جاڭا حابارلار

رايونىمىزدىڭ جەر-جەرى كاسىپتەندىرىپ كەدەيلەردى سۇيەمەلدەۋ قىزمەتىن ورىستەتىپ ، كەدەي بۇقارانىڭ ورنىقتى تۇردە كەدەيلىكتەن قۇتىلۋىنا كومەكتەستى

    كەلۋ قاينارى: شينجياڭ حالىق راديو ىستانسياسى    2018-06-20 10:49:39  

 كاسىپتەندىرۋ ەڭ ءىرى حالىق تۇرمىسى ماسەلەسى. باس شۋجي شي جينپيڭ بىلاي دەپ اتاپ كورسەتكەن بولاتىن: اقاۋسىز العا ۇمتىلاتىن ءبىر ۇلت ەڭبەك ىستەۋگە، كاسىپتەنۋگە، ءوز كۇشىنە سۇيەنىپ وتباسىن اسىراۋعا، قوعامعا قىزمەت وتەپ، مەملەكەتكە ۇلەس قوسۋعا شابىتتاندىرۋ كەرەك. قىزمەت ءتاسىلىن جاقسارتىپ، اقشا، زات جانە قوي، سيىر بەرەتىن قاراپايىم ادىسكە وزگەرىس جاساپ، ءوندىرىستى سيلاۋ كومەك قاراجاتى، ەڭبەككۇشتەرگە كومەك قاراجات بەرۋ ، قۇرىلىس ارقىلى كومەكتەسۋ سياقتى مەحانيزىمدەردەن كوپتەپ پايدالانۋ، ءبارىن ءبىراق مىندەتىنە الماۋ، ءوزى عانا مەڭگەرىپ الماۋ، بۇقارانى ءوزىنىڭ قاجىرلى ەڭبەگى ارقىلى كەدەيلىكتەن قۇتىلىپ اۋقاتتانۋعا ءناسيحاتتاۋ جانە جەتەكشىلىك ەتۋ كەرەك.
      قازىر، رايونىمىزدىڭ جەر-جەرى كاسىپتەندىرۋدى الدىڭعى ورىنعا قويۋ ستراتەگياسى مەن بەلسەنە كاسىپتەندىرۋ ساياساتىنا تاباندى بولىپ، كاسىپتىك تەحنيكالىق قابىلەت كۋرىسىن كەڭ كولەمدە ورىستەتىپ، الەۋمەتتىك كاسىپتەندىرۋگە ءار قىرىنان قىزمەت وتەپ، ءار ۇلت بۇقاراسىنىڭ ءتۇرلى جولدارمەن كاسىپتەنۋىن، يگىلىك جاراتۋىن جەبەدى. :
 توقسۋ اۋدانى جيا-ي شۋاڭچۋاڭيۋان دىفۋلي كيىم-كەشەك شەكتى جارنا سەرىكتەستىگىنىڭ كيىم-كەشەك ءوندىرىس سەحىندا، تىگىن ماشيناسىنىڭ گۇر-گۇر ەتكەن دىبىسى تولاستامادى. 24 جاستاعى رىسالات ايسا تىگىن ماشيناسىن جەتىك يگەرىپتى. بيىل 2-ايدا، ول قىستاقتان شۋاڭيۋان سەرىكتەستىگىنىڭ قۇرىلعانىن، كاسىپورىننىڭ ۇيلەرىنىڭ ىرگەسىندە عانا ەكەنىن ەستىپ تىزىمدەلىپ كاسىپورىن جۇمىسشىسى بولادى. ول بىلاي دەدى: ءبىر ايدا 2 مىڭ يۋان ەڭبەكاقى الامىن، سەح قىستاقتا قۇرىلدى، كۇندەلىكتى بالامدى بالالار باقشاسىنا اپارىپ قويىپ قىزمەتىمە بارامىن،  تۇراقتى ەڭبەكاقى الامىن، وتباسىمنىڭ شارت-جاعدايى كۇننەن كۇنگە جاقسارۋدا.  مەن اناعۇرلىم كوپ بىلىمدەردى قۇلشىنا ۇيرەنىپ، تەحنيكالىق رولىمدى جوعارىلاتىپ، تۇرمىسىمدى اناعۇرلىم جاقسارتامىن.
