جاڭا حابارلار

 ماناس اۋدانى گۋاڭدۇڭدي اۋىلى ليۋفۋحى قسىتاعىنىڭ تۇرعىنى چىن جيانبيڭ كەدەيلىكتەن قۇتىلۋ جولىندا قۇلشىنىس جاساپ، شاعىن كوكونىس دۇكەنىنە سۇيەنىپ، تىڭ ومىرگە قادام تاستادى.

    كەلۋ قاينارى: شينجياڭ حالىق راديو ىستانسياسى    2018-06-20 10:49:17  

ماناس اۋداندىق راديو ستانسياسىنىڭ ءتىلشىسى ياڭ شىميڭنىڭ حابارى: ماناس اۋدانى گۋاڭدۇڭدي اۋىلى ليۋفۋحى قسىتاعىنىڭ تۇرعىنى چىن جيانبيڭ كەدەيلىكتەن قۇتىلۋ جولىندا قۇلشىنىس جاساپ، شاعىن كوكونىس دۇكەنىنە سۇيەنىپ، تىڭ ومىرگە قادام تاستادى.     ءتىلشى ماناس اۋدانىنداعى لۋحۋا حالىققا قولايلى كوكونىس جانە قوسىمشا ازىق-تۇلىكتەردى توتە ساتۋ دۇكەنىنىڭ قوجايىنى چىن جيانبيڭنىڭ زات ءتۇسىرىپ، كوكونىس ساتىپ، اقشا الىپ ، ەسەپ ايىرىپ، قاتتى قاربالاس بولىپ جۇرگەنىن كوردى. ەڭ العاش كاسىپ كوزىن قالاي اشقانى چىن جيانبيڭنىڭ ءالى ەسىندە. 2010- جىلى ول باسقالاردان 10 مىڭ يۋان قارىز الىپ، اۋداننان كوكونىس دۇكەنىن اشقانىن ايتا كەلىپ بىلاي دەدى: «دۇكەننىڭ  ءبىر جىلدىق جالاقىسى 12 مىڭ يۋان، سول كەزدە دۇكەن يەسىنە جالبارىنىپ ءجۇرىپ وعان الدىمەن 6 مىڭ يۋانىن تاپسىردىم. دۇكەن ءىشىن ءوزىم اقتاپ، اقشانى بارىنشا ۇنەمدەپ ىستەتتىم. 
     وسىلايشا، ول 30 شارشى مەترلىك كوكونىس دۇكەنىن اشىپ ءتيجارات باستادى.     باعاسى ارزان ءارى جاڭا كوكونىستەردى ساتىپ الۋ ءۇشىن چىن جيانبيڭ ءار كۇنى تاڭعى ساعات بىردەن اسقاندا شىحىزى قالاسىنداعى كوكونىس تولايىم بازارىنان كوكونىس ساتىپ الادى. ول بىلاي دەدى: «جاي بارىپ قالعان كۇنى باسقالاردان قالعان- قۇتقاندى ساتىپ الاسىڭ. باسقالار مەنەن ەرتە بارادى ەكەن، مەن ولاردان دا ەرتە بارۋىم كەرەك، ەڭ قيىنى تاڭەرتەڭ تۇرىپ كوكونىس اكەلۋ بولدى، العاشىندا جاستىققا باسىم تيگەنسوڭ ورنىمنان تۇرعىم كەلمەيتىن،  ۋاقىت ۇزارا كەلە بۇعاندا ۇيرەنىسىپ قالدىم، ساعات قوڭىراۋى شىرىلداسىمەن ورنىمنان اتىپ تۇراتىن بولدىم.»  
 كوكونىستىڭ ساپاسى قامتاماسىزدانىپ، قاجىرلىقپەن ەڭبەكتەنۋدىڭ ناتيجەسىندە چىن جيانبيڭنىڭ كوكونىس دۇكەنىنە كەلەتىن حاريدارلار بارعان سايىن مولايدى. ساۋدا كولەمىن كەڭەيتپەكشى بولعان چىن جيانبيڭ كوكونىستى جاستاي ساقتاۋ قويماسىن اشۋ ويىنا كەلەدى. 2016- جىلى، بەلگىلى مولشەردە قور جيناعان چىن جيانبيڭ تاعى 140 مىڭ يۋان قارجى شىعارىپ 100 توننادان ارتىق كوكونىس سياتىن كوكونىستى جاستاي ساقتاۋ قويماسىن سالدىرادى ءارى ماناس اۋدانىنداعى ياجۇڭ تۇرعىندار رايونى، ۋساي جيايۋان تۇرعىندار اۋلاسى سياقتى  4 تۇرعىندار رايونىنان تىزبەكتى دۇكەن اشتى.  چىن جيانبيڭ: «باس شۋجي شي جينپيڭ: باقىت ـ كۇرەسۋدەن كەلەدى،-دەگەن ەدى، باستاپقى شاعىن دۇكەن قازىر بىرنەشە دۇكەنگە كوبەيدى، جۇمىس نەداۋىر جاپالى بولعانىمەن، قوماقتى پايداعا كەنەلىپ، قارىمجىسىن دا كوردىم، بىرنەشە تۇرعىندار رايونىنداعى حاريدارلاردىڭ سەنىمىنە دە بولەندىم، بۇل دا بولسا مەنىڭ باقىتىم»،-دەدى.

 

 


 


بەرىپ كەت ورامالىڭدى

دوستار

الىستاعى اق ەركە