە بولدى.
1925-جىلى جازدا، ۋاڭ شياۋشي جازدىق دەمالىستا تۋعان جەرى نيڭشيان اۋدانىنىڭ تايچاڭ قالاشىعىنا قايتىپ بارىپ، رىن ديڭچاڭ، ۋاڭ شياۋشى سياقتىلارمەن بىرگە العاباسار جاستار ۇيىمى ـــ تايچاڭ جاستار قوعامىن ۇيىمداستىرىپ قۇردى.
1927-جىلى 3-ايدا، فىڭ يۇيشياڭ اسكەري بولىمىندە قىزمەت ىستەيتىن جۇڭگو كوممۋنيستىك پارتياسى ۇيىمىنىڭ جاۋاپتىسى ليۋ بوجيان، دىڭ شياۋپيڭ سياقتىلار ۋاڭ شياۋشيدى گومينداڭ پارتياسى ورتالىق كوميتەتى ارناۋلى ۋاكىلى سالاۋاتىمەن، حۋ تيڭجىن سياقتى وزگە 3 كوممۋنيستىك پارتيا مۇشەسىمەن بىرگە لانجوۋعا بارىپ قىزمەت ىستەۋگە كورسەتتى. جۇڭگو كوممۋنيستىك پارتياسى لانجوۋ ەرەكشە ياچەيكاسىن قۇرىپ، بۇقاراعا جاڭا دەموكراتيالىق يدەيانى ۇگىتتەدى.
1927-جىلى ۇلى توڭكەرىس ساتسىزدىككە ۇشىراعاننان كەيىن، جۇڭگو كوممۋنيستىك پارتياسىنىڭ باتىس سولتۇستىكتەگى جەرگىلىكتى پارتيا ۇيىمى اۋىر سوققىعا ۇشىراپ، توڭكەرىستىك قيمىل تولقىنى باسەيدى. ۋاڭ شياۋشي تۋعان جەرى نيڭشيان اۋدانىنا قايتىپ بارىپ قىزمەت ىستەدى، ءارى رىن ديڭچاڭ، ۋاڭ شياۋشى سياقتى كوممۋنيستەرمەن بىرگە نيڭشيان اۋدانىنداعى تايچاڭدا جۇڭگو كوممۋنيستىك پارتياسىنىڭ بيننيڭ ياچەيكاسىن قۇرىپ، العاباسار يدەيانى ۇگىتتەپ، توڭكەرىستىك قيمىلداردى ۇيىمداستىرىپ، گانسۋدىڭ شىعىسىنداعى ءبىر توپ جاستىڭ تاربيەلەنىپ شىڭدالۋىنا مۇمكىندىك جاسادى.
پارتيانىڭ «7-تامىز» ماجىلىسىنەن كەيىن، ۋاڭ شياۋشي پارتيا ۇيىمىنىڭ تالابى بويىنشا، ەمشىلىك ىستەۋمەن ءوزىن جاسىرىپ، شانشي مەن گانسۋدىڭ شەكارالاسقان ون نەشە اۋدانىنداعى اۋىل-قىستاقتا تەكسەرۋ جۇرگىزدى، ءارى «جۇڭگو ماسەلەسىن شەشۋدىڭ جوباسى»، « اۋىل-قسىتاقتاردى تەكسەرۋ جانە اۋىل-قىستاق تابىنا تالداۋ جاساۋ» سياقتى ماقالالاردى جازىپ، اۋىل-قىستاقتارداعى قارۋلى كۇرەستىڭ جولىن زەرتتەي باستادى. 1928-جىلى 5-ايدا، ۋاڭ شياۋشي نيڭشيان اۋدانى ياچەيكاسىنداعى جولداستارعا باسشىلىق ەتىپ شانشيدىڭ بينشيانىندا جۇمسشىلار قوزعالىسىن ورىستەتتى، ءارى شانشيداعى شۇن-ي كوتەرىلىسىن جوسپارلاپ باستادى. كوتەرىلىس ساتسىزدىككە ۇشىراعاننان كەيىن، ۋاڭ شياۋشي وزگە جولداستارىمەن بىرگە قايتالاي نيڭشيان اۋدانىنا قايتىپ، ديحان قارۋلىلارىن ۇيىمداستىرىپ جالعاستى كۇرەس جاسادى.
1928-جىلى 11-ايدىڭ 26-كۇنى، ۋاڭ شياۋشي تۇتقىندالىپ تۇرمەگە جابىلدى. سول جىلى 12-ايدىڭ 30-كۇنى جاۋ كۇشتەرى ۋاڭ شياۋشيدى جازا الاڭىنا ايداپ اپاردى، ول قۇربان بولعان كەزىندە نەبارى 25 جاستا ەدى.


بەرىپ كەت ورامالىڭدى

دوستار

الىستاعى اق ەركە