جاڭا حابارلار

اقسۋ ايماعى ارحىپ تۇرعىزىلىپ، كارتچكا تاراتىلعان 10 مىڭنىڭ ۇستىندەگى كەدەي ەڭبەككۇشتى باسقا سالادا كاسىپتەندىرۋدى جۇزەگە اسىردى

    كەلۋ قاينارى: شينجياڭ حالىق راديو ىستانسياسى    2018-06-13 11:50:40  

اقسۋ حالىق راديو ستانسياسىنىڭ ءتىلشىسى لي پۋدىڭ حابارى: پارتيا 19-قۇرىلتايىندا: «كەدەيلىكتەن قۇتىلدىرۋدان قامال الۋ شايقاسىندا، ءسوزسىز، جەڭىسكە جەتۋ كەرەك، كەدەي جان سانى مەن كەدەي رايونداردى تۇتاس مەملەكەتپەن بىرگە دوڭگەلەك داۋلەتتى قوعامعا جەتكىزۋ پارتيامىزدىڭ ايبىندى ۋادەسى»،-دەپ اتاپ كورسەتىلدى. اقسۋ ايماعى «وتباسىندا كاسىپتەنگەندەرى جوق» ەڭبەك قۋاتى بار كەدەي وتباسىلارىنا دالمە-ءدال شارا قولدانىپ، ەڭبەككۇش شوعىرلانعان كاسىپورىنداردى بەلسەنە ەنگىزىپ، «شاعىن زاۆوتتاردى» قۇرىپ، ارحيۆ تۇرعىزىلىپ، كارتچكا تاراتىلعان 10 مىڭنىڭ ۇستىندەگى كەدەي ەڭبەككۇشتى كاسىپتەندىرىپ، كەدەيلىكتەن قۇتىلدىردى.
بىرنەشە كۇننەن بەرى، ءۇشتۇرپان اۋدانى وتباسى اۋىلى جارقوتان قىستاعىنىداعى «ارمان» ديحاندار ءجۇن توقىما مانەرلەۋ فابريكاسىندا، جۇمىسشىلار 20 مىڭ دانا بوپايكا تاپسىرىسىن ۇلگىرتىپ توقۋ جۇمىسىمەن قاربالاس بولدى. جۇمىسشى ايشامگۇلدىڭ وتباسىندا 3 جان، 5 مۋ جەرى بار، قىستاقتاعى كەدەي وتباسىنىڭ بىرەۋى بولاتىن. بيىل 1-ايدا، ول وسى فابريكاعا قابىلدانىپ، كاسىپتەندى. ول بىلاي دەدى: «مەنىڭ فابريكادا قىزمەت ىستەگەنىمە 5 اي بولدى، ايىنا ءبىر مىڭ 500 يۋان الامىن، قازىرگە دەيىن 7 مىڭ يۋاننىڭ ۇستىندە ەڭبەكاقى الدىم. بۇدان كەيىن قۇلشىنا ىستەپ، كەدەيلىكتەن ەرتەرەك قۇتىلۋعا ۇمتىلامىن».
قازىر، وسى شاعىن فابريكا جەرگىلىكتى ورىنداعى 100دەن ارتىق كەدەي ەڭبەككۇشتى كاسىپتەنۋگە باۋرادى. فابريكانىڭ جاۋاپتىسى لەي لينفي بىلاي دەدى: « بيىل جانە كەلەر جىلى ءبىز ءۇشتۇرپان اۋدانىندا 15 تە 18 شاعىن زاۆود قۇرىپ، ءبىر مىڭ 500 دە ءبىر مىڭ 800 ادامدى كاسىپتەنۋگە باستاپ، ولاردى كاسىپتىك جۇمىسشىعا اينالدىرىپ، كەدەيلىكتەن قۇتىلۋىن جۇزەگە اسىرامىز، 2020-جىلعا بارعاندا، ءبىز بۇكىل ەل حالقىمەن بىرگە دوڭگەلەك داۋلەتتى قوعامعا قادام تاستايمىز».