    توقسۋ اۋدانى توقىما كيىم-كەشەك كاسىبىنەن پايدالانىپ ايەلدەردى جاقىن ماڭدا، تۇرعان جەرىندە كاسىپتەنۋگە باۋراپ، اۋىل-قىستاقتارداعى كوپتەگەن ارتىق ەڭبەككۇشتەردى يگىلىكتەندىردى. دىفۋلي كيىم-كەشەك شەكتى جارنا سەرىكتەستىگىنىڭ باس مەڭگەۋشىسى جين شيۋيىڭ بىلاي دەدى: دىفۋلي كيىم-كەشەك شەكتى جارنا سەرىكتەستىگى بيىل 2-ايدان باستاپ وندىرىسكە قوسىلىپ، ماڭىنداعى 7 قىستاقتاعى 300 دەن استام تۇرعىننىڭ كاسىپتەنۋ ماسەلەسىن شەشتى، مۇنىڭ 151 ى كەدەي تۇرعىن. تاپسىرىستىڭ مولايۋىنا وراي، قايتالاي ءوندىرۋ كولەمىن كەڭەيتىپ، تاعى ەكى سەح قۇرىپ، 300 ادامدى كاسىپتەندىرىپ،  ولاردىڭ تۇرعان جەرىندە جاقىن ماڭدا كاسىپتەنۋىنە مۇمكىندىك جاساۋدامىز. 
بيىل، اۆتونوميالى رايون وڭتۇستىك شينجياڭداعى 3 ايماق، ءبىر وبلىستاعى ەرەكشە كەدەي رايونداعى ەڭبەككۇشتەردى باسقا سالادا كاسىپتەندىرىپ كەدەيلەردى سۇيەمەلدەۋ قىزمەتىن باستاپ اتقاردى،  22 ەرەكشە كەدەي اۋدان، قالاداعى  ارحيۆ تۇرعىزىپ كارتىشكا تاراتىلعان كەدەي جان سانى اراسىنداعى ەڭبەك ىستەۋ قۋاتى بار جانە كاسىپتەنىپ يگىلىك جاراتقىسى كەلەتىن ەڭبەكشىلەردى شوعىرلى كوزدە ۇستادى. حوتان قالاسى لاسكۇي قالاشىعىنداعى مامەتالي تۇرسۇن ايەلىمەن بىرگە ءۇرىمجى قالاسىنا كەلىپ باسقا سالادا كاسىپتەندى. ول تىلشىگە:  بالالارىمىزعا تاماشا تۇرمىس شارت-جاعدايىن جاراتۋ ءۇشىن سىرتقا شىعىپ قىزمەت ىستەدىك. ەكى جىلدىق توقتام جاساستىق، ەكەۋىمىز ەكى جىلدا 100 مىڭ يۋان تابىس تاۋىپ كەدەيلىكتەن قۇتىلۋدى جوسپارلاپ وتىرمىز،- دەدى.
  حوتان ايماعى ارحيۆ تۇرعىزىپ كارتىشكا تاراتىلعان  كەدەي وتباسىنداعى ەڭبەككۇشتەردەن 3 جىلدا 102 مىڭ ادامدى باسقا سالادا كاسىپتەندىرەدى. مۇندا، بيىل 30 مىڭ ادامدى ورنىقتى كاسىپتەندىرۋ، 21 مىڭ 400 ادامدى يكەمدى كاسىپتەندىرۋدى جانە ماۋسىمدىق كاسىپتەندىرۋ جوسپارلاندى. 
