جاڭا حابارلار

جۇڭگو - ەۆروپا كەزەكشى پويەزدەرى ەسىك اشۋ جولىن ءتىپتى دە كەڭەيتە ءتۇستى

    كەلۋ قاينارى: شينجياڭ گازەتى    2018-06-20 11:35:41  

ءتىلشىمىز لۋ فىڭباۋ

5 - ايدىڭ 30 - كۇنى شينجياڭداعى ەڭ ۇلكەن تەمىر جول جۇك تاسىمالىن توپقا ءبولۋ الاڭى − ءۇرىمجى باتىس ۆوكزالىندا، جۇڭگو - ەۆروپا كەزەكشى پويەزدەرى توپقا بولىنگەننەن كەيىن، وسى ارادان ەۆروپاعا اتتانادى. قازىرگە دەيىن، جۇڭگو - ەۆروپا كەزەكشى پويەزىنان ءۇرىمجى شوعىرلاندىرۋ ورتالىعىنان جيىنى 1248 كەزەكشى پويەز اتتاندى.
سۋرەتتى ءتىلشىمىز جوۋ پىڭ تۇسىرگەن

  2014 - جىلى 3 - ايدىڭ 18 - كۇنى شينجياڭنىڭ تۇڭعىش رەتكى باتىس باعىتتاعى حالىقارالىق جۇك تاسىمال پويەزى جولعا شىقتى. وسى كەزدە ءتوراعا شي جينپيڭنىڭ «ءبىر بەلدەۋ، ءبىر جول» دارىپتەمەسىن العا قويعانىنا ەندى عانا جارىم جىلدان اسقان بولاتىن.
  4 جىلدان بەرى، «بولات - تەمىر كەرۋەندەرى» مىڭ جىلدىق جىبەك جولىن بويلاي باتىستى بەتكە الىپ، ەۆروپاعا بارىپ، «ءبىر بەلدەۋ، ءبىر جولعا» شينجياڭ كۇشىن قوستى، جۇڭگودان ەۆروپاعا قاتىنايتىن حالىقارالىق جۇك تاسىمال كەزەكشى پويەزدەرى 17 ەلگە باردى، بۇل شينجياڭنىڭ سىرتقا ەسىك اشۋىنداعى شينجياڭ «ماتورىنا» اينالىپ، شينجياڭنىڭ سىرتقا ەسىك اشۋ اياق الىسىن ۇزدىكسىز جەدەلدەتۋىن ىلگەرىلەتتى.
  باتىس باعىتىنداعى كەزەكشى پويەز جىبەك جولى ساۋداسىن ىركىلىسسىزدەندىردى
  ۇعىسۋعا قاراعاندا، شينجياڭ 2006 - جىلى باتىس باعىتىندا حالىقارالىق جۇك تاسىمال پويەزدەرىن قاتىناتۋدى سىناق ەتكەن، ايتسە دە ءتۇرلى - ءتۇستى قيىنشىلىقتار سەبەپتى كولەم قالىپتاستىرا الماعان.
  ءۇرىمجى تۇڭيادا حالىقارالىق جۇك تاسىمال ۋاكىلدىك شەكتى سەرىكتەستىگىنىڭ 2010 - جىلى تەمىر جول ارقىلى ورتا ازيا بازارىنا ءبىر ءبولىم جۇكتەردى تاسىعاندىعى، ايتسە دە تاسىمال قۋاتىن قامتاماسىز ەتۋدىڭ قيىندىعى، ونىڭ ۇستىنە، تاسىمال ۋاقىتىنىڭ تىم ۇزاق، جۇك تاسىمال وزىندىك قۇنىنىڭ تىم جوعارى بولعاندىعى وسى سەرىكتەستىكتىڭ شارۋاشىلىق مەڭگەرۋشىسى ليۋ جىنجۇننىڭ كوكەيىندە كۇنى كەشەگىدەي سايراپ تۇر.
  2014 - جىلى شينجياڭ «ءبىر بەلدەۋ، ءبىر جول» دارىپتەمەسىن بەلسەنە دايەكتىلەندىرىپ، تياناقتاندىرىپ، 2014 - جىلى 3 - ايدىڭ 18 - كۇنى باتىس باعىتىندا حالىقارالىق جۇك تاسىمال پويەزدەرىن قاتىناتىپ، جىبەك جولى ساۋداسىن ىركىلىسسىزدەندىردى.
