جاڭا حابارلار

قاتىناس ساقشىلارى شوفەرلەرگە مىنانى ەسكەرتتى

    كەلۋ قاينارى: شينجياڭ حالىق راديو ىستانسياسى    2018-06-13 11:19:40  

ستانسيامىزدىڭ ءتىلشىسى لان تيان مەن پراكتيكانت ءتىلشىسى گۋان شياۋشياۋدىڭ حابارى: جازدا شىجىعان ىستىقتا، شوفەرلەردىڭ كوبى اۆتوكولىگىنىڭ تەرەزەسىنە ىستىق وتكىزبەيتىن جاپسىرما جاپسىرادى. وسى جونىندە، قاتىناس ساقشىلارى اۆتوكولىكتىڭ تەرەزەسىنە جاپسىرعان ىستىق وتكىزبەيتىن جاپسىرمانىڭ جارىق وتكىزگىشتىگى مەملەكەتتىك ولشەمگە جەتپەسە، جاڭا اۆتوكولىكتى تىزىمگە تىركەمەيتىنىن جانە تەكسەرۋدەن وتكىزبەيتىندىگىن ەسكەرتتى.
تۇستەن بۇرىن، ءۇرىمجى قالاسى كازۋان اۆتوكولىك باسقارۋ ورنىنىڭ تەكسەرىپ ولشەۋ ورنىندا، ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى اۆتوكولىك باسقارۋ ورنى اماندىقتى تەكسەرۋ ءبولىمىنىڭ حالىق ساقشىسى چىن تيانساي، ءبىر اۆتوكولىكتىڭ تەرەزەسىنە جاپسىرىلعان ىستىق وتكىزبەيتىن جاپسىرمانى تەكسەرۋدە. ول: اۆتوكولىكتىڭ تەرەزەسىنە جاپسىرىلعان وسى ىستىق وتكىزبەيتىن جاپسىرمانىڭ جارىق وتكىزگىشتىك دارەجەسى 18.4 بولعانىن، مۇنىڭ تالاپقا ۇيلەسپەيتىنىن ايتتى.
ءتىلشى اۆتوكولىكتىڭ تەرەزەسىنەن قاراپ كورىپ ەدى، اۆتوكولىكتىڭ ءىشىن مۇلدە كورە المادى. چىن تيانساي تىلشىگە، مەملەكەتتىڭ قاتىستى زاڭ-ەرەجەسىندەگى بەلگىلەمەگە ساي، اۆتوكولىكتىڭ الدىڭعى جاعىنداعى تەرەزە ارقىلى ارت جاقتى كورەتىن ايناعا قاراعان كەزدە، ونىڭ جارىق وتكىزگىشتىگى %70 بولۋى؛ ال ەكى جاعىنداعى جانە ارت جاعىنداعى تەرەزەنىڭ جارىق وتكىزگىشتىگى،ءسوزجوق، %50 تەن جوعارى بولۋى كەرەك ەكەندىگىن ايتا كەلىپ، بىلاي دەدى: «اسپاپ ارقىلى اۆتوكولىكتىڭ تەرەزەسىندەگى ىستىق وتكىزبەيتىن جاپسىرمانىڭ جارىق وتكىزگىشتىگىن جان-جاقتىلى ولشەيمىز، اسپاپتاعى ساندى مالىمەت ارقىلى ونىڭ جارىق وتكىزگىشتىگىنىڭ قانشا ەكەنىن بىلەمىز، مەملەكەتتىڭ ولشەمگە ۇيلەسپەگەن جاعدايدا، شوفەرعا ۇستىندە وزگەرتتىرەمىز نەمەسە ولشەمگە تولىمدى بولعاننان كەيىن قايتالاي تەكسەرەمىز».
ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى اۆتوكولىك باسقارۋ ورنىنىڭ حالىق ساقشىسى جاڭ دان، اۆتوكولىكتەردىڭ تەرەزەسىنە جاپسىرىلعان بەلگىلەمەگە ۇيلەسپەيتىن ىستىق وتكىزبەيتىن جاپسىرماعا كولىك تەرەزەسىنىڭ سىرتىنان كۇن تۇسكەندە شاعىلىسىپ، ماڭىنداعى اۆتوكولىك شوفەرلەرىنىڭ جولدى انىق كورۋىنە ىقپال جاساۋمەن بىرگە، تۇندە نەمەسە جاڭبىر ياكي قار جاۋعان، جارىق جەتكىلىكسىز بولعان جاعدايدا، شوفەردىڭ كورۋىنە ىقپال جاسايدى. سوندىقتان دا اۆتوكولىكتىڭ تەرەزەسىنە جاپسىرىلعان جاپسىرما تولىمسىز بولعان اۆتوكولىكتەر تىزىمگە الىنبايدى جانە تەكسەرۋدەن وتپەيدى. ول بىلاي دەدى: «اۆتوكولىكتىڭ تەرەزەسىنە جاپسىرما جاپسىرىپ اۆتوكولىكتى تىزىمگە تىركەۋگە اكەلگەندە، تەرەزەسىنە جاپستىرىلعان جاپسىرما ولشەمگە تولىمدى بولۋى شارت، جارىق وتكىزبەيتىن ماتەريالداردان جانە جارىق شاعىلىستىراتىن ماتەريالداردان جاسالعان ىستىق وتكىزبەيتىن جاپسىرمانى جاپسىرۋعا بولمايدى، بىلايشا ايتقاندا، جاڭا اۆتوكولىك ساتىپ العاندا، الدىمەن اۆتوكولىكتىڭ تەرەزەسىنە بەلگىلەمەدەگى ولشەمگە ساي كەلەتىن ىستىق وتكىزبەيتىن جاپسىرمانى جاپسىرىپ، ونان سوڭ تىزىمگە تىركەتۋگە بولادى.


بەرىپ كەت ورامالىڭدى

دوستار

الىستاعى اق ەركە