جاڭا حابارلار

كاسىپ اشۋ جولىندا سان بوگەتكە جولىقسادا مويىماعان لي چاۋلان

    كەلۋ قاينارى: شينجياڭ حالىق راديو ىستانسياسى    2018-06-13 11:24:14  
ستانسيامىزدىڭ ءتىلشىسى حى فەيدىڭ حابارى: ول ەگىن ەكتى، كوشە سىپىردى، شاكىرت بولدى، قازىر شينجياڭ لان-ءجۇن اۆتوكولىك اشەكەي بۇيىمدار شەكتى جاۋاپكەرلىك سەرىكتەستىگىنىڭ باس مەڭگەرۋشىسى، لي چاۋلاندى تانيتىنداردىڭ بارلىعى ونىڭ ءومىر جولىنداعى جاپا-ماشاقاتقا باس يمەگەن كۇرەسكەرلىك رۋحىن قۇرمەتتەيدى.
لي چاۋلان سىچۋانداعى ءبىر كەدەي قىستاقتا دۇنيەگە كەلگەن. ءۇيى كەدەي بولعاندىقتان، 20-عاسىردىڭ 80-جىلدارىنىڭ سوڭىندا، لي چاۋلان اۋىلىنان الىستاپ، تۋىس-تۋعاندارىن پانالاپ كورلا قالاسىنا بارادى. العاشىندا، لي چاۋلان جۇمىستى كوشە سىپىرۋدان باستادى، وسىدان كەيىن تاعى ەگىن ەكتى، قارا جۇمىس ىستەدى. 1991-جىلى ول كوشەدە ارلى-بەرلى ايقاسقان اۆتوموبيلدەردىڭ كوپتىگىن كورىپ، تىڭ كاسىپ اشۋ ويىنا كەلدى. ول بارلىق تين-تەبىنىن جيىپ، باسقارلامەن سەلبەسىپ، اۆتوكولىك جوندەۋ دۇكەنىن اشتى. لي چاۋلان: «تۋىستارىم مەنىڭ وسى جۇمىسپەن اينالىسۋىمدى ونشالىقتى قۇپتاعان جوق، ايەل ادامسىڭ بۇل جۇمىسپەن اينالىسساڭ قينالاسىڭ دەستى»،-دەدى.
قارجى جەتكىلىكسىز، ونىڭ ۇستىنە جۇمىسشى ىستەتۋدىڭ اقىسى جوعارى بولعاندىقتان، لي چاۋلان قوجايىن بولۋدان سىرت، تاعى ريموتشى بولدى، ول اۆتوكولىكتىڭ استىنا كىرىپ، تاعانىن تەكسەرىپ، ءۇستى-باسى ماي-ماي، كۇنى بويى كىر-قوجالاق بولىپ جاپالى جۇمىس ىستەدى. ءار كۇنى ەرتە شىعىپ، كەش قايتىپ، بار ىنتا-پەيىلىمەن ىستەسەدە، اۆتوكولىك جوندەۋ دۇكەنىنىڭ ساۋداسى بارعان سايىن ناشارلاپ، سوڭىندا شاراسىزدىقتان جابىلدى. قايسار لي چاۋلان بۇعان دا مويىنسال بولمادى، 1997-جىلى تۋىسىنان قارىز اقشا الىپ، 30 شارشى مەترلىك دۇكەندى جالعا الىپ، اۆتوكولىككە پايدالانىلاتىن بۇيىمداردى ساتتى. ول: «تۇڭعىش رەتكى تىڭ كاسىپ اشۋدىڭ ساتسىزدىككە ۇشىراۋ سەبەبىن قورتىندىلادىم، مەنىڭشە، تەحنيكام جەتكىلىكسىز بولدى، باسقارۋدى دا بىلە بەرمەيمىن، ەندىگى جەردە وسى جاعىنا كۇش سالۋدى ويلادىم»،-دەدى.
لي چاۋلان كەمشىلىگىن تولىقتاۋ بەكىمىنە كەلدى، باسقا دۇكەندەرگە بارىپ، اۆتوكولىكتى تەز جوندەۋ، اشەكەيلەۋ، قۇراستىرۋ سياقتى تەحنيكانى ۇيرەندى، تاعى اۆتوكولىك كاسىبىنە قاتىستى ءتۇرلى كىتاپتاردى ساتىپ الىپ، بار كۇشپەن ءبىلىمىن تولىقتىردى. قانشا قاجىرلى بولىپ، قانشا قۇلشىنسا دا، ونىڭ وسى رەتكى كۇرەس جولى ونشالىقتى ءساتتى بولا قويمادى، ءبىر مەزگىل قاجىرلىلىق تانىتقانىمەن، اۆتوكولىك بۇيىمدارىن ساتۋدان زيان تارتىپ، شاراسىزدىقتان بۇل دۇكەندى دە جاپتى.
ول قايتا-قايتا ساتسىزدىككە ۇشىراسادا، جىعىلعان جەرىنەن تۇرۋدان تانبادى، لي چاۋلان كۇرەسۋ ارقىلى تابىسقا قول جەتكىزەتىنە كامىل سەندى. كوپ وتپەي ول ءۇشىنشى رەتكى كۇرەس ساپارىنا جول الدى. 2013-جىلى مىڭ شارشى مەتردەن ارتىق دۇكەندى ساتىپ الىپ، 50 نەشە جۇمىسشى قابىلدادى، قازىر ونىڭ ەكى سەرىكتەستىگى بار، 20 شارشى مەترلىك زاۆود ءۇيىن سالدىردى، ول كوپتەگەن ادامنىڭ نازارىنداعى تابىسقا جەتكەن ايەلگە اينالدى. ول بىلاي دەدى: «باس شۋجي شي جينپيڭ كۇرەس جاساۋدىڭ ءوزى باقىت ەكەنىن اتاپ كورسەتتى، قازىر مەن باقىتتى تۇرمىستىڭ كۇرەسۋدەن كەلەتىنىن تەرەڭ سەزىندىم، مەنىڭشە، مەنى تابىسقا جەتەلەگەن وسى رۋحىم بولسا كەرەك».

بەرىپ كەت ورامالىڭدى

دوستار

الىستاعى اق ەركە