جاڭا حابارلار

كوكونىس ەگىپ قۇلشىنىپ، جاڭا تۇرمىس باستادى

    كەلۋ قاينارى: شينجياڭ حالىق راديو ىستانسياسى    2018-06-10 01:32:22  

ستانسيامىزدىڭ ءتىلشىسى سۇن ۋيدىڭ حابارى: يىڭىسار اۋدانى وچا قالاشىعى بورعۇنباس ءمالى قىستاعىندا، ايتحان مۋسا اۋىزعا الىنسا بولعانى، قىستاق تۇرعىندارى تۇگەلدەي باس بارماعىن كورسەتىپ القايدى، ول قۇرىلعى اۋىل شارۋاشىلىعىن دامىتۋعا سۇيەنىپ، كەدەيلىكتەن قۇتىلدى، ءارى اۋىلداستارىن اۋقاتتانۋ جولىنا باستادى.
بىرنەشە كۇننەن بەرى، ايتحان مۋسا وتباسىنىڭ اسجاپىراق اتىزىندا قاربالاس جۇمىس ىستەگەندەردىڭ قاراسى مولايدى. ونىڭ عىلمي باسقارۋىنىڭ ارقاسىندا 10 مۋ جەردەگى اسجاپىراقتان مول ءونىم الىنىپ، ءوتىمى دە جاقسى بولدى. ايتحان مۇسا بىلاي دەدى: «اسجاپىراقتان بيىل مول ءونىم الدىم، قازىر بازارداعى باعاسى دا جاقسى، تازا كىرىس 25 مىڭ تە 30 مىڭ يۋان بولدى».

2015-جىلى ايتحان مۇسا اسجاپىراق ەگە باستادى، وسى ءبىر قاجىرلى ايەل اسجاپىراقتى ەگە ءجۇرىپ تەحنيكا ۇيرەندى، 3 مۋ جەردەگى اس جاپىراقتان جاقسى ءونىم العاننان كەيىن، ول ەلەكترلى موتوسەكيلىمەن اس جاپىراقتى بازارعا اپارىپ ساتتى، ەرتە تۇرىپ، كەش قايتىپ، اسجاپىراعى وتپەي قالعاندا اسحانالاردى ءبىر-بىردەن ارالاپ ساتتى. كۇندەر وتە كەلە، ونىڭ ەككەن اسجاپىراعىنىڭ ساپاسى جاقسى، ونىڭ ۇستىنە ءوزى ادال ءارى سەنىمدى بولعاندىعى سەبەپتى، اسجاپىراعى دا بىرتىندەپ كۇسەت بولا باستادى. كەلەسى جىلى، ايتحان مۇسا تاعى تۋىس-تۋعاندارىنان قارىز اقشا الىپ، اسجاپىراق ەگۋ كولەمىن كەڭەيتتى. ەگىمشىلىك تەحنيكاسىن جەتىك مەڭگەرىپ، ساتىلۋ جولىن ىركىلىسسىزدەندىرگەننەن كەيىن، ايتحان مۇسا ماڭىنداعى قىستاق تۇرعىندارىن اسجاپىراق ەگۋگە باستادى، ءارى ولاردىڭ اسجاپىراقتى ساتۋىنا كومەكتەستى. قىستاق تۇرعىنى ءرامات ۋاسىت بىلاي دەدى: «مەن بيىل ايتحان مۇسا اپەكەمنىڭ جەتەكشىلىگىندە 2 مۋ جەرگە اسجاپىراق ەكتىم، ەككەن اسجاپىراعىمدى ساتا باستادىم، ساتا الماسام ايتحان مۇسا اپەكەمە اپارىپ بەرسەم، ول كىسى كومەكتەسىپ ساتىسادى، مەن وعان ەرەكشە العىسىمدى بىلدىرەمىن».

تاياۋدا، ايتحان مۇسا جەتەكشى بولىپ كوكونىس كوپەراتيۆىن قۇردى، 71 ديقان كوپەراتيۆكە مۇشە بولدى. ايتحان مۇسا بىلاي دەدى: «باس شۋجي شي جينپيڭ، باقىت ءوزى كەلىپ قونبايدى، تاماشا تۇرمىس جاراتىپ، باقىتقا كەنەلۋ ءۇشىن، ءسوز جوق قاجىماي-تالماي قۇلشىنىس جاساۋ كەرەك، ــ دەگەن بولاتىن. بۇدان كەيىن اسجاپىراق ەگۋ كولەمىن جالعاستى كەڭەيتىپ، وتباسى كىرىسىمدى ارتتىرامىن، ماڭىمداعى قىستاق تۇرعىندارىن كوگونىس ەگۋگە باستاپ، ولاردىڭ كوگونىستى جاقسى ەگۋىنە جەتەكشىلىك ەتىپ، ولارمەن بىرگە بايىپ، كەدەيلىكتەن ەرتەرەك قۇتىلۋ ءۇشىن قۇلشىنامىن».


بەرىپ كەت ورامالىڭدى

دوستار

الىستاعى اق ەركە