بيىل، ءۇشتۇرپان اۋدانى «بازا، شاعىن زاۆود، كەدەي وتباسى بىرلەسكەن » ۇلگىنى قولدانىپ، توقىما ونەركاسىبى، جاڭعاق مانەرلەۋ سياقتى ەڭبەككۇش شوعىرلانعان كاسىپتەردى ەنگىزىپ، سەحتى قىستاقتان اشتى. قازىر، ءۇشتۇرپان اۋدانىنىڭ 45 ەرەكشە كەدەي قىستاعىندا شاعىن زاۆودتار مەن كەدەيلەردى سۇيەمەلدەۋ سەحتەرى قۇرىلىپ، 2 مىڭ 300 دەن ارتىق كەدەي قىستاق تۇرعىنى ۇيىنىڭ ماڭىندا،ءوزى تۇرعان جەرىندە باسقا سالادا كاسىپتەندى.
كەلپىن اۋدانىندا، ءتيىمدى ساياسات ارقىلى ەنگىزىلگەن تيانميڭ توبى، نودۇن كيىم-كەشەك سەرىكتەستىگى، انشۇن ىلمە توقىما سەرىكتەستىگى سياقتى ەڭبەككۇش شوعىرلانعان 5 كاسىپورىن، ءتۇرلى ءتۇيىندى بۇقارلىق توپقا باعىتتاپ، تۇرعان جەرىندە، ءۇيىنىڭ ماڭىندا كاسىپتەنەتىن ءبىر مىڭ 500 دەن ارتىق جۇمىس ورنىن ورنالاستىردى. كەلپىن اۋدانىنىڭ نودۇن كيىم-كەشەك سەرىكتەستىگى گەزلىك قالاشىعى ۇستىڭگىباع قىستاعىندا سالىنعاننان كەيىن، كەدەي وتباسى گۇلي مەن قىستاقتاعى بويجەتكەندەر وسى كاسىپورىننىڭ جۇمىسشىسىنا اينالدى. ول بىلاي دەدى: «مەن بۇرىن كيىم ءپىشۋدى بىلمەيتىنمىن، وسى سەرىكتەستىككە كەلگەننەن كەيىن، كيىم ءپىشۋدى ۇيرەندىم، ايىنا مىڭ دا ءبىر مىڭ 500 يۋان ەڭبەكاقى الامىن، كەدەيلىكتەن قۇتىلۋ سەنىمىم ارتتى، بىزگە جۇمىس ورنىن ورنالاستىرعان پارتياعا، ۇكىمەتكە ەرەكشە العىس ايتامىن».
جىل باسىنان قازىرگە دەيىن، اقسۋ ايماعىندا اۋىل-قىستاقتاردان جيىنى 25 مىڭ 200 دەن ارتىق ەڭبەككۇش باسقا سالادا كاسىپتەنۋگە ۇيىمداستىرىلدى، مۇنىڭ ىشىندە تەڭ جارىمى ارحيۆ تۇرعىزىلىپ، كارتچكا تاراتىلعان كەدەي ەڭبەككۇشتەر. اقسۋ ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ باستىعى نۇردون بىلاي دەدى: « توقىما كيىم-كەشەك كاسىبى جاعىندا كاسىپتەنۋگە شوعىرلى تاربيەلەۋدى داعدىلى ورىستەتىپ، شينجياڭعا كومەكتەسۋ جولى مەن قوعامدىق كۇشتەردىڭ باسقا سالادا كاسىپتەنۋدى جەبەۋ رولىن جان-جاقتىلى ساۋلەلەندىرىپ، كەدەي وتباسىلارىنداعى ەڭبەككۇشتەردى باسقا سالادا كاسىپتەندىرىپ، كىرىسىن ورنىقتى ارتتىردىق. ›ءجۇز قىستاق، مىڭ زاۆوت ‹ينجەنەرياسىن جاپپاي اتقارىپ، جەتەكشى كاسىپورىنداردى ‹1+ x› دامۋ ۇلگىسىن كۇش سالا ىلگەرلەتۋگە باستاپ، ءتۇرلى ءتۇيىندى بۇقارالىق توپقا ارناپ، تۇرعان جەرىندە، ءۇيىنىڭ ماڭىندا كاسىپتەنەتىن جۇمىس ورنىن ورنالاستىردىق».


بەرىپ كەت ورامالىڭدى

دوستار

الىستاعى اق ەركە