جاڭا حابارلار

جۇرەكتىلىكپەن اتويلاپ الدا جۇرگەن، جاۋجۇرەك باتىر ـــ ياڭ شىحۇن

    كەلۋ قاينارى: شينجياڭ حالىق راديو ىستانسياسى    2018-06-10 10:38:56  
ياڭ شىحۇن ــ 1902-جىلى 9-ايدا گۋاڭدۇڭ ولكەسى پۋنيڭ قالاسى نانشي قالاشىعى جۇڭتاڭ قىستاعىنداعى جۇڭگوشا شيپاگەر وتباسىندا دۇنيەگە كەلگەن. 1919-جىلى 4-مامىر جاستار قوزعالىسىنىڭ حابارى گۋاڭدۇڭعا جەتكەننەن كەيىن، ياڭ شىحۇن رۇڭجياڭ ورتا مەكتەبىندە وقۋشىلار ۇيىمىن قۇرىپ، وتانشىل وقۋشىلاردى كوشەگە شىعىپ ەرەۋىل وتكىزۋگە باستاپ، بەيجيڭ وقۋشىلارىن جاقتايدى.
1920-جىلى ياڭ شىحۇن گۋاڭجوۋ تەمىرجول ارناۋلى مەكتەبىنە قابىلدانادى. 1923-جىلى 11-ايدان باستاپ، ول ماركسيزم يدەياسىن قابىلدايدى، ءارى گۋاڭجوۋدا سوتسياليستىك جاستار وداعىنا قاتىناسادى. 1924-جىلى جۇڭگو كوممۋنيستىك پارتياسىنا مۇشە بولىپ، توڭكەرىستىك يدەياسىن بارعان سايىن تولىستىرا تۇسەدى.
1925-جىلى 2-ايدا، ياڭ شىحۇن پارتيا ۇيىمىنىڭ ورنالاستىرۋىمەن، چاۋجوۋ، شانتوۋ وڭىرىنە بارىپ، جاستار جانە جۇمىسشى-ديقاندار قوزعالىسىن ورىستەتىپ، پارتيا-وداق ۇيىمىن قۇرىپ، جاستار مەن وقۋشىلاردى جانە جۇمىسشىلاردى باستاپ، توڭكەرىستىك كۇرەس جاسايدى. 1927-جىلى 9-ايدا، نانچاڭ كوتەرىلىسى قوسىنى ىلگەرىندى-كەيىندى چاۋجوۋ مەن شانتوۋعا شەگىنگەندە، ياڭ شىحۇن چاۋجوۋ جانە شانتوۋ وڭىرىندەگى ديقان اسكەرلەردى باستاپ كوتەرىلىسشى قوسىنعا سايكەسىپ، قاماۋدا جاتقان توڭكەرسشىل جولداستاردى قۇتقارادى، ءارى كوتەرىلىسكە باسشىلىق ەتكەن جۋ ىنلاي، يە تيڭ، نيە رۇڭجىنداردى قورعاپ، ولاردى امان-ەسەن شياڭگاڭعا جەتكىزەدى. 1928-جىلدىڭ سوڭىندا، جۇڭگو كوممۋنيستىك پارتياسى ورتالىق كوميتەتىنىڭ جاۋاپتىسى وعان ۋحانعا بارىپ حۋبەي ولكەلىك پارتكومدى قايتا قۇرۋ مىندەتىن جۇكتەدى. ياڭ شىحۇن 1929-جىلى 2-ايدىڭ ورتا شەنىندە ۋحانعا بارىپ، جۇڭگو كوممۋنيستىك پارتياسى حۋبەي ولكەلىك پارتكومنىڭ تۇراقتى مۇشەسى قوسىمشا باس حاتشىسى مىندەتىنە تاعايىندالىپ، بەلسەنە استىرتىن كۇرەس جاسايدى. كۇرەس جاساۋ ورتاسى وتە قاتەرلى بولعاندىقتان، ياڭ شىحۇن ۋحانعا بارىپ ەكى ايدان كەيىن، ياعني 5 ايدىڭ باس شەنىندە باقىتقا قارسى تۇتقىندالدى. ول تۇرمەدە قايسارلىق تانىتىپ، باس يمەگەندىكتەن، نەبارى 27 جاسىندا ەرلىكپەن قۇربان بولادى.

بەرىپ كەت ورامالىڭدى

دوستار

الىستاعى اق ەركە