جاڭا حابارلار

سانجى وبلىسى جاڭا دامۋ تانىمىنا تاباندى بولىپ، كاسىپتىڭ جوعارى ساپالى دامۋىن ىلگەرلەتتى

    كەلۋ قاينارى: شينجياڭ حالىق راديو ىستانسياسى    2018-06-09 10:03:11  

جاۋ شينگاڭ تىلشىگە سەرىكتىكتىڭ ونىمدەرىن تانىستىرۋدا

ستانسيامىزدىڭ ءتىلشىسى جيڭ لەي مەن سانجى راديو ستانسياسىنىڭ ءتىلشىسى جۋ ليجۇننىڭ حابارى: باس شۋجي شي جينپيڭ پارتيا 19-قۇرىلتايىنىڭ بايانداماسىندا: دامۋ ــ ەلىمىزدەگى بارلىق ماسەلەنى شەشەتىن نەگىز جانە ءتۇيىن، دامۋدا، ءسوزجوق، عىلمي دامۋ ءتيىس، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، تەڭ يگىلىكتەنە دامۋ سىندى دامۋ تانىمىن دايەكتىلەندىرۋدەن جازباۋ كەرەك،-دەپ اتاپ كورسەتكەن بولاتىن. سانجى وبلىسى وسىنى جەتەكشى ەتىپ، جاڭا دامۋ تانىمىنا تاباندى بولىپ، كاسىپتىڭ جوعارى ساپالى دامۋىن جەبەدى.
مەملەكەت دارەجەلى شىعىس جۇڭعار ەكونوميكالىق، تەحنيكالىق اشۋ رايونىندا، شايۋان جاڭاشا قۇرىلىس ماتەريالدەرى شەكتى جارنا سەرىكتەستىگىنىڭ باس مەڭگەرۋشىسى جاۋ شينگاڭ قاريدارلارعا جاراقسىز زاتتاردى كادەگە جاراتۋ جاعىنداعى جاڭا ونىمدەردى تانىستىردى: باستاپقى ءونىم كاسىپورىندارى وندىرگەن جاراقسىز كومىر كۇلىنەن ءبىر جىلدا 150 مىڭ توننا جاڭاشا قۇرىلىس ماتەريالدارىن وندىرۋگە بولادى. ءارقايسى ءىرى ەلەكتر ستانسيالارىنان شىققان جاراقسىز كۇلدەر مەن قوقسىقتاردان قۇرىلىس ماتەريالدارىن وندىرەمىز، بۇرىن قىزىل كەرپىش داۋالىنىڭ ەكى جاعىنا اك جاعىپ تەگىستەيتىنبىز، قازىرگى ماتەريالىمىزدى پايدالانساق تەگىستىك دارەجەسى نەداۋىر جاقسى بولادى دا، اك جاقپاي توتە زاماسكى جاعۋعا بولادى، بۇل ءادىس شينجياڭداعى بوستىقتى تولتىردى.
كومىر كۇلىنەن ساباق ۇستەلىن جاساۋعا بولادى، كوكىس ايىرۋ زاۆوتى وندىرگەن كومىر گازىنەن كۇكىرتسىزدەنگەن قىشقىل جاساپ توك تاراتادى، بۇرىن شىعارىلعان كوكىس گازىنەن پايدالانىپ، تومەنگى ۋرەا كاسىپورنى شيكزات وندىرەتىن. بىلتىردان باستاپ، مەملەكەت دارەجەلى شىعىس جۇڭعار ەكونوميكالىق، تەحنيكالىق اشۋ رايونى باقشا وڭىرىندەگى كاسىپورىنداردى لايىقتى ورنالاستىرىپ، كوپتەگەن كاسىپورىندى شىعارىپ، كاسىپتەر ارا دەربەس تۇيىقتامالى ءوزارا توعىسقان قۇراما اينالىمدى كاسىپ تىزبەگىن جارىققا شىعاردى. شينجياڭ گوتاي شينحۋا كەن كاسىبى شەكتى جارنا سەرىكتەستىگى وسىدان يگىلىكتەنۋشى كاسىپورىنداردىڭ ءبىرى، كاسىپورىننىڭ ءوندىرىس تەحنيكا ءبولىمىنىڭ باستىعى جاۋ جيلۇڭ بىلاي دەدى: «كاسىپورنىمىز كومىردى شيكزات ەتەدى، بارلىق ءونىمدى اينالمالى پايدالانامىز، بيىل ءونىم مولشەرى 150 مىڭ تونناعا، ءونىم قۇنىنىڭ ءبىر ميلليارد 700 ميلليون يۋان دا ءبىر ميلليارد 800 ميلليون يۋانعا جەتەتىندىگى مەجەلەنىپ وتىر، سوڭعى ءونىم وندىرىسكە قوسىلسا، 2 ميلليارد تونناعا، كەلەر جىلعى ءونىم قۇنىنىڭ 3 ميلليارد يۋانعا جەتۋىنەن ءۇمىت زور. شينجياڭ ەنەرگيا بولسىن، ءارقايسى جاقتاردان ىشكى ولكەگە قاراعاندا الدا تۇرادى».

