جاڭا حابارلار

ۇستاز بەن شاكىرت سۇيىسپەنشىلىگى، انا-بالا ماحابباتى

    كەلۋ قاينارى: شينجياڭ حالىق راديو ىستانسياسى    2018-06-19 12:56:22  
ماناس راديو ستانسياسىنىڭ ءتىلشىسى شۇي ۋانليدىڭ حابارى: ماناس اۋداندىق 5-باستاۋىش مەكتەپتىڭ وقىتۋشىسى لۇي پيڭ تۇرمىستا، ۇيرەنۋدە وقۋشىسى ناديار راشيتكە كوڭىل ءبولىپ تۇرادى، وقىتۋشى مەن وقۋشى اراسىنداعى سۇيىسپەنشىلىك، انا مەن بالا اراسىنداعى مۇنداي ماحاببات مەكتەپ اۋلاسىندا ۇلگىگە اينالدى.
6-ايدىڭ 15-كۇنى تۇستەن كەيىن وقۋدان تۇسكەننەن كەيىن، لۇي پيڭ كۇندەلىكتى ادەتى بويىنشا 6-جىلدىق ءبىرىنشى كلاستىڭ وقۋشىسى ناديار راشيتتى كەڭسەسىنە شاقىرىپ الىپ، وعان ساباق پىسىقتاتتى. ساباقتان كەيىنگى مۇنداي پىسىقتاۋدى لۇي پيڭ 6 جىل جالعاستىرىپ كەلدى. ناديار راشيت بىلاي دەدى: ۇيرەنۋدە، تۇرمىستا قينالسام مۇعالىم ماعان كومەكتەسەدى. كۇندە تۇستەن كەيىن تاپسىرمامدى پىسىقتاتادى، ماۋسىم سوڭىنداعى پىسىقتاۋدا لۇي مۇعالىم ۇيىمە بارىپ تاپسىرمامدى پىسىقتاتادى، ول كىسى شەشەم سياقتى، ماعان سەرىك بولىپ كەلەدى.
6 جىلدىڭ الدىندا ناديار راشيت وقۋعا ەندى كىرگەن كەزدە ورتاق تىلدە بەينەلەۋ قابلەتى ناشار، ەمتيحاندا ۇنەمى كوشپەي قالاتىن. ونىڭ وتباسىنا بارعاندا لۇي پيڭ بۇل بالانىڭ اكە-شەشەسىنىڭ مادەنيەت دەڭگەيى تومەن، ورتاق تىلدە سويلەي المايتىنىن، بالانىڭ ساباعىن پىسىقتاتا المايتىنىن بىلەدى. كىشكەنتاي ناديار راشيتتىڭ ناتيجەسى ناشار بولعاندىقتان وقۋعا دا زاۋقى سوقپايتىنىن بىلەدى. بالانىڭ كلاستاعى ساباقتاستارىنىڭ وقۋ اياق الىسىنا تەز ىلەسۋى ءۇشىن، لۇي پيڭ ءار كۇنى وعان ساباق پىسىقتاتادى، ءارى ونىڭ ۇيىنە بارىپ اتا-اناسىمەن اقتارىلا اڭگىمەلەسىپ، اتا-اناسىن بالاسىمەن بىرگە ورتاق ءتىل ۇيرەنۋگە شابىتتاندىرادى. بالانىڭ اكەسى راشيت قادر: ۇلىما كومەكتەسىپ كەلەدى، تەگىن ساباق پىسىقتاتادى، دىبىس قۇراپ وقۋدان باستاپ ادەبيەت، ماتەماتيكا ساباقتارىن پىسىقتاتادى، قازىرگە دەيىن ءبىر ءۇيلى جانداي بولىپ كەلەمىز، لۇي مۇعالىمعا العىسىمىز شەكسىز،-دەدى.
ءبىر جولى، لۇي پيڭ تۇتقيل جۇرەك اۋرۋى قوزعالىپ اۋرۋحاناعا جاتىپ قالادى، شيپاگەر وعان جاقسىراق كۇتىنۋگە، تەلەفون قابىلداماۋعا جانە تەلەفون سوقپاۋعا ناسيحاتتايدى. الايدا، اۋرۋحانادا جاتقان كەزىندە ول كۇندە اقىرىن اۋرۋحانا عيماراتىنىڭ ءبىرىنشى قاباتىنا بارىپ، ناديار راشيتكە تەلەفوندا ساباق پىسىقتاپ بەرەدى. ول: «ورىنداي الماعان تاپسىرماسىن تەلەفوندا پىسىقتاپ بەرەمىن. شيپاحانادان شىققاننان كەيىن نادياردى شاقىرىپ الىپ جالعاستى پىسىقتاۋ جاساپ بەردىم»،-دەدى.
قازىر، ناديار راشيت كۇننەن كۇنگە العا باسۋدا، الدا زەينەتكە شىعاتىن لۇي پيڭ ەرەكشە قۋانىشتى بەينەدە: «وقىتۋشىلىقپەن شۇعىلدانعالى 38 كوكتەم، كۇز بولىپتى، بيىل زەينەتكە شىعامىن، قىزمەتتىمدى قاتتى سۇيەمىن، بالالارعا ۇزاق جىل ساباق ءوتۋ بارىسىندا ءوزىمدى باقىتتى ءارى كوڭىلدى سەزىندىم»،-دەدى.

بەرىپ كەت ورامالىڭدى

دوستار

الىستاعى اق ەركە