جاڭا حابارلار

شانشيدىڭ سولتۇستىگىندەگى كوممۋنيستىك پارتيانىڭ باستاۋشىسى ــــ لي زىجوۋ

    كەلۋ قاينارى: شينجياڭ حالىق راديو ىستانسياسى    2018-06-12 11:10:01  
لي زىجوۋ 1892-جىلى شانشي ولكەسىنىڭ ءسۇيدى اۋدانىندا دۇنيەگە كەلگەن. 1917-جىلى جازدا بەيجيڭ ۋنيۆەرسيتەتىنە ءوتىپ، «4-مامىر» قوزعالىسىندا، بەيجيڭ ۋنيۆەرسيتەتى وقۋشىلار قوعامىنىڭ جاۋاپتى كادرىنە تاعايىندالىپ، «4-مامىر» ەرەۋىل جينالىسى ءتوراعالار القاسىنىڭ مۇشەسىنە كورسەتىلگەن.
1923-جىلدىڭ باسىندا، لي زىجوۋ جۇڭگو كوممۋنيستىك پارتياسىنا كىرەدى. 1924-جىلى كۇزدە، لي زىجوۋ سۇيدىداعى شانشي ولكەلىك 4-پەداگوگيكا مەكتەبىنىڭ باستىقتىعىنا تاعايىندالادى. ونىڭ جەتەكشىلىگىندە ءسۇيدىداعى شانشي ولكەلىك 4-پەداگوگيكا مەكتەبى وقۋشىلار ۇيىمىن قۇرىپ، العاباسار ۇيىرمەسىنىڭ ورتاق العا باسۋ بولىمشەسىن، شانشيدىڭ سولتۇستىگى جاستار قوعامىن قۇرىپ، «شانشيدىڭ سولتۇستىگىندەگى جاستار» اتتى العاباسار جۋرنالدى شىعارىپ، اسا مول جاستاردى توڭكەرستىك جولعا تۇسۋگە جەتەكتەيدى.
1926-جىلى 12-ايدا، لي زىجوۋ بۇيرىق بويىنشا شي-ءانعا بارىپ، ۇلتتىق ارميا بىرىككەن ارمياسىنىڭ شانشي باس سىلىڭبۋىن قۇرۋ جانە گومينداڭ پارتياسى شانشي ولكەلىك ۋاقىتتىق پارتيا ءبولىمىن وزگەرتىپ قۇرۋ قىزمەتىنە قاتىناسۋعا جىبەرىلەدى. 1927-جىلى 1-ايدا، گومينداڭ شانشي ولكەسى پارتيا ءبولىمىنىڭ اتقارۋشى مۇشەسىنە، قوسىمشا جاستار ءبولىمىنىڭ باستىقتىعىنا سايلانادى.
1927-جىلى 2-ايدا، ج ك پ شانشي-گانسۋ رايوندىق اتقارۋشى كوميتەتى شي-ءاندا قۇرىلىپ، لي زىجوۋ اتقارۋشى كوميتەتتىڭ مۇشەسىنە تاعايىندالىپ، ۇيىمدىق قىزمەتتى جاۋاپتى بولىپ باسقارادى، ونىمەن جاۋىنگەر سەرىكتەرىنىڭ بىرلىكتە قۇلشىنۋىندا، شانشي-گانسۋداعى 40 نەشە اۋدان-قالا پارتيا، وداق ۇيىمىن قۇرىپ، ديحاندار قوزعالىسى دابىرالى جۇرىلەدى.
1927-جىلى 7-ايدا، ورتالىق شانشي-گانسۋ رايوندىق كوميتەتىن كۇشىنەن قالدىرىپ، شانشي ولكەلىك پارتكومدى قۇرادى، لي زىجوۋ ولكەلىك پارتكومنىڭ تۇراقتى مۇشەلىگىنە جانە ۇيىمداستىرۋ ءبولىمىنىڭ باستىقتىعىنا سايلانادى. وسى جىلى 9-ايدا، تاعى دا ج ك پ شانشي ولكەلىك پارتكوم اسكەري كوميتەتىنىڭ شۋجيىنا تاعايىندالادى.
1928-جىلى 11-ايدا، لي زىجوۋ ج ك پ شانشي ولكەلىك پارتكومنىڭ شۋجيلىعىن ۋاقىتتىق اتقارادى. 1929-جىلى 2-ايدا، ساتقىننىڭ وپاسىزدىق ىستەۋىنەن لي زىجوۋ قولعا الىنىپ تۇرمەگە تۇسەدى، وسى جىلى 6-ايدىڭ 18-كۇنى ول تۇرمەدە سىرقاتتانىپ دۇنيە سالادى، سول كەزدە ول 36 جاستا-ەدى.

بەرىپ كەت ورامالىڭدى

دوستار

الىستاعى اق ەركە