جاڭا حابارلار

مەملەكەت ءتوراعاسى شي جينپيڭ چيڭداۋدا تاجىكستاننىڭ زۇڭتۇڭى راحمونمەن كەزدەستى

    كەلۋ قاينارى: شينجياڭ گازەتى    2018-06-11 19:28:01  
شينحۋا اگەنتتىگىنىڭ 6 - ايدىڭ 9 - كۇنى چيڭداۋدان بەرگەن حابارى (تىلشىلەر ليۋ باۋسىن، جۋ چاۋ). مەملەكەت ءتوراعاسى شي جينپيڭ 6 - ايدىڭ 9 - كۇنى چيڭداۋدا تاجىكستاننىڭ زۇڭتۇڭى راحمونمەن كەزدەستى.
  شي جينپيڭ مىنالاردى اتاپ كورسەتتى: جۇڭگو مەن تاجىكستان دوس كورشىلەر، ۇزاقتان بەرى ءبىر - بىرىنە ادال نيەتپەن مامىلە جاساپ، ناتيجەلى دە ءوزارا پايدالى ىنتىماقتاستىق جاساپ كەلەدى. جۇڭگو مەن تاجىكستان مەملەكەتتى دامىتۋ مەن گۇلدەندىرۋدىڭ شەشۋشى كەزەڭىندە تۇر، ەكى ەل ۇزدىكسىز تۇردە ءبىر - بىرىنە كومەكتەسىپ، ءوزارا قولداۋ كورسەتىپ، سىن - سايىستارعا قول ۇستاسا توتەپ بەرىپ، قاتار دامۋدى ىسكە اسىرىپ، ەكى ەلدىڭ جاپپاي ستراتەگيالىق سەرىكتەستىك قاتىناسىن ۇزدىكسىز تەرەڭدەتىپ، جۇڭگو - تاجىكستان دوستىق ىستەرىنىڭ ەكى ەل حالقىنا اناعۇرلىم مول يگىلىكتەر اكەلۋىنە مۇمكىندىك جاساۋ كەرەك.
  شي جينپيڭ مىنالاردى باسا دارىپتەدى: «ءبىر بەلدەۋ، ءبىر جولدى» بىرگە قۇرۋ − جۇڭگو مەن تاجىكستان ىنتىماقتاستىعىنىڭ نەگىزگى جەلىسىنە اينالدى. الداعى مەزگىلدە، ەكى جاق ساۋدانىڭ تەڭگەرىلمەلى دامۋىن ىلگەرىلەتىپ، فينانس پەن قارجى ىنتىماقتاستىعىن تەرەڭدەتىپ، ءوزارا بايلانىستىرۋ، ءوزارا تۇتاستىرۋ ىنتىماقتاستىعىن كەڭەيتىپ، گۋمانيتارلىق اۋىس - كۇيىستى نىعايتۋى، حاۋىپسىزدىك سالاسىندا «ءۇش ءتۇرلى كۇش» پەن ەل اتتاعان ۇيىمداسقان قىلمىسقا سوققى بەرۋدى ۇزدىكسىز تەرەڭدەتۋ كەرەك. جۇڭگو تاجىكستاننىڭ بيىل ازياداعى ءوزارا ءىس - قيمىل جانە سەنىم شارالارى جونىندەگى كەڭەستىڭ ءتوراعاسى مىندەتىن وتكىزىپ العانىنا قولداۋ كورسەتەدى، تاجىكستاننىڭ ءوزارا ءىس - قيمىل جانە سەنىم شارالارى جونىندەگى كەڭەستىڭ باس قوسۋىنا دايىندالۋىنا جاردەمدەسۋدى قالايدى.
  راحمون بىلاي دەدى: تاجىكستان جۇڭگومەن ءداستۇرلى دوستىعىن قاستەرلەيدى، جۇڭگونىڭ ۇزاق مەزگىلدەن بەرى تاجىكستاننىڭ ەكونوميكالىق، قوعامدىق دامۋىنا كومەك كورسەتىپ كەلگەنىن جوعارى باعالايدى. تاجىكستان ءبىر جۇڭگو ساياساتىنان جازبايدى، «ءۇش ءتۇرلى كۇشكە» باتىل سوققى بەرەدى، ەكى ەلدىڭ جاپپاي ىنتىماقتاستىعىن ىلگەرىلەتۋگە كۇش سالادى، وڭىرلىك ىستەردە سايكەستىك پەن ىنتىماقتاستىقتى نىعايتادى، تاجىكستاننىڭ 2030 - جىلعا دەيىنگى مەملەكەتتىك دامۋ ستراتەگياسىن «ءبىر بەلدەۋ، ءبىر جول» باستاماسىمەن ۇشتاستىرىپ، ەكى ەلدىڭ نەگىزدىك قۇرىلعى، اۋىل شارۋاشىلىعى، عىلىم - تەحنيكا سياقتى سالالارداعى ىنتىماقتاستىعىن كەڭەيتۋدى قالايدى. تاجىكستان قازىرگى حالىقارالىق جاعداي نەعۇرلىم كۇردەلى بولعان سايىن، «شاڭحاي رۋحىن» سولعۇرلىم ساۋلەلەندىرۋىمىز كەرەكتىگىن قۇپتايدى.
  ديڭ شۋەشياڭ، ياڭ جيەچى، ۋاڭ ي، حى ليفىڭ، ت.ب كەزدەسۋگە قاتىناستى.

بەرىپ كەت ورامالىڭدى

دوستار

الىستاعى اق ەركە