جاڭا حابارلار

رايونىمىزداعى جوعارى مەكتەپتەر «جاڭا يدەيا ۇيرەنۋ، بارلىق وقىتۋشى-وقۋشىلار بىرگە ساباق تىڭداۋ» قيمىلىن جالعاستى ورىسەتتى

    كەلۋ قاينارى: شينجياڭ حالىق راديو ىستانسياسى    2018-06-13 11:25:40  
ستانسيامىزدىڭ ءتىلشىسى ياڭ جيانچياۋ مەن ديڭ شياۋداننىڭ حابارى: 6-ايدىڭ 12-كۇنى تۇستەن كەيىن، شينجياڭ تيانشان كاسىپتىك تەحنيكا ينيستيتۋتى، شينجياڭ دەنە-تاربيە كاسىپتىك تەحنيكا ينيستيتۋتى، شينجياڭ تەمىرجول كاسىپتىك تەحنيكا ينيستيتۋتى سياقتى 6 مەكتەپ «جاڭا يدەيا ۇيرەنۋ، بارلىق وقىتۋشى-وقۋشىلار بىرگە ساباق تىڭداۋ» قيمىلىن ءبىر ۋاقىتتا ورىسەتتى. قالىڭ وقىتۋشى-وقۋشىلار ساباقتان كەيىن: «ءداۋىردىڭ جاستارعا جۇكتەگەن بورىشىن ارقالاپ، ونى ارەكەتى ارقىلى تياناقتاندىراتىندىقتارىن ءبىلدىرىستى.
شينجياڭ تيانشان كاسىپتىك تەحنيكا ينيستيتۋتىندا، ءار ۇلت وقۋشىلارى لەكتورلار ۇيىرمەسىندەگى لەكتورلاردىڭ ساباعىن مۇقيات تىڭدادى. ساباق جۇيەلى دە نانىمدى ءتۇسىندىرىلىپ، مازمۇندىق بولەكتەر ءجاي سوزبەن تۇيىندەلىپ، جاندى دا تەرەڭ بايىمدالعاندىقتان، تىڭداعان وقىتۋشى-وقۋشىلار اراسىندا كۇشتى ۇندەستىك تاۋىپ، ساباقحانادان دۇركىن-دۇركىن قىزۋ قول شاپالاق ءۇنى كوتەرىلدى. وقۋشى رۇحساري عاني بىلاي دەدى: «بۇگىنگى ساباقتان ەرەكشە شابىت الدىم، مەملەكەتتىڭ، ۇلتتىڭ ءىسى-ءبىز جاستاردىڭ ءىسى. وسى ءداۋىر جاستارى بولعان ءبىز ›ەكى 100‹ جىلدىق كۇرەس نىساناسىن جۇزەگە اسىرۋداعى نەگىزگى كۇشپىز. ءبىز ارينە ءسوز رۋحىنىڭ جەتەكشىلىگىندە، كاسىپتىك بىلىمدەردى مۇقيات ويداعىداي ۇيرەنىپ، ساياسي نازاريا ساپامىزدى ۇزدىكسىز جوعارىلاتۋىمىز كەرەك».
شينجياڭ دەنە-تاربيە كاسىپتىك تەحنيكا ينيستيتۋتىندا، 800 نەشە وقىتۋشى-وقۋشى مامانداردىڭ باس شۋجي شي جينپيڭنىڭ بەيجيڭ ۋنيۆەرسيتەتىندەگى وقىتۋشى-وقۋشىلاردىڭ اڭگىمە ماجىلىسىندە جانە ماركستىڭ دۇنيەگە كەلگەندىگىنىڭ 200 جىلدىعىن اتاپ ءوتۋ جينالىسىندا سويلەگەن ماڭىزدى ءسوزىنىڭ رۋحى جونىندەگى ۇگىت-لەكسيانى بىرگە تىڭدادى. وقۋشى جۋ ي-كۇن: قازىرگى زامان ستۋدەنتتەرىنىڭ وتانشىلدىق سۇيىسپەنشىلىكتى-ۇيرەنۋدىڭ قوزعاۋشى كۇشى مەن ناقتىلى ارەكەتىنە اينالدىرىپ، شىندىققا جۇگىنىپ، ءمورال، اقىل-وي، دەنە