  شينجياڭ پەداگوگيكالىق داشۋەسى جىبەك جولى ەكونوميكالىق بەلدەۋىن زەرتتەۋ ورتالىعىنىڭ مەڭگەرۋشىسى جۋ شىسۇڭ بىلاي دەدى: شينجياڭنىڭ باتىس باعىتىندا حالىقارالىق جۇك تاسىمال كەزەكشى پويەزدەرىن قاتىناتۋى شينجياڭنىڭ ىشكى ولكە، قالالارمەن ەكونوميكانى ءبىر تۇلعالاندىرۋ اياق الىسىن تەرەڭدەتىپ، شينجياڭنىڭ جىبەك جولى ەكونوميكالىق بەلدەۋى جۇلگەسىنىڭ حالىقارالىق كاسىپ تىزبەگىنە قاتىناسۋىن ءتىپتى دە جەبەيدى، شينجياڭنىڭ ەسىك اشۋدى جاپپاي تەرەڭدەتۋدىڭ تەرەڭدىگى مەن ساپاسىن ءتىپتى دە جوعارىلاتادى.
  باتىس باعىتىنداعى كەزەكشى پويەزدەر باتىسقا تەمىر جول قاتىناعانىمەن، ىركىلىسسىز بولماۋ مەسەلەسىن ءبىر جايلى ەتىپ، كاسىپورىندار ءۇشىن ورنىقتى تەمىر جول تاسىمال قۋاتىن ازىرلەدى. ليۋ جىنجۇن بىلاي دەدى: 2014 - جىلدان كەيىن، سەرىكتەستىگىمىز مىندەتكە العان جۇكتەردىڭ تەمىر جول ارقىلى شەتەل بازارىنا جەتكىزىلەتىندەرى بارعان سايىن كوبەيدى، بىلتىر ءبىر جىلدىڭ وزىندە 2000 ۆاگوننان ارتىق جۇك تاسىدىق.
  2016 - جىلى 6 - ايدا، ەلىمىز تەمىر جولدا «جۇڭگو - ەۆروپا كەزەكشى پويەزى» ءبىر تۇتاس ماركاسىن رەسمي ىسكە قوستى. ساندى مالىمەتتەر شينجياڭنىڭ 2014 - جىلدان 2016 - جىلعا دەيىن باتىس باعىتىندا جيىنى 358 حالىقارالىق جۇك تاسىمال كەزەكشى پويەزىن قاتىناتقاندىعىن ايگىلەدى. 2017 - جىلى جۇڭگو - ەۆروپا كەزەكشى پويەزى ءۇرىمجى شوعىرلاندىرۋ ورتالىعىنان جۇڭگو - ەۆروپا كەزەكشى پويەزىنەن 710ى قاتىناعان. بۇكىل ەلىمىز كولەمىندەگى كەزەكشى پويەزدەرمەن سالىستىرعاندا، شينجياڭنان اتتاناتىن جۇڭگو - ەۆروپا كەزەكشى پويەزدەرى چۇڭچيڭ، چىڭدۋ، جىڭجوۋ، ي - ۋ سياقتى جەرلەردەن اتتاناتىن كەزەكشى پويەزدەرمەن ۇقساس ءبىر دەڭگەيدە تۇرادى.
  باتىسقا ەسىك اشۋ تىڭ ساتىعا كوتەرىلدى
  2016 - جىلى 5 - ايدا، جۇڭگو - ەۆروپا كەزەكشى پويەزى ءۇرىمجى شوعىرلاندىرۋ ورتالىعى ىسكە قوسىلعاننان بەرى، شينجياڭنان اتتاناتىن جۇڭگو - ەۆروپا كەزەكشى پويەزى كولەمدى قاتىناپ، سول جىلدىڭ وزىندە 135 كەزەك قاتىنادى، بيىل 1400 كەزەك پويەز قاتىناتۋ نىساناسىنا قاراي قۇلشىنۋدا.
  جۇڭگو - ەۆروپا كەزەكشى پويەزى ءۇرىمجى شوعىرلاندىرۋ ورتالىعىنىڭ ىسكە قوسىلۋى شينجياڭنىڭ جۇڭگو - ەۆروپا كەزەكشى پويەزىن شينجياڭنان باستاپ اتتاندىرا الاتىن قابىلەتى بار ەكەندىگىن ايگىلەپ قانا قالماستان، شينجياڭدى شىعىس پەن باتىستىڭ زات شوعىرلاندىراتىن تورابىنا اينالدىرىپ، شينجياڭنىڭ باتىسقا ەسىك اشۋىن تىڭ ساتىعا كوتەردى.
  اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ ورىنباسار مەڭگەرۋشىسى پىڭ جي بىلاي دەدى: جۇڭگو - ەۆروپا كەزەكشى پويەزى ءۇرىمجى شوعىرلاندىرۋ ورتالىعىنىڭ ماڭىزدى ءمانى ونىڭ شينجياڭنىڭ ارنا ەكونوميكاسىن وزگەرتىپ، ارنا مەن توراپ قوسىلعان دامۋ جاعدايىن قالىپتاستىرعاندىعىندا.
  شينجياڭنىڭ «دوستار شەڭبەرى» ۇزبەي كەڭەيدى
  جاڭا ءداۋىر جاڭا وراي الا كەلدى. كەزەكتە جۇڭگو - ەۆروپا كەزەكشى پويەزى ءۇرىمجى شوعىرلاندىرۋ ورتالىعى شينجياڭنىڭ ءىشى - سىرتىنداعى 200دەن استام يمپورت - ەكسپورت كاسىپورىندارىمەن تۇراقتى سەلبەستىك قاتىناسىن ورناتتى، كەزەكشى پويەز شينجياڭداعى جەرگىلىكتى كاسىپورىنداردىڭ زاتىن تاسىمالداپ قانا قالماستان، قىزمەت كولەمى گۋاڭدۇڭ، جىجياڭ، سىچۋان، بەيجيڭ، شاڭحاي، چۇڭچيڭ قاتارلى 10 نەشە ولكە قالاعا دەيىن كەڭەيدى.
  شارپىعان مەملەكەت كولەمى ءتىپتى كەڭ بولدى، جۇڭگو - ەۆروپا كەزەكشى پويەزى ءۇرىمجى شوعىرلاندىرۋ ورتالىعى ىلگەرىندى - كەيىندى ۇرىمجىدەن قازاقستاننىڭ الماتى قالاسى، رەسەيدىڭ ۆورسينو قالاسى، ۋكراينانىڭ پولتاۆا قالاسى، گەرمانيانىڭ گامبۋرگ قالاسى، يتاليانىڭ ناپلەس قالاسى، نيدەرلانتتىڭ روتتەردام قالاسى سياقتى ەۆورپاداعى، ورتا ازياداعى ەلدەرگە دالمە - ءدال قاتىنايتىن 19 تاسىمال جەلىسىن اشىپ، ەۆروپا جانە ازياداعى 17 مەملەكەتتىڭ 24 قالاسىن شارپىدى.
  شينجياڭنىڭ تەمىر جولى باتىس وڭتۇستىك حالىقارالىق زات اينالىم بازارىن دا كوزدەدى، شينجياڭ شينتيە حالىقارالىق زات اينالىم شەكتى جاۋاپكەرلىك سەرىكتەستىگىنىڭ مەڭگەرۋشىسى ليۋ چاڭلين بىلاي دەدى: بۇدان كەيىن شىعىس وڭتۇستىك ازيا ەلدەرىنىڭ زاتتارى جۇڭگو - ەۆروپا كەزەكشى پويەزى ارقىلى ورتا ازيا، ەۆروپا وڭىرلەرىنە شىعا الادى، ەۆروپانىڭ زاتتارى دا جۇڭگو - ەۆروپا كەزەكشى پويەزى ارقىلى ەلىمىزدىڭ باتىس وڭتۇستىك وڭىرىنە كىرىپ، سول ارقىلى شىعىس وڭتۇستىك ازيا ەلدەرىنە كىرە الادى.
  كەزەكشى پويەز ۇشقان قۇستاي زىمىرادى، جۇڭگو - ەۆروپا كەزەكشى پويەزىنىڭ الەمدى بايلانىستىرۋ ارناسى بارعان سايىن كەڭەيدى. جۇڭگو - ەۆروپا كەزەكشى پويەزىن دانەكەر ەتكەن شينجياڭنىڭ ەسىك اشۋ، سەلبەستىك «دوستىق شەڭبەرى» بارعان سايىن كەڭەيە ءتۇستى.


بەرىپ كەت ورامالىڭدى

دوستار

الىستاعى اق ەركە