جاڭا حابارلار

پارتكوم كەڭسەسىندەگى كادر ۋاڭ يۇيجۋە تۋىسىنا جاڭا قىزمەت تاۋىپ بەردى

    كەلۋ قاينارى: شينجياڭ حالىق راديو ىستانسياسى    2018-06-16 08:00:21  

         ۇلتتار ىنتىماعىنىڭ «تۋىسشىلاۋ اپتالىعى» قيمىلىندا،  اۆتونوميالى رايوندىق پارتكوم  كەڭسەسىندەگى كادر ۋاڭ يۇيجۋە تۋىسىنا جاڭا قىزمەت تاۋىپ بەردى.  ستانسيامىزدىڭ ءتىلشىسى سۇن ۋيدىڭ   حابارى:
       بىرنەشە كۇننەن بەرى، يىڭسار اۋدانىنىڭ سيتلا اۋىلى نوربەشبەينام  قىستاعىنداعى تاجىگۇل اسەننىڭ قۋانىشتان ەكى ەزۋى قۇلاعىنا جەتىپ ءجۇر.  ونىڭ تۋىستاسقان ءسىڭىلىسى- اۆتونوميالى رايوندىق پارتكوم كەڭسەسىنىڭ كادرى ۋاڭ يۇيجۋە بۇل جولى ونىڭ ۇيىنە كەلىپ، وعان سىرتقا شىعىپ جۇمىس ىستەۋ ورايىن جاراتىپ بەردى. تاجىگۇل اسەن:« ول ءار رەت ۇيىمىزگە كەلگەندە بالاما وقۋ قۇرالدارىن، كىتاپ- سومكا، كيىم- كەشەك سياقتى كوپتەگەن بۇيىمداردى الا كەلەدى،  بۇل جولى ول   قسىتاق تۇرعىندار كوميتەتىمەن حابارلاسىپ جۇمىس تاۋىپ بەردى ،   ۋاڭ يۇيجۋە سىڭىلىمە ەرەكشە العىس ايتامىن»،- دەدى.
   سەرىكتەسىپ تۋىسقاندىق قاتىناس ورناتقاننان بەرى، ۋاڭ يۇيجۋە مەن تاجىگۇلدىڭ ۇيىندەگىلەردىڭ سۇيىشپەنشىلىگى بارعان سايىن قويۋلادى  ،   ۋاڭ يۇيجۋە بولسا اپەكەسىنىڭ وتباسى قيىنشىلىعىن شەشۋدى ءبىر ساتتە ەسىنەن شىعارعان ەمەس، ول :« اپەكەممەن قايتا-قايتا اڭگىمەلەسىپ پىكىر اۋىستىرۋ ارقىلى  ونىڭ ۇيىندەگى كەيبىر ناقتى قيىشنىلىقتاردى، ياعني كاسىپتەنۋ، كىرىس جاعىنداعى كەيبىر ماسەلەلەردى ءبىلدىم»،- دەدى.
    بۇل جولى اپەكەسىنىڭ ۇيىنە كەلىپ، قىستاقتىڭ تۇرعىنداردى سىرتقا جۇمىس ىستەۋگە ۇيىمداستىرماقشى ەكەنىنەن حابار تاپقان ۋاڭ يۇيجۋە قىستاقتىڭ  ەكى باسشىلىق القاسىمەن حابارلاسىپ،  تاجىگۇل اسەن وتباسىنىڭ قيىنشىلىعىن ولارعا تولىق جەتكىزىپ،  وعان ءبىر سان تۇراقتاندىرىپ بەرەدى. تاجىگۇل اسەن:« مەن قوس قولىما سۇيەنىپ قۇلشىنا كۇرەس جاساپ،  كوپتەپ اقشا تاۋىپ،  وتباسى تۇرمىسىمدى جاقسارتىپ، ءتىپتى دە نۇرلى،  باي-باقىتتى تۇرمىسقا جەتۋگە ۇمتىلامىن»،- دەدى.
   ۋاڭ يۇيجۋە :« بۇدان بىلاي ، مەن دە جان-جاقتىلى  قۇلشىنىس جاساپ، ولاردىڭ تۇرمىسىنىڭ اناعۇرلىم جاقسى بولۋىنا كۇش قوسامىن،   ارامىزداعى قاتىناستىڭ اناردىڭ دانىندەي تىعىز  بولۋىنا، بارعان سايىن جاقسارۋىنا مۇمكىندىك جاسايمىن»،- دەدى.


بەرىپ كەت ورامالىڭدى

دوستار

الىستاعى اق ەركە