جاڭا حابارلار

مەملەكەت ءتوراعاسى شي جينپيڭ چيڭداۋدا وزبەكستاننىڭ زۇڭتۇڭى ميرزيەۆپەن كەزدەستى

    كەلۋ قاينارى: شينجياڭ گازەتى    2018-06-11 19:25:51  
شينحۋا اگەنتتىگىنىڭ 6 - ايدىڭ 9 - كۇنى چيڭداۋدان بەرگەن حابارى (تىلشىلەر حوۋ ليجۇن، شي مين). مەملەكەت ءتوراعاسى شي جينپيڭ 6 - ايدىڭ 9 - كۇنى چيڭداۋدا وزبەكستاننىڭ زۇڭتۇڭى ميرزيەۆپەن كەزدەستى.
  شي جينپيڭ مىنالاردى اتاپ كورسەتتى: جۇڭگو مەن وزبەكستان جاقسى - جاماندى بىرگە وتكەرگەن تاماشا كورشىلەر، ءوزارا سەنىم ارتقان جاقسى دوستار، ءوزارا ءتيىمدى ىنتىماقتاستىق ورناتقان جاقسى سەرىكتەر. سوڭعى جىلدارى، جۇڭگو مەن وزبەكستاننىڭ جاپپاي ستراتەگيالىق سەرىكتەستىك قارىم - قاتىناسى ۇزدىكسىز تەرەڭدەي دامىدى. ەكى مەملەكەت باسشىسى كەلىسكەن ماڭىزدى ورتاق تانىم ويداعىداي تياناقتانىپ كەلەدى. قازىر جۇڭگوشا سوتسياليزم جاڭا داۋىرگە ءوتتى، وزبەكستان دا ءبىرسىپىرا رەفورما شارالارىن جاريالادى جانە اتقارا باستادى. جۇڭگو مەملەكەتتىڭ رەفورما جاساۋ، وركەندەۋ جولىندا وزبەكستانمەن كەڭ اۋقىمدى دوستىقتى دامىتىپ، بىرگە گۇلدەنۋدى قالايدى.
  شي جينپيڭ مىنالاردى باسا دارىپتەدى: وزبەكستان «ءبىر بەلدەۋ، ءبىر جول» قۇرىلىسىنا ەڭ الدىمەن قولداۋ كورسەتكەن جانە ات سالىسقان ەلدەردىڭ ءبىرى. تاراپتاردىڭ بىرگە قۇلشىنۋى ارقاسىندا، ەكى مەملەكەت «ءبىر بەلدەۋ، ءبىر جولدى» بىرگە قۇرۋ ىنتىماقتاستىعىندا سۇبەلى جەتىستىكتەرگە جەتتى. ەكى جاق ورايلى ءساتتى يگەرىپ، كومەسكى مۇمكىندىكتەردى اشىپ، ەكى جاقتى ساۋدانى ورنىقتى قاداممەن دامىتىپ، ءوندىرىس قۋاتى، قارجى قوسۋ، ءوزارا بايلانىس سياقتى ىنتىماقتاستىقتاردى تەرەڭدەتىپ، زاڭ اتقارۋ جانە حاۋىپسىزدىك ىنتىماقتاستىعىن كۇشەيتىپ، گۋمانيتارلىق بارىس - كەلىستەردى كەڭەيتۋى كەرەك.
  ميرزيەۆ مىنالاردى ءبىلدىردى: قازىر وزبەكستان مەن جۇڭگونىڭ قارىم - قاتىناسى جاپپاي دامىپ، تاريحتاعى ەڭ جاقسى دەڭگەيگە كوتەرىلدى. وزبەكستان مەن جۇڭگونىڭ ىنتىماقتاستىعى جونىندە ءتوراعا شي جينپيڭمەن كەلىسكەن ورتاق تانىم تياناقتانىپ، وزبەكستان حالقىنا ناقتى يگىلىكتەر اكەلدى. وزبەكستان ءبىر جۇڭگو ساياساتىن تاباندى تۇردە اتقارادى، جۇڭگونىڭ «ءۇش ءتۇرلى كۇشكە» سوققى بەرۋ قۇلشىنىستارىنا باتىل قولداۋ كورسەتەدى، جۇڭگومەن «ءبىر بەلدەۋ، ءبىر جول» اياسىندا ىسكەرلىك ىنتىماقتاستىقتى تەرەڭدەتىپ، وڭىرلىك ماسەلەلەردەگى قارىم - قاتىناس پەن سايكەستىكتى كۇشەيتۋدى قالايدى.

  ديڭ شۋەشياڭ، ياڭ جيەچى، ۋاڭ ي، حى ليفىڭ، ت.ب كەزدەسۋگە قاتىناستى.


بەرىپ كەت ورامالىڭدى

دوستار

الىستاعى اق ەركە