   كەدەيلەردى سۇيەمەلدەۋدە اقىل-پاراسات جانە قايرات-جىگەر جاعىنان كومەكتەسۋمەن ۇشتاستىرىپ، كەدەي بۇقارانىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرۋعا ءمان بەرۋ كەرەك. تاياۋدا، رايونىمىز « وڭتۇستىك شينجياڭداعى 3 ايماق، ءبىر وبلىستاعى ەرەكشە كەدەي رايوننىڭ  2018- جىلدان 2020- جىلعا دەيىنگى كاسىپتەندىرۋ، كەدەيلەردى سۇيەمەلدەۋ كۋرىسىن ىلگەرلەتۋ جوسپارىن» جاساپ، وڭتۇستىك شينجياڭداعى 3 ايماق، ءبىر وبلىستاعى 22 كەدەي اۋدانداعى   ارحيۆ تۇرعىزىپ كارتىشكا تاراتىلعان كەدەي وتباسىنداعى ەڭبەككۇشتەردى كوزدەپ، ءار ءبىر كەدەي وتباسىنان از دەگەندە ءبىر ەڭبەككۇشتىڭ بىرەر كاسىپتەنۋ تەحنيكالىق ونەرىن ۇيرەنۋىنە، يگەرۋىنە كەپىلدىك ەتتى. 3 جىلدا 100 مىڭنان ارتىق ادامدى كۋرسكە قاتىناستىرىپ، كۋرستەن كەيىنگى كاسىپتەنۋ مولشەرىن %90 تەن اسىرۋعا كۇش سالادى.
    جۇمىس ورنى سيپاتى جانە «ءبىر ادامدى سىرتقا شىعارسا، ءبىر ادامدى تاربيەلەۋ» تالابى بويىنشا، كۋرستى جەبەۋ جوسپارى كاسىپتىك مەكتەپتەر، اۋدان، اۋىلدارداعى ءتۇرلى كۋرس قۇرىلىمدارى سياقتى كۋرس بايلىعىنان تولىق پايدالانىپ، اۋدان، قالانى ولشەم ەتىپ، كەدەي وتباسىنداعى ەڭبەككۇشتەردىڭ باسقا سالادا كاسىپتەنۋىنەن بۇرىنعى تەحنيكالىق ونەر كۋرسىن ورىستەتىپ، كاسىپ كوزىن اشقىسى كەلەتىن، ءارى يگىلىك جاراتۋ شارتىن ازىرلەگەندەردى تاربيەلەيدى، سول ۋاقىتتا، جوعارىلاپ وقي الماعان ورتالاۋ مەكتەپ بىتىرگەندەر تەحنيكا ونەرى تاربيەسىن الادى، جوعارى مەكتەپ ءبىتىرىپ كاسىپتەنبەگەن وقۋشىلار مەن تەحنيكا مەكتەبى سياقتى كاسىپتىك مەكتەپ بىتىرگەن وقۋشىلار جوعارى تەحنيكالىق ونەر جانە باسقارۋ قىزمەت ورنى كۋرىسى سياقتى 4 ءتۇرلى كۋرسكە قاتىناسادى. اۆتونوميالى رايون جوعارىداعى 4 ءتۇرلى كۋرسكە قاتىناسقان، شارتقا ۇيلەسەتىن كەدەي وتباسىنداعى ەڭبەككۇشتەرگە بەلگىلەمە بويىنشا لايىقتى  قوسىمشا قاراجات بەرەدى، سونىمەن بىرگە،  وڭتۇستىك شينجياڭداعى 3 ايماق، ءبىر وبلىستاعى ەرەكشە كەدەي رايونداعى كەدەي وتباسىنداعى ەڭبەككۇشتەردى كاسىپتەندىرۋدى قابىلداعان جۇمىسشى ىستەتەتىن ورىندارعا  ولشەم بويىنشا كۋرىس قوسىمشا قاراجاتىن تاراتادى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى