جاڭا حابارلار

ماڭگىلىك جيڭگاڭشان قاھارمانى، ەڭبەگى ەگەي ارداگەر ــــ جيڭگاڭشان كەزىندەگى ايگىلى اسكەري ىستەر قولباسشىسى حى تيڭيىڭ

    كەلۋ قاينارى: شينجياڭ حالىق راديو ىستانسياسى    2018-06-08 11:33:39  
حى تيڭيىڭ، 1905-جىلى 5-ايدا شانشيدىڭ ناجىڭىندا دۇنيەگە كەلگەن. 1925-جىلى 5-ايدا «30-مامىر» قوزعالىسىنا قاتىناسقان، 6-ايدا جۇڭگو كوممۋنيستىك پارتياسىنىڭ جاستار وداعىنا مۇشە بولعان. سول جىلى قىستا حى تيڭيىڭ جۇڭگو كوممۋنيستىك پارتياسىنا مۇشە بولادى.
1927-جىلى 9-ايدا، حى تيڭيىڭ حۋنان مەن جياڭشيدىڭ شەكاراسىنداعى كۇزگى جيىن-تەرىن كوتەرىلىسىنە قاتىناسىپ، جۇمىسشى ديقان توڭكەرىستىك ارمياسى ءبىرىنشى تۋان ءبىرىنشى ليانىنىڭ پارتيا ۋاكىلىنە تاعايىندالادى، 9-ايدىڭ 29-كۇنى سانۋانداعى قايتا قۇرۋ بارىسىندا 1-تۋان 3-يىڭنىڭ پارتيا ۋاكىلىنە تاعايىندالىپ، اسكەري بولىممەن بىرگە جيڭگاڭشانعا جورىق جاسايدى. سول جىلى 12-ايدا، حى تيڭيىڭ 1-تۋاننىڭ پارتيا ۋاكىلىنە تاعايىندالادى، سودان باستاپ، ماۋ زىدۇڭنىڭ تىكەلەي باسشىلىعىندا جيڭگاڭشان توڭكەرىستىك بازاسىن قۇرۋ كۇرەسىنە قاتىناسادى. 1928-جىلى 4-ايدا، جۋ دى مەن ماۋ زىدۇڭنىڭ باسشىلىعىنداعى ەكى توڭكەرىستىك قارۋلى قوسىن جيڭگاڭشاندا جەڭىسپەن كەزدەسىپ، جۇڭگو جۇمىسشى-ديقان توڭكەرىستىك ارمياسى 4-ارمياسىن قۇرادى، بۇعان 4 تۋان تاۋەلدى بولىپ، حى تيڭيىڭ 31-تۋاننىڭ پارتيا ۋاكىلى بولادى. ماۋ زىدۇڭ مەن جۋ دىنىڭ باسشىلىعىندا حى تيڭيىڭ اسكەري ءبولىمدى باستاپ لۇڭيۋانكۋعا شابۋىلداۋ، يۇڭشين جاڭا قالاسىن قورشاۋعا الۋ سياقتى سوعىستارعا قاتىناسادى.
1928-جىلى 8-ايدا، ايگىلى حۋاڭياڭ شەكاراسىن قورعاۋ سوعىسىندا، حى تيڭيىڭ مەن تۋان باستىعى جۋ يۇنچيڭ ءبىر يىڭگە جەتپەيتىن اسكەر كۇشىنە قولباسشىلىق ەتىپ، بۇقارانىڭ سايكەسۋىندە، قيىن جەردى بەكىنىس ەتىپ قارسىلىق كورسەتىپ، حۋنان مەن جياڭشيداعى گومينداڭ ارمياسى 4-تۋانىنىڭ قايتا-قايتا جاساعان شابۋىلىن تالقانداپ، حۋاڭياڭ شەكاراسىن قورعاۋ سوعىسىنىڭ جەڭىسىنە جەتىپ، جيڭگاڭشان توڭكەرىستىك بازاسىن ساقتاپ قالادى.
1929-جىلى 1-ايدىڭ 14-كۇنى، حى تيڭيىڭ ماۋ زىڭدۇڭ، جۋ دى، چىن-يلارعا ىلەسىپ جۇمىسشى-ديقان توڭكەرىستىك ارمياسى 4-ارمياسىنىڭ نەگىزگى كۇشىن باستاپ جيڭگاڭشاننان كەتىپ، جياڭشيدىڭ وڭتۇستىگى مەن فۋجياننىڭ باتىسىنا بارىپ، جاڭا بازا قۇرادى. 1-ايدىڭ سوڭعى شەنىندە حى تيڭيىڭ جياڭشيدىڭ دايۇي اۋدانىنداعى شايقاستا اۋىر جارالانىپ، باسقا جەرگە اكەتىپ بارا جاتقان جولداجاۋدىڭ شابۋىلىنا تاعى ۇشىراپ، باقىتقا قارسى قازا بولادى، ول سول جىلى نە بارى 24 جاستا ەدى.

بەرىپ كەت ورامالىڭدى

دوستار

الىستاعى اق ەركە