جاڭا حابارلار

21-كەزەكتى دۇنيە كوزەسىنە تالاسۋ فۋتبول جارىسى رەسەيدىڭ موسكۆا قالاسىندا باستالدى

    كەلۋ قاينارى: شينجياڭ حالىق راديو ىستانسياسى    2018-06-15 22:54:46  

شينحۋا اگەنتتىگىنىڭ حابارى:21-كەزەكتى دۇنيە كوزەسىنە تالاسۋ فۋتبول جارىسى جەرلىك ۋاقىت 14-ماۋسىم كۇنى كەشتە رەسەيدىڭ استاناسى موسكۆا قالاسىندا باستالدى. مەملەكەت ٴتوراعاسى شي جينپيڭنىڭ ەرەكشە ەلشىسى، مەملەكەتتىك كەڭەس زۇڭليىنىڭ ورىنباسارى ٴسۇن چۇنلان ۇسىنس بويىنشا باستالۋ مۇراسىمىنا قاتىناستى

.

 حالىقارالىق فۋتبول بىرلەستىگىنىڭ دۇنيە كوزەسىنە تالاسۋ جارىسى-الەمدىك فۋتبول ساحناسىنداعى باسەكەلىك ورەسى اسا قيانكەسكى، اتاعى جەر جاراتىن اسا سالتاناتتى جارىس. بۇل-رەسەيدىڭ وسى جارىستى تاريحتا تۇڭعىش وتكىزۋى، ٴارى دۇنيە كوزەسىنە تالاسۋ فۋتبول جارىسىنىڭ تۇڭعىش رەت شىعىس ەۆروپا ەلىندە وتكىزىلۋى. الداعى 32 كۇندە 32 كاماندا 64 مايدان جارىستا الەمدىك فۋتبول دوداسىنىڭ ەڭ جوعارعى مارتەبەسى سانالاتىن «قاسيەتتى لوڭقا» ٴۇشىن قيانكەسكى باسەكەگە تۇسەدى.


    ناق مايدانداعى 80 مىڭعا جۋىق كورەرمەننىڭ ايبىندى ٴۇنى ىشىندە، وتاعاسى ەل رەسەي كومانداسى 2018-جىلعى دۇنيە كوزەسىنە تالاسۋ فۋتبول باسەكەسىنىڭ بەتاشار جارىسىندا 0 گە قارسى 5 ۇپايمەن قارسىلاسى ساۋد ارابيا كامانداسىن شاڭ قاپتىرىپ، بىردەن جەڭىسكە جەتتى. كومەكشى دوپشى قاتارىندا مايدانعا شىققان چەريشەۆ قارسىلاسىنىڭ قاقپاسىنا ەكى دوپ كىرگىزىپ، دوپ كىرگىزۋشىلەر تاقتاسىندا قازىرشە الدا تۇر.


بەرىپ كەت ورامالىڭدى

دوستار

الىستاعى اق ەركە