كاسىپتىك ونەر قۇرىلىسى باسقارماسىنىڭ مەڭگەرۋشى قىزمەتكەرى چياۋ پىڭچىڭ بىلاي دەدى:  بۇرىنعى كۋرس تاسىلىنە ۇقسامايىنى،  ەڭبەككۇشتى سىرتقا شىعارعان جەرلەر ورىستەتكەن نەگىزگى تەحنيكالىق ونەر كۋرستەرىن كوزدەپ، كەدەيلەردى كاسىپتەندىرۋ ارقىلى سۇيەمەلدەۋ ارناۋلى كۋرسىن اشتىق، بۇل نەگىزىنەن العاشقى مەرزىمدىك كۋرس نەگىزىندە كەدەي وتباسىلارىنداعى ەڭبەككۇشتەردىڭ ەرەكشەلىگىنە قاراتا اشىلعان ولشەمدەنگەن، باعىتتامالى كۋرس. 
   «مىنا كيىمدەگى مەرۋەرت قازاقستاندا وتە كەڭ تارالعان، كيىمنىڭ جاعاسى مەن جەڭىنە وزگەرىس ەنگىزىپ، رەتتەدىك، بۇل كيىمدەردىڭ كوپشىلىكتىڭ القاۋىنا بولەنەتىنى داۋسىز».
  پايزاۋات اۋدانى بارىن قالاشىعى قوسكوپىر قىستاعىنداعى شاعىن زاۆوتتا، كونە جۇمىسشى-قىزمەتكەرلەر شاكىرتتەرگە قولما-قول جەتەكشىلىك ەتۋدە. قىستاق تۇرعىنى اتىكام ءداۋىت ءوزىنىڭ قۇلشىنىسى مەن كاسىپورىننىڭ تەحنيكالىق ونەر كۋرسى ارقىلى كيىم جوبالاۋ قوسىنىنا مۇشە بولىپ،  ءوزىنىڭ قۇنىن ايگىلەيتىن ساحىناعا يە بولدى. ول بىلاي دەدى: كيىم جوبالاۋعا ەرەكشە قىزىعامىن، باس شۋجي شي جينپيڭ « باقىت كۇرەس جاساۋدان كەلەدى دەگەن، كاسىپورىننىڭ مەنى باۋلىعان ەڭبەگىن ەش قالدىرمايمىن، اناعۇرلىم كوپ كيىمدەردى جوبالاپ، بۇرىنعىدان دا كوپ اپەكە-سىڭىلىلەردى بىرلىكتە اۋقاتتانۋعا باستايمىن.
   بيىل، پايزاۋات اۋدانى 64 ەرەكشە كەدەي قىستاقتىڭ ءارقايسسىنان بىردەن شاعىن زاۆود قۇرىپ، ءار ءبىر كەدەي وتباسىن ورنىقتى كاسىپتەندىرۋدى جوسپارلادى. پايزاۋات اۋداندىق كەدەيلەردى سۇيەمەلدەۋ كەڭسەسىنىڭ مەڭگەرۋشىسى لي جاڭچيڭ بىلاي دەدى: بيىل جىل باسىنان بەرى، پايزاۋات اۋدانى ەڭبەككۇشتەردى باسقا سالادا كاسىپتەندىرۋدى كەدەي وتباسىلارىن كەدەيلىكتەن قۇتىلدىرۋداعى 5 ءىرى شاراداعى ماڭىزدى بۋىن دەپ قاراپ،  10 مىڭ كاسىپورىن مىڭ قىستاققا كومەكتەسۋ، تەحنيكالىق ونەر كۋرسىن نىعايتۋ ارقىلى، ادام مەن جۇمىس ورنىن ۇشتاستىرىپ،  9 مىڭ 276 وتباسى، 11 مىڭ 997 ادامدى كاسىپتەندىردى.

 

 

 

 


بەرىپ كەت ورامالىڭدى

دوستار

الىستاعى اق ەركە