جاڭا حابارلار

شي جينپيڭ قازاقستاننىڭ زۇڭتۇڭى نۇرسۇلتان نازاربايەۆپەن كەڭەس وتكىزدى

    كەلۋ قاينارى: شينجياڭ گازەتى    2018-06-09 15:20:53  

ەكى ەل باسشىلارى ۇلتتىڭ گۇلدەنۋى ساپارىندا قول ۇستاسا العا ىلگەرىلەۋدى ءبىر اۋىزدان  ۇيعاردى

 شينحۋا اگەنتتىگىنىڭ 6 - ايدىڭ 7 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 6 - ايدىڭ 7 - كۇنى حالىق سارايىندا قازاقستاننىڭ زۇڭتۇڭى نۇرسۇلتان نازاربايەۆپەن كەڭەس وتكىزدى. ەكى ەل باسشىلارى جۇڭگو مەن قازاقستاننىڭ ءداستۇرلى دوستىعىن نىعايتىپ، ۇلتتىڭ گۇلدەنۋى ساپارىندا قول ۇستاسا العا ىلگەرىلەۋدى ءبىر اۋىزدان ۇيعاردى.
  شي جينپيڭ بىلاي دەپ اتاپ كورسەتتى: قازاقستان − جۇڭگونىڭ ماڭىزدى كورشىسى ءارى ىقپالدى وڭىرلىك ءىرى ەل. جۇڭگو - قازاقستان قاتىناسى كورشى ەلدەر اراسىنداعى دوستىق قاتىناستىڭ ۇلگىسىنە اينالىپ وتىر. جۇڭگو قازاقستانمەن ادامزاتتىڭ تاعدىرلاس ورتاق تۇلعاسىن قۇرۋ جولىندا العا قاراي بىرگە ىلگەرىلەپ، ادامزاتتىڭ ءتىپتى نۇرلى بولاشاعىن اشۋعا اقىل - پاراسات پەن كۇش - قۋاتتى توپتاۋدى قالايدى.
  جۇڭگو مەن قازاقستاننىڭ دوستىعى سىندى الىپ كەمەنىڭ رولىن وزىڭىزبەن بىرگە ۇستاۋدى قالايمىن.
  شي جينپيڭ بىلاي دەپ باسا دارىپتەدى: جۇڭگو ارمانى مەن قازاقستان ارمانى حالىقتى وزەك ەتكەن دامۋ ۇستانىمىن، سونداي - اق كوركەم بولاشاققا دەگەن تالپىنىستارىمىزدى ايگىلەدى. جۇڭگو مەن قازاقستان قول ۇستاسا العا ىلگەرىلەپ، ءوزارا دەم بەرىپ، ءبىر - ءبىرىنىڭ كوركىن اسىرۋى كەرەك. جۇڭگو قازاقستاننىڭ ىشكى - سىرتقى ساياساتتارىن بۇرىنعىداي باتىل قولداپ، قازاقستانمەن «ءۇش ءتۇرلى كۇشكە» سوققى بەرۋ سياقتى جاقتارداعى ىنتىماقتاستىقتى تەرەڭدەتىپ، حالىقارالىق جانە وڭىرلىك ىستەردەگى قارىم - قاتىناس پەن سايكەستىكتى نىعايتۋدى قالايدى.
  شي جينپيڭ مىنالاردى اتاپ كورسەتتى: 5 جىلدىڭ الدىندا قازاقستاندا تۇڭعىش رەت ساپاردا بولعانىمدا، زۇڭتۇڭ مىرزانىڭ سەرىك بولۋىمەن، نازاربايەۆ داشۋەسىندە جىبەك جولى ەكونوميكالىق بەلدەۋى دارىپتەمەسىن العاش رەت العا قويعان ەدىم. 5 جىلدان بەرى، «ءبىر بەلدەۋ، ءبىر جول» دارىپتەمەسى حالىقارالىق قوعامنان بەلسەندى ۇندەۋ تاپتى. «ءبىر بەلدەۋ، ءبىر جول» دارىپتەمەسىنىڭ بەلسەندى جەتىستىكتەرگە قول جەتكىزۋىندەگى كىلت − دۇنيە ءجۇزىنىڭ بەيبىتشىلىك پەن دامۋ اعىمىنا سايكەسىپ، جەلى بويىنداعى ەلدەردىڭ دامۋ ىنتىماقتاستىعىنىڭ رەال قاجەتىنە ۇيلەسكەندىگى. «ءبىر بەلدەۋ، ءبىر جول» دارىپتەمەسى ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ ماڭىزدى امالياتىنا اينالىپ وتىر. جۇڭگو مەن قازاقستان 5 جىلدان بەرى «ءبىر بەلدەۋ، ءبىر جولدى» بىرگە قۇرۋ توڭىرەگىندەگى ىنتىماقتاستىعى تەرەڭ توعىسۋ، ءوزارا جەبەۋ سىندى جاڭا كەزەڭگە قادام قويدى. تاراپتار ساياساتتاردى سايكەستىرۋ سەرپىنىن ارتتىرىپ، جىبەك جولى ەكونوميكالىق بەلدەۋى قۇرىلىسىن «نۇرلى جول» جاڭا ەكونوميكالىق ساياساتىمەن ءتۇيىلىستىرۋ ىنتىماقتاستىعى جوباسىن ويداعىداي تياناقتاندىرىپ، وندىرىستىك قۋات، قارجى قوسۋ، ەكونوميكا - ساۋدا، ەنەرگيا، فينانس، ءوزارا بايلانىس قۇرىلىسى، اۋىل شارۋاشىلىعى، جاڭالىق اشۋ ىنتىماقتاستىعىن ىلگەرىلەتىپ، گۋمانيتارلىق ىنتىماقتاستىقتىڭ جاڭا جاعدايىن اشتى. جۇڭگو قازاقستانمەن سايكەسۋدى كۇشەيتىپ، شاڭحاي ىنتىماقتاستىق ۇيىمىنىڭ ءار سالاداعى ىنتىماقتاستىعىنىڭ ۇزبەي تىڭ ساتىعا كوتەرىلە بەرۋىن ىلگەرىلەتىپ، ازياداعى ءوزارا ءىس - قيمىل جانە سەنىم شارالارى جونىندەگى كەڭەستىڭ جالپىلىق ىنتىماقتاستىق دەڭگەيىن ۇزدىكسىز ءوسىرىپ، ونىڭ ءوڭىردىڭ حاۋىپسىزدىك جانە دامۋ قاجەتىنە ءتىپتى جاقسى قىزمەت ەتۋىنە مۇمكىندىك جاساۋى كەرەك.
  نۇرسۇلتان نازاربايەۆ مىنالاردى ءبىلدىردى: جۇڭگو − قازاقستاننىڭ دوس كورشىسى جانە ماڭىزدى ىنتىماقتاستىق سەرىگى. قازاقستان قازاقستان مەن جۇڭگونىڭ ءداستۇرلى دوستىعىن توتەنشە قاستەرلەيدى، جۇڭگونىڭ ۇزاق ۋاقىتتان بەرى كۇش سالا قولداپ كەلە جاتقانىنا العىس ايتادى. جۇڭگونىڭ دامۋى قازاقستانعا وراي اكەلدى. قازاقستان جاڭا داۋىردەگى جۇڭگوشا سوتسياليزم ىستەرىن قولدايدى، ونىڭ تابىستى بولۋىنىڭ قازاقستاننىڭ ءوز مۇددەسىنە دە ۇيلەسەتىندىگىنە سەنەدى. قازاقستان ءبىر جۇڭگو ساياساتىنا تاباندى بولىپ، «ءۇش ءتۇرلى كۇشكە» باتىل سوققى بەرەدى، جۇڭگومەن حالىقارالىق ىستەردە ءبىرىن - ءبىرى ۇزدىكسىز قولداپ، شاڭحاي ىنتىماقتاستىق ۇيىمى جانە ازياداعى ءوزارا ءىس - قيمىل جانە سەنىم شارالارى جونىندەگى كەڭەس اياسىندا قارىم - قاتىناس جاساپ، سايكەسۋدى قالايدى. ءتوراعا شي جينپيڭنىڭ 5 جىلدىڭ الدىندا قازاقستاندا العاش رەت العا قويعان جىبەك جولى ەكونوميكالىق بەلدەۋى دارىپتەمەسى وسى وڭىردەگى ەلدەرگە باقىت اكەلەدى. قازاقستان «نۇرلى جول» جاڭا ەكونوميكالىق ساياساتىنىڭ «ءبىر بەلدەۋ، ءبىر جول» قۇرىلىسىمەن ءتۇيىلىسۋىن كۇشەيتىپ، قازاقستان مەن جۇڭگونىڭ ءار سالاداعى ىنتىماقتاستىعىن تەرەڭدەتۋدى قالايدى.
  كەڭەستەن كەيىن، ەكى ەل باسشىلارى «جۇڭحۋا حالىق رەسپۋبليكاسى مەن قازاقستان رەسپۋبليكاسىنىڭ بىرلەسكەن مالىمدەمەسىنە» بىرگە قول قويدى ءارى قاتىستى ەكى جاقتى ىنتىماقتاستىق حۇجاتتارىنا قول قويۋ ساتىنە كۋا بولدى.
  قول قويۋ سالتىنان كەيىن ەكى ەل باسشىلارى جۇڭگو مەن قازاقستان العاش بىرلەسىپ تۇسىرگەن «كومپوزيتور» فيلمىنىڭ نەگىزگى ارتيستەرى جانە فيلم قىزمەتكەرلەرىن بىرگە قابىلدادى ءارى فيلمنەن ۇزىندىلەر كوردى. 2013 - جىلى شي جينپيڭ قازاقستاندا ساپاردا بولىپ، نازاربايەۆ داشۋەسىندە لەكسيا سويلەگەندە دۇنيە جۇزىلىك 2 - سوعىس كەزىندە جۇڭگولىق كومپوزيتور شيان شيڭحايدىڭ قازاقستاندىق كومپوزيتور باقىتجان بايقاداموۆپەن جاقىن دوس بولعان اسەرلى اڭگىمەسىن ايتقان ەدى. بۇدان شابىت العان جۇڭگولىق جانە قازاقستاندىق كينوشىلار بىرلەسىپ، «كومپوزيتور» فيلمىن ءتۇسىردى.
  كەڭەستىڭ الدىندا، شي جينپيڭ حالىق سارايىنىڭ شىعىس ەسىگىنىڭ الدىنداعى الاڭدا نۇرسۇلتان نازاربايەۆتى قارسى الۋ سالتىن وتكىزدى. ديڭ شۋەشياڭ، ياڭ جيەچى، ەركىن يمىرباقى، ۋاڭ ي، شيا باۋلۇڭ، حى ليفىڭ كەڭەسكە قاتىناستى.


بەرىپ كەت ورامالىڭدى

دوستار

الىستاعى اق ەركە