جانە ەستەتيكا جاعىندا جاپپاي دامۋعا قۇلشىنۋى كەرەك ەكەندىگىن ايتا كەلىپ بىلاي دەدى: «سوتسياليزمنىڭ قۇرۋشىلارى جانە ءىزباسارلارى بولعان بىزدەر ارمانشىل، جاۋاپكەرلىكتى ارقالايتىن جاستاردان بولۋىمىز كەرەك. تاباندىلىقپەن ۇيرەنىپ، جاڭا ءداۋىر ستۋدەنتتەرىنەن بولىپ، جۇڭگو ارمانى ۇلى ءامالياتىندا جاستىق كوكتەمىمىز بەن كۇش-قايراتىمىزدى ارناۋىمىز كەرەك».
تۇستەن كەيىن ساعات 4 تە، شينجياڭ تەمىرجول كاسىپتىك تەحنيكا ينيستيتۋتىنداعى 800 وقىتۋشى-وقۋشى ۇگىت-لەكسيانى تىڭدادى، لەكتورلار ماركسيزمنىڭ نەگىزگى قاعيداسىن قاراپايىم، ۇعىنىقتى ءتىل، جاندى ميسالمەن ءتۇسىندىردى. لەكتورلار ۇيىرمەسىنىڭ مۇشەسى، شينجياڭ كاسىپتىك ۋنيۆەرسيتەتى يدەيا ساياسي نازاريا ساباعىن زەرتتەۋ كافەدراسىنىڭ مەڭگەرۋشىسى ياڭ كى بىلاي دەدى: «ۇگىت-لەكسيا ارقىلى ءار-ءبىر وقىتۋشى-وقۋشىلاردىڭ ساناسىنا ماركسيزمدى ۇيالاتىپ، ونى سانالى ارەكەتكە اينالدىرىپ، ءون-بويىمىزعا سىڭىرەمىز، جۇڭگوشا سوتسياليزم ۇلى تۋىن بيىك ۇستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، نازاردى باس نىساناعا شوعىرلاندىرىپ، باس نىسانانى ارقاۋ ەتىپ، ءتۇرلى قىزمەتتى اناعۇرلىم جاقسى ىستەپ، اناعۇرلىم تىڭعىلىقتى ۇيرەنىپ، كەيىن جۇڭگوشا سوتسياليزمنىڭ اۋىر تاپسىرىعىن ارقالاي الاتىن بولۋىمىز كەرەك».
شينجياڭ تەمىرجول كاسىپتىك تەحنيكا ينيستيتۋتىنىڭ وقۋشىسى ۋاڭ كاي بىلاي دەدى: «وسى رەتكى ۇگىت-لەكسيا ساباعى قيمىلى ارقىلى ءبىز ماركسيزمنىڭ وسكەلەڭ رۋحى مەن نۇرلى يدەياسىن قايتا ەسكە ءتۇسىرىپ قالماستان ءارى ماركسيزمنىڭ قۇدىرەتتى اقيقات كۇشىن تاعى دا سەزىنىپ، باس شۋجي شي جينپيڭنىڭ ماڭىزدى سوزىنە دەگەن تۇسىنىگىمىز اناعۇرلىم تەرەڭدەپ، باس شۋجي شي جينپيڭنىڭ جاستار مەن وقۋشىلاردان اسىعا كۇتكەن ءۇمىتى مەن شابىتىن تەرەڭ سەزىندىك، رەلىستى قاتىناس كاسىپتىك ينيستيتۋتتىڭ وقۋشىسى بولعان بىزدەر، ۇيرەنۋگە اناعۇرلىم كوتەرىڭكى رۋح ءارى قىزۋ ىنتامەن ارالاسىپ، جەكەنىڭ ارمانىن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ قۇرىلىسىنا ءسىڭىرىپ، شينجياڭنىڭ رەلىستى قاتىناس ىستەرىنىڭ دامۋىنا ءوز كۇشىمىزدى ارنايمىز».

بەرىپ كەت ورامالىڭدى

دوستار

الىستاعى اق ەركە