جاڭا حابارلار

ۋاقىتتى ۇنەمدەۋدىڭ 15 ءتاسىلى

    كەلۋ قاينارى: شينجياڭ حالىق راديو ىستانسياسى    2018-06-13 22:51:51  

تومەندەگى ۋاقىتتى ۇنەمدەۋگە سەپتىگى تيەر كەڭەستەردى وقۋ ارقىلى  قىسقا ۋاقىت ىشىندە جاقسى ناتيجەگە قول جەتكىزە الاسىز.
1. ميىڭىزدى ارتىق اقپاراتپەن شارشاتپاۋ ءۇشىن بارلىعىن جازىپ ءجۇرىڭىز. ەستە ساقتاۋعا  سەنىپ قالماڭىز.
2.  تالاپتار ءتىزىمىن جاساڭىز. وسىلايشا، قاجەتسىز ىستەردى ەكىنشى قاتارعا  قويىپ، بار كۇشىڭىزدى تەك ماڭىزدىسىنا جۇمسايسىز.
3. ءار اپتانىڭ سوڭىندا كەلەر اپتاعا ارناپ جوسپار قۇرىڭىز. ءبىر قاراعاندا، ۋاقىتتى  سىراپ ەتۋ سياقتى  بولىپ كورىنگەنىمەن، ويدىڭ ناتيجەلىلىگىن ارتتىرادى.
4. ءاردايىم وزىڭىزبەن بىرگە قاعاز، قالام الىپ ءجۇرىڭىز. وعان ويعا كەلگەن جاقسى يدەيالاردى جازىپ  قوياتىن بولاسىز.
5. ەگەر وزگە ادامنىڭ ءوتىنىشى ءسىزدىڭ ماقساتىڭىزعا ساي كەلمەسە، «جوق» ءسوزىن ايتىپ ۇيرەنىڭىز. ەكى جاققا دا ءتيىمدىسى وسى بولماق.
6. ءىستى باستاماس بۇرىن پارقىن تانىپ، جەتى رەت ولشەپ، ءبىر رەت كەسىڭىز. ءبىراق، كوپ ويلانباڭىز.
7. جوسپارىڭىزدا ءوزىڭىزدى دامىتاتىن ىستەر مىندەتتى تۇردە بولسىن.
8. اينالىسىپ جۇرگەن ىسىڭىزگە سانالى تۇردە باعا بەرىڭىز. ءسىز ءوز ۋاقىتىڭىزدى نە نارسەگە جۇمساپ جۇرگەنىڭىزدى ءبىلۋىڭىز كەرەك. ءاربىر ءىسىڭىز ماقساتىڭىزعا جاقىنداتۋى ءتيىس.
9. ۋاقىتتى ۇنەمدەۋگە قاتىستى كىتاپتار وقىپ، ولاردا جازىلعانداردى مىندەتتى تۇردە پايدالانىڭىز.
10. زياندى ادەتتەرىڭىزدىڭ قانشالىقتى كوپ ەكەنىن باقىلاڭىز. ولار ءسىزدىڭ ايتارلىقتاي ۋاقىتىڭىزدى الادى. مۇنداي ادەتتەرىڭىزدى تىزىمدەپ، كەزەكپەن ارىلىڭىز. ەڭ دۇرىسى - زياندى ادەتتەردى پايدالىسىمەن الماستىرۋ.
11. جاعىمپازدانۋ ءۇشىن وزگەلەردىڭ جۇمىسىنا كومەكتەسپەڭىز. وسىلايشا، وزىڭىزگە جۇمساۋعا بولاتىن ۋاقىتتى زايا كەتىرەسىز.
12. ماقساتىڭىزعا جەتۋ بارىسىندا جەتكەن تابىستارىڭىزدى جازىپ وتىراتىن داپتەر باستاڭىز. ونى ۇنەمى تولىقتىرىپ، دۇرىس باعىتتا جىلجىپ كەلە جاتقانىڭىزعا كوز جەتكىزىڭىز.
13. بارلىق ءىستى ءمىنسىز ەتىپ ورىنداۋدىڭ قاجەتى جوق.
14. وزىڭىزگە كوپ جۇك ارتپاڭىز. ەكىنشى ورىنداعى  جۇمىستاردى كەيىنگە قالدىرىپ، ەڭ ماڭىزدى دەگەندەرىن كۇنى بويى وتىرىپ جاساۋىڭىزعا بولادى.
15. باسەكەلەستىكپەن الدانىپ قالماڭىز. ءسىز كەيدە  ماڭىزى جوق ىستەرمەن   بەلسەندى تۇردە اينالىسىپ كەتۋىڭىز مۇمكىن. بۇل جاعدايدا ۋاقىتىڭىزدى ءتيىمدى پايدالانىپ ءجۇرسىز دەپ ايتا المايمىز.
ۋاقىتتىڭ قانشالىقتى زىمىرايتىنىن بىلسەڭىز دە، ۇشقىش ءوزىڭىز ەكەنىڭىزدى ۇمىتپاڭىز!


بەرىپ كەت ورامالىڭدى

دوستار

الىستاعى اق ەركە