شينجياڭ جينشين بيولوگيالىق عىلىم-تەحنيكا سەرىكتەستىگى بىرنەشە جىلدىڭ الىندا مەملەكەت دارەجەلى سانجى جوعارى، جاڭا تەحنيكالى كاسىپ اشۋ رايونىندا ىرگە تەپكەننەن كەيىن، باستاپتا ماقتا مايىن وندىرۋدەن تارتىپ بيولوگيالىق ءدارى جاساۋعا دەيىن ۇزبەي جاڭالىق جاساپ، دەڭگەيىن جوعارىلاتتى. سەرىكتەستىكتىڭ باس مەڭگەرۋشىسى لي شياۋحۇڭ بىلاي دەدى: ءونىم قۇنى نەشە 10 ميلليون يۋانعا جەتەدى، بيىل ءونىم قۇنى 800 ميلليون يۋانعا جەتىپ، كاسىپ كولەمىنىڭ ۇزدىكسىز كەڭەيۋىنەن ءۇمىت زور. الدا ورتا، باتىس ازيانىڭ ەكونوميكا دالىزىمەن سەلبەسىپ سىرتقا شىعارۋدى جوسپارلادىق.
بيىل جىل باسىنان بەرى، سانجى وبلىسى جاڭالىق اشۋ سيپاتتى جاڭادان وركەندەگەن كاسىپ شوعىرىن، وڭىرلىك ەرەكشەلىكتى جاڭالىق اشۋ تەكشە جۇيەسىن، كاسىپتى جەبەپ باسقاعا اينالدىرۋ جۇيەسىن جارىققا شىعارىپ، سەلبەسىپ جاڭالىق اشۋ تەكشەسىن اشۋدى نەگىزگى باعدار ەتتى، جوعارى، جاڭا تەحنيكالى كاسىپتەر، كومىر ەلەكتر، كومىر حيميا ونەركاسىپ كاسىبى، عىلىم-تەحنيكالىق فينانىس كاسىبى نەداۋىر تەز دامىدى. سانجى جوعارى، جاڭا تەحنيكا رايونى پارتيا قىزمەتى كوميتەتىنىڭ شۋجيى جاۋ شياۋۋي بىلاي دەدى: الدا، ابىزال كاسىپ قۇرىلىمىن جالعاستى رەتتەپ، دامۋدى اقاۋسىزداندىرامىز، ماڭىزدى فاكتوردى، كاسىپتى شوعىرلاندىرىپ، رايون-قالاشىقتى ءبىر تۇلعالاندىرامىز جانە كاسىپ پەن بازاردى توعىستىرا دامىتامىز، تابيعات پەن قالا ءبىرىن-ءبىرى جەبەيتىن، كاسىپ پەن تۇرار جاي تەپە-تەڭ بولاتىن، ەكولوگيانى جاقسارتۋدا جانە باقشا رايونىن اشۋدا تەڭ يگىلىككە كەنەلەتىن باقىتتى جاڭا قالا قۇرامىز.


بەرىپ كەت ورامالىڭدى

دوستار

الىستاعى اق ەركە