جاڭا حابارلار

 جاز مەزگىلىندە دەنساۋلىقتى كۇتىمدەۋدىڭ ۇتىمدى ادىستەرى

    كەلۋ قاينارى: شينجياڭ حالىق راديو ىستانسياسى    2018-06-13 22:46:35  

 قاۋىن-قاربىزدى كوپ تۇتىنۋ
  جاز مەزگىلىندە تەمپەراتۋرا جوعارى بولاتىندىقتان  ، ادام دەنەسىندەگى سۋ كوپ سارىپ بولادى.ال قاۋىن-قاربىز بەن كوكونىستەردىڭ قۇرامىنداعى سۋ مولشەرى 90 پايىزدان جوعارى  كەلەدى. سوندىقتان قاۋىن-قاربىز بەن كوكونىستەر قان قىسىمدى تومەندەتىپ، قان تامىردى قورعاۋ رولىن اتقارادى.

  2. ىستىق وتۋدەن ساقتانۋ
  تەمپەراتۋرا جوعارلاعان  سايىن ادامداردىڭ اسقازان-ىشەك قىزمەتى ىستىقتان تىتىركەنىپ، قىزمەتى السىرەپ، باسى اۋرۋ، قالجىراۋ، كوكىرەگى قىسىلۋ، تاماققا تابەتى تارتپاۋ سياقتى جايسىزدانۋلار پايدا بولادى. ءتىپتى  ىستىق ءوتىپ، دەنساۋلىققا زيان جەتەدى.
  سوندىقتان كوپ سۋ ءىشۋ،اسىرەسە تۇزدى سۋدى كوپ  تۇتىنۋ، ىستىق وتۋدەن ساقتايتىن دارىلەردى الا ءجۇرۋ كەرەك. سونىمەن بىرگە، ەڭبەك كۇشەمەلىگىن تومەندەتىپ، كوك بۇرشاق سورپاسىن كوپ ىشكەن ءجون.

  3. كوكونىستەردى كوپ تۇتىنۋ
  كوكونىستەردى كوپ تۇتىنعاندا ءشولدى باسىپ، ىستىق وتۋدەن ساقتاپ، ىستىقتى ، ۋىتتى قايتارادى. جاز مەزگىلىندە جانە  قىزاناق، بالدىركوك، اس سۇتتىگەن سياقتى كوكونىستەردى  دە كوپ تۇتىنعان ءجون.

  4. جەتكىلىكتى مولشەردە ۆيتامين تولىقتاۋ
  قىزاناق، كوك بۇرىش، كوك اسقاباق، قاربىز، بۇلدىرگەن، قاۋىن، شاپتول، المۇرت سياقتى جاس كۇيدەگى جەمىس-جيدەكتەر مەن كوكونىستەردى كوپ تۇتىنسا ادام دەنەسىنە قاجەتتى ۆيتامين A، ۆيتامين B جانە ۆيتامين C   تولىقتانادى.

  5. سۋ مەن مينەرال تۇزدى تولىقتاۋ
  سۋ مەن مينەرال تۇزدى تولىقتاۋعا، اسىرەسە كاليدى تولىقتاۋعا كوڭىل ءبولۋ كەرەك، بۇرشاق تەكتەس وسىمدىكتەر، بۇرشاق  ونىمدەرى، جەمىس-جيدەك جانە كوكونىستەر كاليدىڭ باستى كەلۋ قاينارى سانالادى. ماسەلەن،  قاربىز،  شاپتول، قارا ورىك، بۇلدىرگەن، قىزاناق، قيار سياقتى جەمىس-جيدەكتەر مەن كوكونىستەر ىستىقتى قايتارۋ رولىن اتقارادى.

  6. لايىقتى مولشەردە بەلوك تولىقتاۋ
  بالىق، قارا كەسەك ەت، جۇمىرتقا، ءسۇت جانە بۇرشاق ونىمدەرى سياقتى ازىقتىقتاردى كوپ تۇتىنعاندا ادام دەنەسىنە قاجەتتى بەلوكتى تولىقتاۋعا بولادى.

  7. تۇسكى ۇيقىعا كوڭىل ءبولۋ
  كەشتە جاقسى ۇيىقتاي المايتىندار جونىنەن الىپ  ايتقاندا، تۇسكى ۇيقى ءبىر ءتۇرلى ۇيقىنى تولىقتاۋ سانالادى. تۇسكى ۇيقى تۇستەن كەيىنگى جارتى كۇندىك ۇيرەنۋ مەن قىزمەتتىڭ ساپاسىن جوعارىلاتادى، الايدا تۇسكى ۇيقى ۋاقىتى ءبىر ساعات اينالاسىندا بولعانى ءجون.

  8. كوپ سۋ ءىشۋ
  شيپاگەرلەر اراقتى از ءىشىپ، سۋدى كوپ ءىشۋدى ەسكەرتەدى، سەبەبى سپيريت دەنەدەگى  سۋ تاپشىلىعىن كەلتىرىپ شىعارادى  ،سوندىقتان ،مۇنداي كەزدە  مينەرال سۋ مەن قانت قۇرامى تومەن گازدى  سۋسىندىق ەڭ جاقسى تالعامىڭىز سانالادى.

  9. كۇشتى دەنە تاربيە قيمىلدارىمەن شۇعىلدانۋدان ساقتانۋ
  كۇشتى دەنە تاربيە قيمىلدارىمەن شۇعىلدانۋ دەنەنىڭ تەمپەراتۋراسىن جوعارىلاتىپ، قالجىراۋ جانە دەنەدە سۋ تاپشى بولۋ سياقتى جاعدايلاردى تۋدىرادى.   

 


بەرىپ كەت ورامالىڭدى

دوستار

الىستاعى اق ەركە