جاڭا حابارلار

مەملەكەت ءتوراعاسى شي جينپيڭ چيڭداۋدا پاكيستاننىڭ زۇڭتۇڭى قۇسايىنمەن كەزدەستى

    كەلۋ قاينارى: شينجياڭ گازەتى    2018-06-11 19:23:36  
 شينحۋا اگەنتتىگىنىڭ 6 - ايدىڭ 9 - كۇنى چيڭداۋدان بەرگەن حابارى (تىلشىلەر حوۋ ليجۇن، سۋ ۋانميڭ). مەملەكەت ءتوراعاسى شي جينپيڭ 6 - ايدىڭ 9 - كۇنى چيڭداۋدا پاكيستاننىڭ زۇڭتۇڭى قۇسايىنمەن كەزدەستى.
  شي جينپيڭ پاكيستاننىڭ شاڭحاي ىنتىماقتاستىق ۇيىمىنىڭ باسشىلار باس قوسۋىنا تۇڭعىش رەت رەسمي مۇشە رەتىندە قاتىناسقانىنا قۇتتى بولسىن ايتتى. شي جينپيڭ مىنالاردى اتاپ كورسەتتى: سوڭعى جىلدارى، جۇڭگو - پاكيستان قارىم - قاتىناسى جاقسى بەتالىسپەن دامىپ كەلەدى. جۇڭگو مەن پاكيستاننىڭ كەڭ اۋقىمدى ستراتەگيالىق ىنتىماقتاستىعى جۇڭگو مەن پاكيستاننىڭ قىمباتتى بايلىعى عانا ەمەس، جاڭاشا حالىقارالىق قارىم - قاتىناس ورناتۋعا دا ۇلگى كورسەتتى. جۇڭگو جاق جۇڭگو - پاكيستان قارىم - قاتىناسىنا باسا نازار اۋدارادى، پاكيستانمەن جوعارى ساتىلى قارىم - قاتىناس پەن ستراتەگيالىق بايلانىستى نىعايتىپ، ءتۇرلى سالاداعى دوستىق بارىس - كەلىستى كۇشەيتىپ، جۇڭگو - پاكيستان ەكونوميكالىق ءدالىزى قۇرىلىسى جانە «ءبىر بەلدەۋ، ءبىر جول» اياسىندا ەنەرگيا، جول - قاتىناس نەگىزدىك قۇرىلعىلارى سياقتى سالالارداعى ىنتىماقتاستىقتى نىق قاداممەن ىلگەرىلەتىپ، لاڭكەستىككە قارسى حاۋىپسىزدىك ىنتىماقتاستىعىنىڭ دەڭگەيىن كوتەرىپ، ەكى ەل قارىم - قاتىناسىنىڭ دامي ءتۇسۋىن ىلگەرىلەتۋدى قالايدى.
  شي جينپيڭ مىنالاردى باسا دارىپتەدى: جۇڭگو پاكيستاننىڭ مەملەكەت تاۋەلسىزدىگىن، يەلىك ۇقىعىن، تەرريتوريا تۇتاستىعىن قورعاۋىنا ۇزدىكسىز تاباندى قولداۋ كورسەتەدى، پاكيستاننىڭ دامۋ جولىن ءوز ەركىمەن تاڭداۋىنا قولداۋ كورسەتەدى. جۇڭگو پاكيستانمەن بىرگە ءبىر - ءبىرىنىڭ وزەكتى مۇددەسىنە ساياتىن ماسەلەلەردە بۇرىنعىداي ءوزارا تاباندى قولداۋ كورسەتىپ، ەكى مەملەكەتتىڭ، ءتىپتى، دامۋ ۇستىندەگى ەلدەردىڭ ورتاق مۇددەسىن قورعايدى.
  قۇسايىن مىنالاردى ءبىلدىردى: جۇڭگو − پاكيستاننىڭ سەنىمدى دوسى جانە تاباندى سەرىگى، پاكيستان - جۇڭگو قارىم - قاتىناسىنىڭ ىرگەسى بەرىك. پاكيستان ءبىر جۇڭگو ساياساتىنان جازبايدى، جۇڭگونىڭ وزەكتى مۇددەسىنە تاباندى قولداۋ كورسەتەدى، جۇڭگومەن جوعارى ساتىلى قارىم - قاتىناستى ۇزدىكسىز تەرەڭدەتىپ، ەكونوميكا - ساۋدا، حاۋىپسىزدىك سياقتى سالالارداعى ىنتىماقتاستىقتى تەرەڭدەتىپ، جۇڭگو - پاكيستان ەكونوميكالىق ءدالىزى قۇرىلىسىن ىلگەرىلەتىپ، حالىقارالىق جانە وڭىرلىك ماسەلەلەردە تىعىز سايكەسۋدى قالايدى. پاكيستان جۇڭگونىڭ حالىقارالىق ىستەردە اناعۇرلىم زور رول اتقارۋىنا قولداۋ كورسەتەدى، مۇنىڭ عالامدىق حاۋىپسىزدىك پەن ورنىقتىلىقتى قورعاۋدا ايرىقشا ماڭىزى بار ەكەنىنە سەنەدى.
  ديڭ شۋەشياڭ، ياڭ جيەچى، ۋاڭ ي، حى ليفىڭ، ت.ب كەزدەسۋگە قاتىناستى.

بەرىپ كەت ورامالىڭدى

دوستار

الىستاعى اق ەركە